انا اول مرة بحياتي اطلع برا السعودية ورايح للمغرب

المشاركة الأصلية كتبت بواسطة مزاجية

الله يستر عليك وتروح سالم وترجع غانم
الحرص مطلوب بكل مكان ياوليدي وخلك ذيب ولاتتم ماشي وتقول انك اول مرة تجي خلك دايم مسوي نفسك مقطع المغرب وخبرة من وانت طفل هههه
ولاتعلم ان دراهمك واجد عز الله بتلقى من يطيرها
ودايم شوف الاسعار وفاصل وشارط لاتطيح على وجهك
وضيوفك دايم احرص منهم باغراضك الشخصية
جوالاتك ساعتك عطورك الخ الخ ماتدري نفس مابوه ناس طيبة بوه ناس ملعونة خير الله يكفينا وياك شرها

وباذن الله بتتوفق برحلتك

وهالله هالله باذكارك حصن فيها نفسك

المشاركة الأصلية كتبت بواسطة مسافر جديد

لا اذا ميزانيته حلوه على قوله يسكن رويال اطلس او خليج اقادير صحارى له ماينفع مره ولاسباب صعب اذكرها على العام

المشاركة الأصلية كتبت بواسطة موسى 777

السلام عليكم ابي نصايحكم انا عمري 21 سنة وحجزت على المغرب والصراحة اني خايف ومرعوب واحس بالقلق والتوتر من تعامل الشرطة والمطار والمرور والدفاع المدني وفوق هذا اول مرة اطلع برا السعودية بحياتي علماً انا ماني حق شراب ياليت تفيدوني ولا تبخلون علي انا متابع موقعكم من يوم كان عمري19 سنة وقررت احجز على كازا ولروح لمراكش واروح لاغادير ابيكم ترتبون رحلتي من يوم اطلع من مطار الدمام الى مطار كازا كيف صرف العملة علما ان المبلغ معي ضخم ياليت تحددون كم أخذ معي لاني حتى ماني عارف كم اخذ وابي رايكم بصراحة بخصوص الطيور هل يتم اصطيادها في المجمعات والاسواق مثل عندنا في السعودية ولا كيف ياليت تفيدوني من طقطق الى السلام عليكم من يوم اطلق من الدمام الى كازا وبالرجعة انا محتار استخدم سواق او استخدم سيارة احترت في هذي افيدوني
لا تتركون شيء افيدوني في كل شيء في كل حاجه في كل شارده وكل وارده