سفرة أولى مغرب .. وهذا تقريري ردا لجميلكم

المشاركة الأصلية كتبت بواسطة ندير داك الشي

كلامك يرد الروح لايوقف واصل

المشاركة الأصلية كتبت بواسطة الكينق

أحبتي الكرام هذا تقرير متواضع لرحلتي للمغرب أكتبه لكم من باب رد الجميل لكل من تواصل معي قبل السفر وأفادني بالمعلومة المطلوبة فلهم ولكم جميعا الشكر والتقدير.



بداية الرحلة كانت مشاورات وقراءات في المنتدى عن المغرب .. نروح للمغرب .. لا مانروح .. وفي الاخير استقر الرأي مع صاحبي بالذهاب للمغرب بعد التوكل على الله عز وجل .



الرحلة كانت في شهر أبريل 2011 .

بدأت احداث الرحلة من الوصول للمطار .. الجوازات والترحيب .. ثم العفش وقبل منطقة العفش في محل صرافة صرفت منه انا وصاحبي كل واحد 5000 ريال ، وطلبنا الصراف ينوع في الصرف من ابو 200 وابو 100 وخمسين وعشرين ( بصراحة بلشنا بها كيف نحطها في جيوبنا ) .......... هنا أترك التعليق لكم ايش كان التصرف الافضل !!!



استلمنا العفش وكان الحمالين الا يساعدونا ـ طبعا كل يدور رزقه ـ قلت لهم كلها شنطتين ماتستاهل وكل منا بيشيل شنطته .



خرجنا من الجمارك وايضا ترحيب وهلا فيكم ــ والرد جاهز ماعندنا الا صرافات ومعها ابتسامة ــ



بعد الخروج من صالة المطار نشبنا بسواقين التكاسي ، واخيرا سواق بــ 300درهم لعين ذياب .



الرحلة بالتاكسي من المطار لعين ذياب ولمسافر للمغرب أول مرة يتخللها شعور بالمجهول كيف بتكون الرحلة .. المغرب حلوة ولا عادية .. المنظر طول الطريق كله خضرة والجو مغيم يعطيك انطباع غريب في داخلك " شكلي باقلبها علم نفس "



كان الوصول لعين ذياب وع طول فندق فال دي انفا وعلى الاستقبال عندكم غرفة قالت الموظفة باقي غرفة تشوفونها قلت لا اعطينا بس كم سعرها قالت بــ 1400درهم لليلة ، جيت اكاسرها شفت الشباب خلفي سرا ومافيه الا هالغرفة على كلامها .. قلت تم نبي نريح ومن بكرة خير...................



ــ طلعنا الغرفة صراحة حلوة .. ريحنا لنا ساعة وغيرنا ملابسنا ونطلع اوراقنا سجلنا كم عنوان من المنتدى ــ وهنا اشكر كل من قدم لنا مساعدة او معلومة ــ



المهم طلعنا من الفندق رغم الارهاق من السفر بس ماجينا ننام في المغرب ، واخذناها مشي ع كورنيش عين ذياب كان وقتها فيه برد شوي بس كنا محتاطين بالملابس المناسبة .



المهم كانت فترة اكتشاف للمنطقة وللناس وللعالم وللبحر وللجو ، ومن كشك ع الكورنيش طلعنا شرايح اتصالات المغرب .



بعدها تعشينا في مطعم اعتقد اسمه بعلبك " عشا عادي اللهم لك الحمد " والفاتورة كانت اول مراسيم الاستقبال سعرها كثير ومو ع قد الطلب ولا على قد المطعم .



رجعنا غرفتنا ونومه حتى الصبح " طبعا خلال الليل كل شوي اقوم من النوم واطالع مع الشباك الا الدنيا باقي ليل .. ايش القصة المغرب كله ليل .. طبعا الساعة عندي ع توقيت السعودية ، واناظر الساعة الا بالسعودية الشمس ماخذه لها شوط في السماء وفي المغرب باقي الدنيا ليل ... الشاهد ان النوم في المغرب ساعات تكفي ..



المهم ماصدقت شفت النهار واقوم واصحي صاحبي ابشرك طلع النهار قام وشكلها ماوده يقوم بس جامل وصحى ... صلينا الفجر متاخرين الله يتقبل منا ومنكم .



نزلنا ع المطعم مع بدايات الصباح الاولى وفطور .. ولا نشوف في المطعم الا خواجات .. بني يعرب نايمين



بعد الفطور كانت احلى تمشية ع كورنيش عين ذياب مع الصبحية ..



اثناء ذلك قابلنا شخص مغربي ، كيفكم ياشباب من وين انتم ... مين انت .. المهم طلع سمسار شقق .. المهم ارتحنا للشخص ورحنا شفنا كم شقة ، واستقر الراي بشقة بشارع انفا صراحة نظيفة ومرتبه ومكان أمن ومريح ..



الشقة كان سعرها 1600درهم مع الشغالة اخذناها يومين قابلة للتمديد ..



عطينا الشغالة مبلغ تجيب طلبات ليومين .. وطلعت شغالة خمس نجوم في النظافة والطبخ ..



ريحنا للعصر في الشقة وتغدينا ، وتاكسي لعين ذياب " عجبتنا عين ذياب " وجلسات المقاهي هناك ..



بالليل مرينا ع التوين سنتر كان قريب مننا .. بعدها للشقة ونومة لليوم الثاني



اليوم الثالث : صحينا ع الساعة تسعة بتوقيت المغرب ، وافطرنا في الشقة بعدها توجهنا على حمام الباشا .. تنظيف من مجاميعه .. اخذنا بكج كامل " حمام وتغليف الجسم كاملا بالشوكولاته وتنظيف بشرة وبدي كير ومني كير ... "

بصراحة الحمام رايق وحلو بس ماعجبني فيه المساج احس أي كلام قياسا بالمساج في الفلبين مثلا ... رجعنا للشقة وكانت الشغالة مجهزة الغداء واحلى غداء ثم تعسيلة نومة للمغرب .. بعدها رحنا لباب مراكش تسوقنا شوي ، ثم التوين سنتر وجلسة بالمقاهي هناك ....





الجزء الثاني .. الهجرة لمراكش .....