يسألوني !!! ليه الحزن ساكن حروفي
يسألوني ليه الحزن ساكن حروفي ؟
مادروا عن مدينة الحزن اللي وسط جوفي
مدينه ماتعرف نهار ...مدينه مابها أنوار
فيها كثير أسرار...مهجوره ولا فيها أي دار
أمطارها دموع عيني ...سحابها قسوة سنيني
حدودها صحراء جفاف ...منها الفرح يخشى ويخاف
يدري أن ماله مكان...صعب يخترق سور الأحزان
وهذي حكاية مدينه بقلبي ...هي سبب همي وتعبي
عايشة بها طفلة صغيرة ...بداخلها حلم كبير
ماتيبي تصبح أميرة ...ولا في منصب وزيرة
كل اللي تبيه حنان...وحضن يعطيها الأمان
وقلب يحتويها لاجار الزمان...وإنسان يبعدها عن الحرمان
للأسف مالقت... إلا هموم والشقى... وكل الذي حولها بقيا
آثار أحرقتها النار ...وقبور وقلب مكسور
مسكينا الدنيا ضدها ...والدمع سايل على خدها
بعد هذا وش ترجون مني ؟ ...غير البكى ويا التمني
ربي يفرجها قريب ...وألتقي بذاك الحبيب
اللي لاشفته جروحي تطيب
ويفتح أسوار المدينه...ويقول ياعمري ليه أنت حزينة
آمر وش اللي تبينه ؟؟؟
هذا أنا كلي فداك ... لو طلبت عيوني قلت جاك
مابي الدمعه بعيونك...كل هالعالم لايهمونك
راح أنسيك اللي فات ...ماضيك الأليم والذكريات
ونبدا حياة كلها أفراح ومسرات...
ما للألم فيها وجود ...ما للفرح فيها حدود
شمسها نظرة عيونك ...وليلها بغمضة جفونك
كل من فيها تحت طوعك... اسمح لي إلا دموعك
هذي لي أنا لحالي ...هذي عندي شيء غاالي
ماأبي أشوف بعيونك إلا دموع الفرح والشوق...اللي يفز لها الخفوق
ومادام راسي يشم الهوا ...وأعيش أنا وأنت سوا
أوعدك إني أحتويك ...وسط قلبي اللي يعزك ويغليك.....
__________________
ۋقفِتيُ [مِثل] الشجَر [امِۋۋت] بَسُ ، مَاطِيحُ