سؤال خفيف

مساكم الله بالخير

بغيت فزعتكم انا طالع مراكش لحالي واسال عن السكن هل جيليز فيه شقق نظيفة و ( تسمح بالضيوف )
او اسكن في منتجع ؟
وحبيت اسال عن القطار في مطار محمد الخامس كيف وضعه ؟

مساء النور جيليز فيها وشف المعلنيين بتلقى عندهم اللي تبي ، والقطار زين بس اطلع درجة اولى وتأكد من المواعيد واذا تبي شوري أستأجر سياره اريح واحسن .

جيليز فيها كثير لكن اذا فيه اسماء معينه كويس والسيارة ما احتاجها القطار يفي بالغرض بس سمعت ان اخر رحلة الساعه 6

اخر رحله الساعه 9 بالليل ع حسب الجدول القديم
لكن القطار اخي متعب جدا ماانصحك فيه

صحيح اخر رحله 6 من المطار فقط الى كازا المسافرون الى مراكش

وبالنسبه للسكن بتلقى كثير ، والسياره مافي ازين من السواق

عفواً الساعه 9

حاول تلحق رحله قبل 6 ليش
عشان اذا غيرت في محطه الوازيس
ماتنتظر كثير القطار اللي رايح مراكش

هذا اذا انت مصمم على القطار

__________________
الشجر يموت واقف

ما أنصحك بشقق جيليز ،، وبالنسبة للقطار فمتعب جداً لك لأنه يوقف في عده محطات وإذا كنت لحالك دور لك صحبة ترى الصحبة زوينه وسفره هانية ياصاحبي

بيض الله وجيهكم على كذا ما اقدر الحق على القطار
لان الوصول بيكون بالليل لكن شكلي بستاجر سيارة
والسكن سالفته سالفه ????

يا غالي من عنوان الموضوع بصراحة شعرت انك شخص طيب وواجب علينا نخدمك ونرد على استفسارك
شوف وانا خوك عن نفسي إذا كنت بمفردي أفضل استخدام القطار
القطار مريح تقطع تذكرة درجة أولى وتجلس تحط رجل على رجل وحقايبك معاك في نفس الكبينة
في القطار تقدر تشرب قهوة شاهي عصير ساندوتشات كيك وغيره وغيره
تقدر تتكلم مع الناس في القطار يكونوا معاك في نفس الكبية
تقوم تتمشى في القطار إذا انت من المدخنين تقدر تدخن
كما تقد تصيد في القطار لو عجبك شيئ مثلاً
المشوار كلة ما يتعدى 4 ساعات وانت في مراكش بدون ما فيها تعب
السيارة متعبة لا تنسى سياراتهم صغيرة مقرفة متعبة
اطلع القطار افضلك بترتاح اكثر من سياراتهم اللي كأنها علبة ساردين
إذا تأخذ سيارة فارهة اوكي لكن راح يقصوا ظهرك بقيمتها
بالنسبة للشقق في قليز من المؤكد راح تحصل كثير
لو تستأجر شقة في اطراف قليز أفضل من السنتر
السنتر دائماً يكون زحمة والعيون في السنتر مفتحة على كل حركة كذا او كذا
اتمنى لك رحلة سعيدة
عيش حياتك يا غالي
وطمنا عليك وعطنا مرئياتك ومشاهداتك من وصولك إلي المطار كازا إلي مراكش