عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


Like Tree9Likes

إضافة رد
 الصورة الرمزية عاصي الشمري
مزعوط جديد
المشاركات: 9
تاريخ التسجيل: Feb 2017
عاصي الشمري غير متواجد حالياً  
قديم 2018-08-21, 02:30 AM
  المشاركه #1
مسكة ابو يومين باكو الديرة الي تشبع العين والخاطر

السلام عليكم جميعا اخواني واخواتي بدخل بصلب الموضوع كا إيجابيات وسلبيات ووش صار معي بالتفصيل الممل المهم
قبل اسبوعين من الان خمتني كنت منسدح بالصالة وكعادتي بالسفريات تمسك تغيير جو فجأة من صالة البيت لدولة ما يتكلمون زينا بساعات الوكاد
من كثر ما لفلفت المواقع السياحية وسمعت من العالم عن اذربيجان كان معي اخر ثلاث ايام من اجازتي وبرجع عقبها للدوام قررت احجز من مكاني لباكو اشوفها سريع سريع وارجع المهم حجزت خميت اغارضي الي كانت بشنطة صغيرة ما شحنتها حتى معي اخذتها بالطياره كم لبس وكم جزمه الله يكرمكم وخماخيم العيشة العادية طشيت الموتر بمواقف المطار وعليهم الرحلة كانت حول ٦ ساعات وصلت مطار باكو على طول بوجهي اخذت تاشيرة وما كان ودي احرك من الاشكال الي شفتها بالمطار تقص لي التاشيرة شي خورافي حباري شي خيال المهم دخلت بختم جوازي هنا اول فلم
كنت متاخر اخر واحد بالصفوف من هول ما شفت وانا داخل فهيت المهم اخر واحد امشي رايح بصف مع ربعي الخليجين والسياح الا ويلقفني عسكري بالمطار يسألني
من وين جاي قلت السعودية قال رحلتك كانت دايركت
هنا انا استغربت من السؤال قلت اي قال اوك شكلك ما دخنت صح جاوبت انا اكيد ما دخنت جيتك هنا على طول فياليت تسهلون امورنا عشان بسرعه ندخن ونهدي قال لا ماعليك تعال معي للمكتب ندخن ونروق واخليهم يخلصون اوراقك وانت جالس انا قلت والله جزاهم الله خير هذا وجه ازدهار السياحة بالبلد حاطينه واجهة اعلامية كفو مشينا يالذيب دخلت انا وياه المكاتب فتح غرفة دخلنا ووقفنا مافيها اي شي غرفة فاضية وهو يطلع زقارة وولاعة يبي يولع لي قلت لا معي دخان ماعليك بس ابي ولاعة ما معي المهم ولع لي وولع لنفسه وجلسنا نسولف ونسولف عن السفر ومدري وشو نخربط على بعض يوم انتصفت بالزقارة الا وهو يقول لي اخوي لو سمحت عطني بخشيش بالعبارة الصريحة هذي
انا انصدمت كانك تصحيني من نوم دريت انه استدرجني
المهم قلت له ايش مافهمت
ردها قال بخشيش قلت ايش حشيش وانا اسولف معه طفيت الزقارة بسرعه المهم قال لا ايش حشيش بخشيش وياشر بيده حركة الفلوس هذيك يعني افهم المهم يوم اشر لي قلت له اسمع بخشيش مافيه وانا بطلع من الغرفة لا اتاخر على ربعي
هنا مسكني وقال دقيقة وين رايح انت عليك مخالفة ٥٠ دولار تدخين بالمطار وعطني جوازك وعطني تاشيرتك بقطعها عطيته كل شي
قلت له اما الجواز فهو موجود فيه اختام دول كثيرة غير دولتك ومتاكدين انه انا اما من ناحية التاشيرة فهي مرتبطة بالجواز وماتقدر تسوي شي دامي طبعتها ولا طلعت باقي بالمطار واذا على المخالفة بدفعها للدولة انت تخسي تاخذ دولار واحد
هو انصدم قال خلاص اوكي ويرجع لي كل شي ويقعد يقول انا مسلم انتا مسلم خلاص ومدري وشو وسامحني وسامحته وطلعت وانا انحاش لربعي امشي مليون
المهم صفيت معهم طبعت جوازي دخلت صرفت بالمطار فلوسي كان معي يورو وطلبت اوبر وعلى شارع نظامي ب ٩ منات
المهم وصلت وللفندق على طول وانزل اغراضي واسجل الدخول على طول وادقها ترويشة واغير ملابسي واطلع كان الوقت صباح الجو حر شوي مع رطوبة بس يعني مو زي الرياض اكيد بشوفها فرنسا
الوكاد على طول على مطعم حلو بجلسات برى بشارع نظامي وكله طيووووور تحسهم متعاملين معه المهم العالم كانت رايحة جايك والمناظر تسر العين عينك تشبع ونفسك ترتاح افطرت وشيشت مع اني ماني راعي شيشة بس حلوه عندهم حاطينها براس اناناس تحمس
المهم طلعت عقب جلسة ساعتين الفطور مع الشيشة مع المشروبات وكل شي تقريبا ٤٥ ريال المهم خلصت وانا اطلع واخذ لي لفة طويلة بضواحي نظامي والبوليفارد لين ما جت الساعه ١ تقريبا الظهر
هنا فصلت خلاص ورجعت الفندق واحلى نومة ماصحيت للساعة ١١ بالليل صحيت على طول وترويشة للصحصحة وملابسي ونزلت كان قدامي منظر يهول صراحة اضائات شارع نظامي وحركة العالم فيه رايحين جايين والمطاعم المهم كان فيه مطعم بنفس الشارع عندهم حركات حلوه طبعا المطاعم بدون ذكر اسماء الا للشي الي يستاهل وجايكم بالكلام عنه والله واخذ لي مشويات مع شاهي مع راس الشيشة الاناناسي واصحصح وعقبها عصير برتقال كذا اموري تمام طلعت من عندهم اقرب تكسي ولديسكو انفنيتي على ما سمعت عنه قلت من اقاويل وحكايا الوكاد وطيارة وللديسكو وادخل واحصل لي اثنين اعرفهم هناك يوم دخلت ونتخامم ونفتح طاوله سوا ومعها بطل على البيست مع صحن فواكه كبير وكم مزه سلكنا لهم بكولا ومدري وشو وتكيه ورقص مع احلا طيور العالم وهذي تغمز وهذي تبي تجلس معك وهذي تولع لك الزقاره طبعا نهاية المطاف استقر النظر على وحدة بحكم انها نشبت اصلا وطولت الجلسة وصراحة صاروخ المهم حسابنا كله مع مذرحتنا لين طلعنا من الديسكو ٦ الصبح وقت التقفيلة كان ٥٣٠ ريال تقريبا نعممم ٥٣٠ بس
المهم توجهت للفندق انا ومعي المزه وسيدا وادخل وادفع للفندق فلوس لزائر جديد وياخذ جوازها المهم النظام عندهم هناك لا تعامل بيوم كامل ماعندهم سالفة حقين الديسكو عاملهم بالساعه احسن لك وبعدها طلعت من جديد وعلى الشاطئ حقهم واروح واخذ لي لفه سريعه المناظر حلوه كلن بحاله فيه منتجع هناك فيه العاب مائية وجلسات كان الجو حار وانا رايح فيها من ليلة البارح ومواصل رجعت ع اساس بنام طبعا كعادتي طار النوم يوم تسبحت وبحكم اني جاي يومين قلت خل اتمشى وتمسك معي غداء عقب ما ريحت واطلع بعد العصر وعلى مطعم ماهراني الهندي جنب مول ٢٨ للي راحو بيعرفون هالمنطقة قريبة من نظامي المهم واحلى برياني اشتقت للكبسة داري ما امدى بس عاد حنيت واروح واتغداء صراحة مطعم ولا احلى وعموما كل اذربيجان حتى الاكل الي مو اذربيجاني عندهم جميل خلصت غداء واعجبتني الجلسة طلبت لي عصير ومزه وتكيت عصريتي هناك شابك جوالي على سماعات المطعم وحاط انغامي وكاسه وراء كاسه لين الساعة ٩ حسيت على نفسي وطيرت الوقت المهم واطلع من عندهم وعلى الفندق والبس وعلى انفينتي وادرعم واحصله فل الطاولات طلعت منه ومريت على ديسكوهين جنبه سريع سريع ناسي اساميهم بس كانو جدد ومقابلين لبعض ما عجبوني فاضين مو زي انفنيتي هنا انا رجعت لهناك وصدت لي طير لان الوقت طار والاسعار بدت تنخفض فا اخذت لي صاروخ ارض جو ورجعت فندقي وتكيت لين الصبح سهرت بغرفتي وياخذني النوم ماصحيت الا على باب الفندق تطرقه النادله لتقول لي هيا قوم وراك رحلة يبوي واحلى تشيك اوت واطلع منهم واحصل لي شايب راعي تاكسي واركب معه وندردش شوي كنت ابي ستاربكس قال لي كب عنك سوالف المبزره اخبر لك قهوة هنا تركية على كيف كيفاتك قلت ابد براسك وناخذ لنا كوبين وللمطار وللرياض وخلاص مع السلامة دمتم بود .

التعديل الأخير تم بواسطة عمر الفاسي ; 2018-08-21 الساعة 11:46 AM
رد مع اقتباس
 الصورة الرمزية خالد٦٦٦٦
مزعوط نشيط
المشاركات: 93
تاريخ التسجيل: Jun 2014
خالد٦٦٦٦ غير متواجد حالياً  
قديم 2018-08-21, 03:29 AM
  المشاركه #2
تقرير مختصر ومن الاخير
Abade معجب بهذا.
رد مع اقتباس
 الصورة الرمزية نفس الخبر
مزعوط قدير
المشاركات: 232
تاريخ التسجيل: Feb 2013
نفس الخبر غير متواجد حالياً  
قديم 2018-08-21, 08:05 AM
  المشاركه #3
اتمنى استمتعت بالرحلة
بس لو تقلل من البهارات الي فالموضوع ،،
اجي خويا و Ibra018معجبون بهذا.
رد مع اقتباس
مزعوط جديد
المشاركات: 20
تاريخ التسجيل: Aug 2018
VVIP2018 غير متواجد حالياً  
قديم 2018-08-21, 08:36 AM
  المشاركه #4
هذه المواضيع السنعه اللي راح تخفف الضغط على المغرب وترجع الأسعار الطيبه. المنافسة شي صحي ومطلوب
رد مع اقتباس
موقوف
المشاركات: 3,921
تاريخ التسجيل: Mar 2018
غريب وبس غير متواجد حالياً  
قديم 2018-08-21, 09:07 AM
  المشاركه #5
ايه والله كثرو روحات لاذريبجان
haaadee و VVIP2018معجبون بهذا.
رد مع اقتباس
 الصورة الرمزية عاصي الشمري
مزعوط جديد
المشاركات: 9
تاريخ التسجيل: Feb 2017
عاصي الشمري غير متواجد حالياً  
قديم 2018-08-22, 06:16 AM
  المشاركه #6
اقتباس:
المشاركة الأصلية كتبت بواسطة نفس الخبر مشاهدة المشاركة
اتمنى استمتعت بالرحلة
بس لو تقلل من البهارات الي فالموضوع ،،


والله هذا الي صار معي ومختصر امور كثيرة لو بقولها كلها وش بتقول اجل
رد مع اقتباس
 الصورة الرمزية الزعيم زابن
مزعوط جديد
المشاركات: 1
تاريخ التسجيل: Apr 2015
الزعيم زابن غير متواجد حالياً  
قديم 2018-08-23, 07:04 AM
  المشاركه #7
هلا اخوي عاصي ابغى اتواصل معك بستفسر عن اشياء هناك
رد مع اقتباس
 الصورة الرمزية فيصل المزعوط
مزعوط جديد
المشاركات: 20
تاريخ التسجيل: Apr 2014
فيصل المزعوط غير متواجد حالياً  
قديم 2018-08-23, 08:19 AM
  المشاركه #8
واجهتك مشاكل باللغه ولا الامور تمام معك
رد مع اقتباس
 الصورة الرمزية عاصي الشمري
مزعوط جديد
المشاركات: 9
تاريخ التسجيل: Feb 2017
عاصي الشمري غير متواجد حالياً  
قديم 2018-08-23, 11:47 AM
  المشاركه #9
اقتباس:
المشاركة الأصلية كتبت بواسطة الزعيم زابن مشاهدة المشاركة
هلا اخوي عاصي ابغى اتواصل معك بستفسر عن اشياء هناك


تفضل الي تامر فيه
رد مع اقتباس
 الصورة الرمزية عاصي الشمري
مزعوط جديد
المشاركات: 9
تاريخ التسجيل: Feb 2017
عاصي الشمري غير متواجد حالياً  
قديم 2018-08-23, 11:48 AM
  المشاركه #10
اقتباس:
المشاركة الأصلية كتبت بواسطة فيصل المزعوط مشاهدة المشاركة
واجهتك مشاكل باللغه ولا الامور تمام معك


لا اذا عندك لغة انجليزية امورك تمام ماعليك والناس الي حول السايح حتى عربي يتكلمون
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
باكو .... ماهو الجديد.....؟ غريب وبس السفر والسياحه إلى أذربيجان Azerbaijan 10 2018-09-09 01:07 AM
جاكرتا أو باكو Faris566 قسم الاسئلة و الاستفسارات عن المغرب 19 2018-02-27 08:04 PM
هل تريد أن تشبع رغبتك وتفترس فتاة ؟؟؟ سمو المغربية الاستراحه 36 2015-04-10 08:13 PM
رجعت من مراكش والخاطر متكدر أهنجار خليجي ارشيف تقارير السفر الى المغرب 72 2013-11-03 03:55 AM
نصيحة لكل خليجي من عيال الديرة في السكن!!!!! ابوملك الاستراحه 20 2011-11-21 05:52 AM


الساعة الآن 06:55 PM



1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81