بالنسبة للي يقول السفر والتدرج.. انا لاف نصف الكرة الارضية وكل وحدة دشرتها اكثر من المغرب لكن ملعونة الخير هي الصيدة اللي تصيدك..
بالنسبة لي ميزتها كانت اصدقائي لكنهم تزوجوا: وناستنا كانت 1000% الان النسبة قلت ل 101% ههه 1% فرق عن اي مكان فيه دشرة سياحة و انت رايح لها صيف لو ترو لها شتاء او ربيع و ش تبي تسوي.. ما تصلح الا لواحد عنده مية مليون و يفسفها برواقه لاربعين سنة قدام.. إذا انت طرق معاش الحق على عمرك و خلها ذكرى و تصدد قد ما تقدر ما وراها الا اكتئاب بوطنك و خساير لدخلك على مداخل السعوديين غالبيتهم حرفياً يحرقون مدخراتهم: اشتاق لها و تجيني شهوة المغرب لكن اجي اقرأ بمنتدى المزاعيط و اتذكر التجربة كلها من حماسي بالمطار قبل الرحلة لوناستنا هناك للي لفله لحزمة البيرة اللي اخذها من السوق الحرة وانا راجع بمطار كازا للوناسة اللي تجلس كم يوم بعد الرحلة وبعدها العن مرحلة كل الوناسة ترتد عليك اضعاف مضاعفة بؤس و كتمة و غلقه لشهر قدام مع الاعراض الانسحابية اللي المفروض ما تتجاوز كم يوم.. ادشر بديرتك و حاول تنضج ماديا-فكريا-عاطفياً الخ و تذكر لو المغرب نشوفها على حقيقتها كان شفنا رواتب اللي متوسط دخلهم الشهري بنصف قيمة السهرة اللي يآخذها منا عماد و الدقه و النوادي الليلة اللي ما فيها زود الا حضورنا و بسطتنا.. تكلفة أسبوعين للمسافر الخليجي يعادل راتب رئيس وزراء المغرب! اقسم بالله هذا الصدق.. هذا المختصر بعد ما صرفت حوالي مليون ريال فيها و عقب ما تركتها الان بطريقي لمليوني الاول.. خطتي تقاعد مبكر و افتح مشروع هناك.. بعد خمس طعش سنة نشوف الوضع.. الان انا ببداية الثلاثين و لي سنتين عن المغرب.. قرت لما اكبر و اكرش واصلع على الاقل تبقي صحتي و لياقتي البدنية و المادية عالية و عالية جداً.. الحياة طويلة جداً.. هذا المختصر وانت قلبها بينك و بين نفسك..
جميل مشاركة قصتك معنا.. كنا و العيال نجلس بالساعات نتناقش لما بادرت بالامر.. تناتقش بالوطن و نكمل نقاشتنا هناك عن كيف نتركها ههههه.. جيت سافرت لوحدي و علمتهم.. و بعدها سافرت لدولة ثانية و علمتهم.. اتصلوا يبون المغرب قلت هالسنة لازم تحجون و ما راح اسافر معكم, حالتهم النفسية كانت سيئة جداً وانا منشغل بعملي و هم ما غير يبوقون و يفتحون سالفة المغرب و اصبح الامر متعب بالنسبة لي لانهم بمكان ثاني و كان التواصل بيننا جوال و نجلس بالساعات سوالف.. كان ناقصهم المرحلة التالية لكن مترديين.. عطيتهم الركلة اللي يحتاجونها.. الزقرت من هنا حجوا و من هناك تزوجوا.. الان عندهم ابناء و نفسيتهم مستفرة و كذلك حياتهم.. اول ما تزوجوا قبل ما يجيهم ابناء يسافرون مع زوجاتهم و شافوا نوع جديد بالسفر ما قد شافوه.. حتى ان غشاوة المغرب راحت عنهم.. الحياة إذا أصبحت مكلفة بالنسبة لك أعرف انك الخاسر الوحيد.. المعذرة عن الاطالة.. كل عام و انتم بخير بمناسبة يوم الوطن..
https://youtu.be/XG6uud3dEno
إهداء للزقرت... باليوتيوب اكتبوا: توفيق نهيان المهري ... مابنفعك من أجل ترضي لي الغرام
من حط ثقله وارتحل فوق الهزيــل
ما يبلغ المقصود و الدرب الطويل
طبع الهزيلة تنحني تحت الثقيـــــل
يوم النكد تظهر ومعدنها يبين
اشكال فيها تنخدع مثل الســــــراب
تنغر في الخارج وفي الداخل خراب
لا تخدعك ذيك المظاهر والثيـــــاب
مهما تغير والبس الغالي الثمين
الحب في هذا الزمن اصبح قليــــل
والناس تقتل حيها فوق القتيـــــل
في نظرهم الغدر اصبح شي جميل
مات الوفا والصدق واهتز اليقين
الناس عشقت شي يسمونه خـــداع
وامشت على درب المنافع والضياع
ماشي معي باقول لك غير الــــوداع
وداع ما بعده لقا طول السنين