عضو جديد يحتاج للمساعده

السلام عليكم اخواني واخواتي المزاعيط

اخواني المزاعيط هذه اول مشاركاتي في المنتدى الجميل المفيد بمعنى الكلمه

انا ان شاء الله مسافر المغرب شهر ديسمبر وما عندي خبره فيها ابداً حبيت استفسر بعض الامور

ما هن افضل مدينتين لزيارتهما ؟

افضل وارقى اماكن للسكن ؟

مكاتب لتاجير السيارات الفخمه و المريحه مع سائق ؟

افضل اماكن السهر ويفضل ان تكون راقيه من كل النواحي وشبابيه نوعاً ما تناسب جيل منتصف العشرينات ؟

ما هي افضل الاماكن السياحيه ؟

ما هي ابرز قوانين المملكه المغربيه التي يجب على السائح ان يكون على درايه منها ؟

السؤال الاخير ما هي اجمل الاماكن القديمه والاثريه واماكن التسوق الشعبيه ؟

وانا تحت امركم من معلومات حول مدن اوروبا اسيا و جنوب امريكا ودول الساحل الكاريبي

ههههههههه
بدأ الهياط من أول موضوع
ياولد تراك داخل منتدى رواد كبار يغطسوك في البحر ويطلعوك ناشف
علي الحرام انك مطفر ولك عدة معرفات هنا
سير بحالك الله يرحم لك الوالدين

شكراً على مجهودك

لو سمحتو الي عنده معلومات يفيدني ويفيد الجميع ما يبخل علينا علماً اني طلبت بكل ادب ووضوح وبعدين انا داخل منتدى مش محطه الفضاء الدوليه الي اخونا يظن نفسه فيها وبعدين ما حد يعرف الثاني شخصياً فما لي مصلحه لا اهايط ولا ما يحزنون

‏عليكم السلام ورحمة الله وبركاته

تعب نفسك شوي باللف على مواضيع مشابهه لطلبك من مدن وسكن واجار سيارات وتجارب الاعضاء ايضاً راح تلقى اشياء كثيره ومعلومات اكثر تغنيك

يتبقى لك اسئله بسيطه تعاود طرحها ويسهل الاجابه عليها باذن الله.

سفره موفقه ✌️

خلاص انا قررت اساعدك
شوف يا مسيو كل اللي عليك تفتح موقع booking وتحجز في four seasons Hotel سوى كان اللي في الدار البيضاء او مراكش
من هناك تقدر تطلب منهم يرسلون لك افخم سيارة عندهم مع السائق يستقبلك في المطار ياخذك على الفندق
بعد ما توصل الفندق وترتاح في الجناح الخاص المطل على المحيط
وبعد ما تستحم يعني ( تدوش ) وتلبس ملابس نظيفة تقوم تمسك سماعة الهاتف وتكلم مكتب الـ concierge تعرف concierge ولا اشرحلك
تقول لهم كل طلباتك ورغباتك من A 2 Z والفندق بدورهم يقومون بتوفير جميع طلباتك واضح انك برجوازي كبير
خدم الدولار واليورو لا تدير بال كون هاني ياصاحبي
لا تتعب راسك دير كل شي وانت جالس في جناحك الخاص أمام المحيط
عندنا مثل يقول ( حط دولاراتك بالشمس واقعد بالظلال )
وانت احجز في فور سيزون وريح راسك كون هاني
تمام كذا يا مسيو ؟
بالمناسبة هل حجزت الطائرة الخاصة اللي راح توصلك المغرب ولا باقي ؟
نرجو لك رحلة سعيدة موفقه.

لا والله ما حجزت انتظرك تعزمني على تذكره

لا حول ولا قوه الا بلله

وعليكم السلام ورحمة الله وبركاته ...

ياهلا فيك ...

اولاً ماقلت كم المده اللي راح تقضيها فالمغرب ..

لكن من وجهة نظري حسب ماتفضلت ..

1- أفضل مدينتين بالنسبه لي طبعاً كازا واغادير
سابقاً كنت اروح مراكش بس صار لي كم سنه ماجيتها ..

ارشح لك كازا واغادير ...
إذا نويت تروح مراكش احسب حسابك بتكون بارده جداً جداً جداً مع العلم في ديسمبر كل المدن راح تكون بارده لكن مراكش بزود .

2- بالنسبه للسكن اذا كنت لوحدك وحبيت تسكن بفنادق عندك في كازا فندق الفورسيزون بمنطقة عين دياب وبالنسبه لاغادير يافندق رويال اطلس او السوفيتيل او اذا حبيت تسكن فالمارينا فيه شقق فندقيه زينه .
مراكش عندك فندق المامونيه ممتاز وإذا حبيت تسكن بمنتجع ارشح لك قولف النخيل .

إذا حبيت تسكن بشقه في كازا انصحك بالحجز من مكتب اميرة كازا الاخ كمال ابو أميره عنده فلل وشقق في مدينة كازا وهو معلن فالمنتدى .

بالنسبه لمكاتب تأجير السيارات ارشح لك مكتب يوسف صوفوي كار ايضاً هو متواجد معنا فالمنتدى وتقدر تتواصل معاه وتطلب السياره اللي تعجبك .

بالنسبه للقوانين اللي اعرفه ياخوي بكل بلدان العالم احترم نفسك تجبر الاخرين على احترامك .

أما بالنسبه للأماكن الاثريه والاسواق الشعبيه مع الاسف ماعندي فكره جيده عنها ... لكن ان شاء الله باقي الاخوان راح يفيدونك فيها .

أرجو لك التوفيق ورحله آمنه وسعيده .

__________________
لاتسمع كل ما يقال ولا تقول كل ما تسمع.