افضل وارخص طيران من الرياض لكازا مع العودة وبأي يوم

حسب حجزك اذا قبلها بمده طويله يكون اقل

حجزت امس ع السعودية ذهاب مباشر وعودة ترانزيت جده 3 ساعات 2075 ريال الطيارة فاضية

احجز على المغربيه افضل لك من الرياض انا دايم احجز عليها خاصه اذا رحلتك مواصله للمراكش او اقادير رحلتي ان الله وفق الاسبوع القادم من الرياض الى اقادير للان ماحجزت لكن ان شاءالله الاسعار زينه

ارخص حجز لقيته الان السعودية على جميع خطوط الطيران

انا حاجز قبل شهر وسفري في 27 ديسمبر بـ 2950 بس ممكن لانه يوافق راس السنه

على السعوديه طبعاً

‏الله يكون بعونك غلاء اسعار بكل مكان فندق كوفي مطعم ووروروو
والعذر راس السنه استغلال في اغلب الدول العربيه ودبي اذا عندك مجال تاجل افضل لك

رحله موفقه

اهلا بك
حقيقة بعد تجارب بالسفر
ممكن اضحي بفندق او سيارة ماتكون ٥ نجوم
لكن مستحيل اختار طيران سيئ لاجل السعر
احيان الفرق ٥٠٠ او اكثر لكن لما تكون حاجز على شركة طيران سمعتها بالامان عالية تكون مرتاح والاعمار بيد الله اولا واخيرا
ومن السعودية للمغرب اذا انت رجال بالك طويل احجز على الاماراتية والله يعينك على المشاوير
واذا رجال مستعجل خذ الخطوط السعودية انسب حل

اما بالنسبة للسعر ومن تجربة شخصية
عندك برنامج wego ويجو
ارخص عن سعر موقع الخطوط الرسمي ونفس الطيران لانها مواقع حجوزات كل موقع يعطيك خصم والدفع فيزا

تحياتي لك

عندي افاده بسيطه ممكن البعض يعرفهاا.

لو اي احد منكم يبي يسافر عن طريق الخطوط السعوديه افضله يسجل في عضويه الفرسان (مجانا)
كل ماسافر مكان تسجل امياله في عضويته سوا كانت سفره دوليه او داخليه تحسبله اميال واذا جمعت اميال عدد كبيرر تحصل على تذكره مجانا او ترقيه مقعدك من السياحيه الي درجه رجال الاعمال على حسب اميالك واذا ناقصه اميالك تدفع الفرق مبلغ مالي وبسيط بعد.

واذا وصلت اميالك تقريبا15الف ميل تكون عضويته الفضيه وتقدر تدخل في فيهاا صاله رجال الاعمال حتى وانت كنت حاجز مقعد سياحي.
وللمعلوميه من الرياض الى كازا ممكن تكون 5000ميل اواكثر وتسجل في عضويته ولما تحجز مره اخر شوف اش تستفيد منهاا ممكن خصم تذكره او ترقيه

ماابي اكثر عليكم ادخل وشوف واحكم.((تنفعك في حياتك))

انا اقول توقيت المغربيه افضل للي رحلته مواصله لاقادير او مراكش او طنجه توقيت السعوديه زفت خاصه اذا عندك رحله مواصله