جدول لرحلة لاكادير لمدة 14 يوم

السلام عليكم ورحمة الله وبركاتة
اخواني أعضاء المنتدئ انا سعيد بأنظمامي للمنتدي وعندي استفسار بخصوص اكادير .
انا مسافر في 29/12/2018 والعودة في 12/1/2019 وحاب سكن كويس يفضل شقة بالمارينا
سؤالي مدري كم تكلفة الرحلة من حيث ان الواحد يكون مبسوط ونصائحكم اللي مانستغني عنها من حيث الميزانية والصرف كيف يكون وكيف أكا دير برأس السنة .... ودمتم واذا احد عنده ارقام أشخاص ثقة يأجرون سيارات او اصحاب شقق كويسة أكون له شاكر .

مدة 14 يوم وفي بداية السنة الميلادية
اعتقد الميزانية لاتقل عن 30الف ريال
شاملة كل شي و سفرة سعيدة اخوي

أنا موجود قبلك بيومين إذا حاب نتقابل
حياك الله

الله يعطيك الصحة طيب واذا كنا أربعة أشخاص ؟؟ كم تتوقعون القطة تكون كافية

ضروري اخوي قناص

صباح الخير علي المزاعيط وكيف اخوي اكادير العشق انا ما انصحك في المارينا السكن فيها مو قد كذا من ناحيه الكولتي اتكلم أما اذا انت مايهمك عادي انا انصحك بخليج اغادير فندق ممتاز وحلو انتم أكم واحد وللمعلوميه اذا تبي جناح خذ يرويال اطلس وكذالك اسعاره غاليه ومن ناحيه الأماكن الامكن معروفه واغادير هي هي ماتغيرت اذا كنت رحتلها من قبل افتتحو فنادق جديده بس ومن ناحيه الميزانيه لي اسبوعين وفالها فله يعني ناذخ صراحه 30 الف ماتكفيك وتحياتي لك

للمعلومية شقق المارينا مافيه 4 غرف أكثر شي 3 غرف حد أعلى 2500 درهم مع الشغالات
والشقق اللي حدا سكاي غرفتين فقط

فلو أخذت شقتين أفضل تطلع لك بحدود 3000 درهم الليله

القطه تختلف من قروب لآخر مبدئياً 10 الالف درهم كافيه

راسلنى خاص

الحسبة لأربعة أشخاص:
- شقتين أفضل تطلع لك بحدود 3000 درهم الليله، مجموع 14 ليلة تساوي 42.000 درهم
- ايجار سيارة نقول جراند شيروكي ب 600 درهم و 150 درهم مازوت لليوم، مجموع 14 ليلة تساوي 10.500 درهم

مجموع السكن والسيارة والمازوت 52.500 درهم
يعني القطة للشخص الواحد 13.125 درهم


يومية الشخص الواحد أكل وسهر واللذي منو 3000 درهم (طبعاً تقدر تخفضها اذا قللت السهر واللذي منو، يعني لو يوم اي ويوم لا بتنزل لنص المبلغ)، مجموع 14 ليلة 42.000 درهم

يعني تكلفة السكن والسيارة والأكل والسهر والذي منو للشخص الواحد تساوي 55.125 درهم ، تساوي بالسعودي (اذا فرضنا سعر الصرف الريال= 2.5 درهم) 22.050 ريال

وقول تذكرة سفر 2950 ريال للشخص الواحد

يعني تكلفة الشخص الواحد 25 الف ريال سعودي.

سلام عليكم
افضل خذ فيلا ب ٣٠٠٠ درهم
شقتين ما تصلح كل شخصين في شقة والا ترفع الصوت
ورحلة سعيدة