لماذا لا يضعون لكل سيارة سعرها في التأجير؟؟؟

مرحبا بالجميع

استغرب من اللي يعرضون سيارات تأجير في الموقع هنا، ولا يحطون انواع السيارات مع اسعارها، بس يحطون ارقامهم عشان اعرف الاسعار لييييش؟

لاني تواصلت مع اكثر من واحد واسعارهم مختلفة ولا احد يرد عليك و اذا يرد بيرد عليك متأخر

ياخي ريح راسك وحط اسعارك هنا بالموضوع اللي حاطنه

لأن الأسعار تتغير بتغير المواسم ولكن أنا أتعامل مع شخص ولله الحمد أسعاره معي ما تتغير وأموري هانيه

طيب يحطوا اسعار الشتاء و اسعار الصيف

بدل عوار الراس و خليك صريح في اسعارك مع الزبائن

تعبت وأنا تكلم في الموضوع تحصل البعض يزعجنا في كل موضوع يقول حياكم كلموني ليش اكلمك حط الأسعار عجبني بتصل ماعجبني بفترج لا تشغلني ولا اشغلك مفروض إدارة المنتدى تفرض على المعلانين ها شي

(جنني غلاك) اشكرك على ردك الطيب

بالفعل كلامك مضبوط و تلقى الشخص يرد عليك و يقول كلمني و كلمني
ياخي ليش اكلمك و ازعجك و ازعج نفسي و الافضل الاسعار تكون واضحة والصراحة والثقة مطلوبة من مأجر السيارات

مدري ليش ادارة المنتدى لا حس ولا خبر عنها بهالموضوع

تواصلت مع الأدارة بهذا الشأن في 2017:

السلام عليكم ورحمة الله وبركاته
كل عام وأنتم بخير وعيدكم مبارك
في البداية أشكر لكم حرصكم علينا كأعضاء عن طريق توثيق الحجز مع المعلن
واستكمالاً لمجهوداتكم السابقة اقترح كرماً وليس آمراً
بإلزام المعلنين عن تأجير السيارات ومن باب العدالة للجميع، بوضع قائمة بأنواع السيارات وموديلاتها وأسعار تأجيرها يومي وأسبوعي وشهري، حتى لو يبي يعلن عن تخفيض اضافي لزبائنه يعلنه وش المشكلة.
أهم شئ الأمور تكون واضحة للجميع.
وبعدها يستطيع الواحد التواصل معهم على الواتس آب.

شاكر ومقدر لكم مجهوداتكم.




وهذا رد الادارة:

وعليكم السلام

وانت بصحة وسلامه..

عزيزي الغالي مافيه اي تاجر بالعالم تقدر تلزمة باللي طلبت انت..الكل حر في تجارتة وعندك البدائل واجد

لذلك السعر اللي مايناسبك شوف معلن غيره ...

الزام الناس باسعار كل اسبوع غير موجود اطلاقا...حتى في الدول السياحيه الاخرى تجد متغيرات كبيرة في الاسعار بين فترة وفترة...

تحياتي

================================================== ===================

تعليقي على الموضوع:
في المغرب لا تستغرب.
وفيه وجهة نظر تحترم أنك منت ملزوم فيه.


رأي راسل واتس اب جميع المعلنين، وافتح قوقل ماب في المدينة الي أنت رايح لها، واكتب "كراء سيارات" وشف الوكالات الي تقييمها عالي وتواصل معها واتس اب، والأرخص أجر منه، هي شغلانه بس صدقني بتؤتي ثمارها.

سعر السيارة يعتمد على نوع وموديل السيارة ثم المدة ..سالفة زبون او جاي من مزاعيط هذي لاتعتمد عليها كثير .

مثلا : كليو رونو جديدة لو بتأجرها ٣ ايام بتاخذها ب٣٥٠ درهم لليوم ..زادت المدة يمكن ينقص لك على حسب المدة .

نفس السيارة لو كان موديلها ٢٠١٥ تقدر تاخذها باليوم ٢٠٠ درهم ولو زادت المدة تنقص ..

قبل سنة اجرت سمبل رونو لمدة شهر وكان رايح عليها موديل واحد اخذتها بالشهر ب٥٥٠٠ درهم مغربي من مكتب عبدالمطلب طلعت اليومية ١٨٣ درهم ..

في النهاية حدد في بالك سيارة معينة جديدة مع المدة اللي تبي وراسل ٤ او ٥ مكاتب وشوف الأسعار ..الموضوع الان كله نسخ ولصق عن طريق الواتس مافيه لفلفة ووجع راس .

( مهندس )
اشكرك جزيل الشكر على ردك الجميل للموضوع

و اتفق معك 100% في الرسالة اللي رسلتها للإدارة و ردهم كان نوعاً ما غير مفهوم
صحيح نحن ما نجبر اي شخص بالسعر ، لكن لو وضعوا الاسعار مع الايام و المدة بيكون أسهل للجميع
بدل لا اتصل و اتواصل مع كل واحد و احد يرد و احد يطنش و احد يقول بجعلك و لا عاد تشوفه

احد من الاشخاص نصحني انه لا تتفق مع اي شخص بالسيارة و تدفع له بالمكتب قبل لا تروح برا و تشوف السيارة بالحقيقة لانه يعطوك صور بالتلفون لسيارات جديدة بس بالواقع هي سيارة مستهلكة لآخر رمق والله أعلم

بعطيكم رأيي الشخصي بالموضوع , المسألة وما فيها أن تأجير السيارات بالمغرب ينقسم إلى جزئين

الجزء الأول متمثل في الشركات العالمية وهذا غالباً منظم في معظم الإجراءات من نقطة البداية وهي الحجز

ومعرفة الاسعار للفترة مع أنواع التأمين المتاحة وبعدها حجزك يكون مؤكد إلى الدفع والاستلام , الشي الغير

مضمون هو موديل السيارة وهل هي موديل السنة أو لا , لان المهم عندهم هو حالة السيارة مو الموديل

والمعروف هنا هي أن الشركات العالمية أسعارها مو أقل من 3 أضعاف المكاتب المحلية تقريباً والسيارات

مقسمة إلى فئات وكل فئة فيها نوعين إلى ثلاث أنواع من السيارات وضروري توفر بطاقة ائتمان ...

الجزء الثاني هو المكاتب المحلية وهذول يعم عليهم الفوضى وعدم الاحترافية (المزاجية) , بمعني تبغى الاسعار تواصل

مع فلان وعلان وتفاوض معه ووقتها بيرسل لك صور سيارات وطبعاً وقت التصوير كانت السيارات جديدة وممكن لما توصل

يسحبوا عليك أو يخلوك امام الامر الواقع ومقالبهم معروفة , ولا ننسى الزبون النشيط بمعني اللي دايم يسافر للمغرب ويرسل لهم

مؤجرين ثم بدرجة أقل اللي يوصي بهم بالمنتدى لو أنهم معلنين , ما اعمم لكن هذا حال الاغلبية إلا اللي داخل السوق جديد

فهذا يكون مجتهد في البداية لكن الاغلب ما يجمل ويثبت على نفس المستوى وبعد فترة يبدأ بالهبوط ..


بالنهاية اللي راح يعطيك التكايف هم الشركات العالمية اللي لها مواقع على الانترنت , اما المكاتب المحلية فلا حتى لو لهم موقع

في النت فهو مخبط , المهم المكاتب المحلية عندهم مرونة وسيارات جديدة بشكل دائم واسعارهم معقولة مقارنه مع الشركات الكبيرة

واللي يعرف السوق صعب ينضحك عليه من اصحاب هذي المكاتب اما المسافر الجديد عليه الحرص واتباع نصائح الاخوه

الاعضاء وقراءة مواضيع المنتدى المختلفة

__________________