|
السفر وحداني .. ملل .
أخواني وأخواتي الكرام السلام عليكم ورحمة الله وبركاته أكتب عن موضوع أعتقد أنه يشغل أغلبكم بشكل عام وهو السفر بمفردك دون مصاحبة أحد .. من واقع تجاربي المتواضعة والممتدة لسنوات فالسفر شرقاً وغرباً أعتقد أن السفر بدون وجود خوي أو خويان معك يتحول الى ( ملل )بعد ( 3 الى 4 ايام ) بالكثير . فكثير من الأحيان تكون ناوي قضاء أسبوعين أو أكثر ومخطط لذلك وتجد نفسك بعد يومين أو ثلاثة بدأت تشعر بالملل وتبحث عن درب المطار لعدم وجود شخص يرافقك تأكلون وتشربون مع بعض وتذهبون للقهوة وللمطعم ولأي مكان سوالف ووناسة والفكرة أن السفر يحتاج لصديق وشخص تعرفه جيداً لكي تستمتع بالسفر . اذا سافرت بمفردك وحتى لو وجدت من يشاركك بعض الوقت هناك فلن يكون كافي لملء وقتك وسعة صدرك مثل خويك . فالخلاصة السفر بدون مصاحبة صديق لا يسعدك 100 فالمئة . ممكن تشعر فالبداية وفي الأيام الأولى بالراحة ولكن تجد نفسك بعد ذلك وحيداً تحدث الجدران . ممكن شخص يقول لي يمكن خويك يعكر جوك . أقول لا تخاوي الا الثقة والمجرب . وجهة نظر ممكن يخالفها غيري ، ولكن تظل هي واقع الغالبية . اذا مالحل ؟ سنظل نسافر ولا نستطيع الاستغناء عن ذلك ولايمكن ايجاد رفيق في كل وقت فالناس لها ظروفها . برأيكم لو تم عمل قروب واتس للتعارف نجد رفقاء دائمين وحسب الطلب . بعد اذن الادارة . تحياتي . |
عليكم السلام ورحمة الله وبركاته
فعلا السفر مع الصديق او المجموعه له متعته بشرط زي ماقلت تعرف من تخاوي لكن انحديت تروح لحالك انا ما اشوف ان السفر وحداني ممل ابد ,, بالعكس |
استغرب من اللي يقول كذا وبكره تلقاه متزوج وطالع شهر عسل ويقول مبسوط شلون ؟!
صحيح مافيه مقارنه وهاذا زواج و و و لاكن انت لحالك وفي دوله تحبها وحريتك على الاخر ولا تنبسط هاذي مشكله مالها علاقه لو معك 1000 صديق |
اذا حسيت بالملل وانت في المغرب غمض عيونك لمده ١٠ ثواني وتخيل انك بالرياض
|
السفر مع الأصدقاء ممتع، بس السفر الوحداني له طعم آخر، روقان وهدوء على الآخر
|
مو ممل ولا شي بس في ناس ماتقدم لوحدها!
وبعدين انت رايح بلد كون صداقات جديده واستأنس |
ملل فعلا انا سافرت وتعرف وكونت صداقات بس ما استمتعت او ارتحت معهم مثل اخوياك الي تعرفهم زين فعلا الخوي له جو خاص ومتعه بعض الاوقات تتكنسل سفريات عشان الخوي
|
أشكركم جميعا على ردودكم ..
لكن وجهة نظري أن السفر مع الأصدقاء له متعة ولا تشعر بالوقت بينما السفر بمفردك حتى لو كنت في أجمل دول العالم وووو ..ستشعر بالملل بعد فترة قصيرة وأعتقد أننا نغالط الواقع لو قلنا غير ذلك . من تجربة شخصية سافرت دول بعيدة وقطعت مسافات والنية أجلس أقل شيء أسبوعين لكن بعد 3 أيام أرجع دربي هههههه وفي تجارب مع الأصدقاء والله مانحس بالوقت وودنا نجلس ونمدد ، تمر الأيام ماتحس فيها أسبوعين كنها يومين . فيه فرق . يمكن أكون غلطان . |
لا انت مو غلطان ولكن الناس تفرق عن بعضها مزاجيتها وطبعهاا واعتماديتها
مثلا فيه ناس حتى بالرياض ما يحب يروح مشوار بعيد لحاله يحس بملل وغيرهـ عادي (هذا كمثال بسيط للفكرهـ ) وبخصوص السفر بقولك عني انا اسافر لحالي وانسحب من الجوال نهائي واحس الوقت ما يكفي (يعني ما عاد افتح الواتساب مثلا الا عشان اهلي اسلم عليهم واطمنهم) واسافر مع شباب ونفس الحاله موضوع وجود الاصدقاء خاصه في السفرات الي الي ليس مهم بالنسبه لي (وانا اقول كذا عشان اوضح لك انو الناس تفرق حسب طبعها وتدبيرها للامور ) |
اقتباس:
لكن يظل السفر مع الأصدقاء له طعم خاص . |
| الساعة الآن 02:45 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط