|
امتال شعبية مغربية
جبت ليكم امتال شعبية مغربية وكنتمنى انها تكون مفهومة والى مافهم راح احنى مانقصروش معاه غير يسول ومايكون غير خاطرووو والامتال هدي لها معاني كتير وسيدنا الاولا ماقالوهاش غير هكاك لان فيه عبر كتيرة ومعنى كبيير مانطولش عليكم بسم الله v v v v v كل فولة خامجة كيجيب لها الله فروج عور ********** الدليل فالرجال هو اللي كيعطي الضحك لجار و الهم لدار ********* الله يلعن كاس البلار اللي نشرب فيه المرار ******** مول الطاحونة و السانية و المرا التانية حتى ليلة ما يباتها هانية ************ نوضوها تشطح دارتها بصح ************** انا نشكيلو بالعكر و هو كيقول لي اش خبار الدراري *********** ما هية لا بشطيح ولا برديح ما هية غير بالسعد المليح ********** للي عندو مغرفة ما تحرق يدو ************* فولة ما دير بيصار و فارس ما ينوض غبار ********* الشمعة كتضوي للناس و كتحرق روحها ********** انت مير و انا مير شكون يصوك هاد لحمير *********** الزلط و التفرعين بحال دبان الزبابل ********* عيني فيه و ما قديت عليه *********** يا الطامع في الزيادة رد بالك من النقصان ************** اللي ما جال ما عرف بحق الرجال ********* معرفة الرجال كنوز ********** الا بغاوك لا تشقى و يلا كرهوك لا تكتر النفقة ********** العينين لي كيحبوك من البعيد كيشفوك ********* تفكر حبيبك و هواه تفكر فعايلو و نساه ********* يلا حبك القمر بهلالو اش عليك فالنجوم يلا مالو ********* السن يضحك للسن و القلب فيه الخديعة بحال الخيط دلحرير رطب و كيجيف ********* الفقيه حميان قرى فالبردة سبع ايام و قالهم هاد الخط عيان ********** فاين اماك اجحا؟ مشات تصبن للناس و ديالها كرات ليه *********** مشات تجيب القزبور جات حاملة من سبع شهور ********** الحجلة الخفيفة من سعد الصياد ********* هرب من الحفرة طاح فالبير ********** النهار المبارك عليك واحد يغديك و واحد يعشيك و النهار الصكع عليك واحد يدعيك و واحد يشهد فيك ************ التاجر الا طلب لولاد كيجيه غير الريال و المسكين الا طلب الريال كيجيوه لعيال *********** المزغوب حتى ليلة عرسو قصيرة ******** الرزق قليل و طاحت فيه دبانة *********** العتبة مجرودة و الركاني بالدودة ******** منديل صفية جيت نمسح فيه مسح فيا ************ اللي تطوف ما تغزل الصوف ************* اللي عمر راسو بكلام الناس ما يجبر فين يعمل ديالو ********** الله ينجيك من الساكت يلا دوى *************** مناين دخلتك النار ا الفران؟ قال:من فمي ********** الكلام فالناس سباب الكلا ********** دايرة كي اللفعة ظهرها املس و كضرب بسمها بلا حس ********* ديرها فالرجال وترجاها و ديرها فالنسا و لا تنساه *********** الا حلفو فيك النسا بات فايق و الا حلفو فيك الرجال بات ناعس ************* شطارت الكوزينة كتشري مدينة. ************** حاسبني حساب عدوك و جلسني بلاصت خوك. ********** اللي ماجي لعندك لا تمشي عنده *************** كن نحلة ما تعدم اجبح. ******** كن اسبع و كولني. ********** يلا شفتيها بسعدها عرفها مكملا من عندها. ************** ما تشري حتى تقلب و ما تصاحب حتى تجرب. ************ امدح صاحبك قدام الناس و لوح صحبك الراس فالراس. *************** العراضة سنة و العاقل ما كيدنى. ********** حج و حاجة و قضيان حاجة. ************* الكلب يلا انضام كيردها لنيابو و الحر كيردها لدراعو. *********** سيدي حادق و لالا احدق منو ، سيدي احسابو القديد و لالا كتقطع منو ************* يلا فاتك الكلام قول اسمعت ويلا فاتك الطعام قول اشبعت. ************** الشوف ما تيبرد الجوف. ********** اللي ربط حمارو مع الحمير كيتعلم الشهيق و النهيق و الخروج على الطريق *************** خطب لبنتك و لا تخطب لولدك. *************** ميات تخميمة وتخميمة ولاضربة بمقص. *************** زواج ليلة تدبيره عام. ************ الزواج و الموت هم لا يفوت. ************ المراة الحرة ما تاكل غير من يد زوجها. ************ الراجل بدراعو ماشي بمتاعو. ********** اللي حبك حبو و لقلبك زوجو و اللي جفاك جفيه و تعداه و دوزو ********* يلا عشقك القمر و هلاله اشعليتك فالنجوم يلا مالو. ************* زواج بنت العم اوسيدة للهم. *********** تهجالت لعناية و لا زواج الدل. ************ خود بنت قرابة و لا تاخد بنت غرابة. ******** العاتق يلا بارت على سعدها دارت. ************ القرع بفلوسو ارى ديك الراس نبوسو. **************** ادفع ما في الجيب يجيب الله ما في الغيب. ************ اللي ما عندو فلوس كلامو مسوس و جلاسو بين الناس خسارة. ************ مراة المنحوس ما هية مطللقة ما هية عروس. *********** حالتي حالت النافخ العافية على قلبو و الطيقان فجنبو. ******************* ملي تنحتاجك يا وجهي كيخبشوك لقطوط. ***************** جيت نبيع لحنة كترو الاحزان. **************** علتاين يا قلبي الشتا و برد الليل. ************ حبوبت وجهي حكيتها سال دمها خليتها طال همها. ************ الجوع و النوع و البكا بلا دموع. *************** منحوس منحوس و لو على راسو فانوس ************* عمرو ما احبى وملي احبى طاح فلبير. ************** كلشي درتولك جديد و السعد ما صبت فيه ما انزيد. **************** لاين يا الهم لاين لدار باحساين. *************** رضينا بالهم والهم ما رضا بينا درناه عند راسنا صبح عندرجلينا. *********** الحنة حرشة و الحناية عمشة و العروسة فيها بو تفتاف. ************ لهلا يورينا فولادنا ميخلعنا. ***************** ادعاوي بارشاوي. *********** عيطت على ديالي جاني عيطت على ديال الناس مشى و خلاني *************** ما يحكلك هي ظفرك و ما يبكيلك غي شفرك. ******************* مشات حليمة لمسيد ما صابتش احسن من اسعيد. *************** اللي كثرو همومو كثرو اعجوبو. ***************** هده دار بونا والعبيد يخرجونا. ****************** يلا بغيتي اتوحش صاحبك سلفو. **************** لكان الحمام يبيض لكان بيض قبابو. *************** اللي درقك ابخيط درقو بحيط. ************** اللي عندو باب وحدة الله يسدها عليه. ********** اللي ما عندو سيدو عندو لا لاه . ***************** اللي فاتك بليلة فاتك بحيلة. **************** اما من هم تقراه ولا تراه. ********* تيدور الزرع حتى كيدور وكيرجع لعين الرحى. ************ يلا امشا الزين كيبقاو حروفه ويلا امشا المال كيبقاو خروقه. ************** الخير كيجلس والهم كيكمش. ************ كيدق ويقول شكون. ********** كيبيعو القرد ويضحكو على من شراها. ************** حرتا ولا ورثا ولا سير حتى... ************* بنت الدليل وبالثمن. ************* بحال اللي كيزيد لهودي لجامع. ******** الغربة كتلوح حتى لبلاد الشلوح. ********* شط الحرير حتى تلحسو بيه لمقالي. ************ ما يحس بالمزود غير اللي واكل \مخبوط بيه. *********** اللي دارها بيديه يفكها بسنيه. *********** قالو اشخصك يا لعريان قالو الخاتم يا مولاي. *********** نهيه نهيه ويلا اعمى سير وخليه. *********** ما بين اللقمة و الفم تيريد ويحكم. ********** لالا تيها وكلشي فيها. ************* الضحك كيفصخ البيع. ***************** اللي حبك ما بنالك قصر واللي كرهك ما حفرلك قبر ******************* اللسان طويل و الدرع قصير. *********** اللي خرج من دارو كيتقل مقدارو. *********** اش يقدك من الصلاة يا البايت بلا اعشى. ************* الجمل ما كيشوفش حدبتو كيشوف غير حدبت خوه. *********** ما ينفع غير الصحيح اما الراشي كايديه الريح. *************** اللهم اعمش ولا اعمى. ******************* اللي شاف شي يقول الله يستر. ************* لا مكحلة لا سكين غير الله لعوين. ************** مول البنات ما يبات هاني. ************* ازرب تعطل. *********** لو كان الخير فيا ما يتزوج راجلي عليا. ************** كان راجلي واصبحت انعشقو. ********** يعيى من يعطي وما يعيى من يشد ********** . اللي حبابو عريانين عمرو ما يتكسى. ************** ملي كطيح البقرة تيقواو \تيكثرو السكاكن. ************ اللي احشم فما ضرو الشيطان غرو. ********** عيبت المدبوحة على المشلوخة قامت مطيورت المخ كتحامي ********** لو كان الخوخ يداوي لو كان داوى راسو. ************ الله يجيب اللي يفهمنا ولا يعطنشاي. مزال الخير تسناوني :yess: |
رد: امتال شعبية مغربية
بصراحه فيه امثال عرفتها بس الاغلبيه ماعرفتها ومشكوره يامبدعه والي اضحكني بصراحه المثل الي يقول علشاني اعرفه منحوس منحوس و لو على راسو فانوس وتقبلي مروري وتحياتي |
رد: امتال شعبية مغربية
وسواس من الجن ولا وسواس من ابنادم. ****** الفياق بكري بالدهب مشري. ************* هاك ابوه رجليه جابوه. ************* حتى يخلاق عاد نسميوه عبد الرزاق. *************** الله يعطينا شي نقرة فين يغبر نحاسنا. ************* حتى قط مكيهرب من دار العرس. ************* الصنعة يلا ما غنات كتستر واقيلة كتزيد فلعمر. *********** اشعند الميت ما يدير قدام غسالو. ********* شحال ما طال الليل كيصبح النهار. ************** جلسة احسن من وكلة. ********* نقا على نقا ما تيورد شقا. ************ الزيادة من راس لحمق. *********** كول بشهوتك و لبس بشهوت الناس. ******* الدين مسود الخدين ولو كان من فلسين. *********** قالو اشمتك قالو اعرفتك. ************** السوم الاول عليه اتعول. ********** اللي ما ولدو ما حن عليه. ********* المثلة للسارية و المعنى للجاية. *********** شد تصيب ما اتحل. ********* اللي احفر شي حفرة كيطيح فيها. ************* ملي تيظهر الزويتني و اللقيم كيرفد يدو الحكيم *********** دارنا ساترة عوارنا. *********** اللي قالك لا تقولو و اللي سولك لا تعطيه خبار. ************ الفراق مبعوت بالحي او بالموت. ************** يلى شفتيهم دورو علينا عرف حاجتهم فينا. ********** اللي زرع الشوك تيحير فاحصادو. ************ اطلع تاكل الباكور انزل شكون قالهالك. ******** دوام الحال من المحال. ************* حوتة كتخنز شواري. ************** العمش فدار لعمى بعينيه. ********** الحر بالغمزة و العبد بالدبزة. ************* ما مور الشدة الا الفرج. *************** دير النية و انعس مع الحية. ********** يلا درتي بحالك بحالو باش فتيه. ************ اللي تيتسحر مع الدراري كيصبح فاطر. **************** حاول على حميرك تحج عليها. ********** اللي فاتك خليه لبناتك. *********** الله ينجيك من المشتاق يلا فاق. *********** دوز على الواد الهرهوري و لا دوز على الواد الساكوتي. ********* السلطان بالتاج و كيحتاج. ************ السلطان بجلالت قدرو و كتقال فدهرو ************** اللي عضو الحنش كيخاف من الحبل. ********** خدم يا التاعس لناعس. ************ اللي كيربي ولاد الناس بحال اللي كيدق الما فالمهراز. ************** انا تنكول لحبيبي وحبيبي تايقول لحبيبو وكلامي فين مامشيت نصيب ************ كال لو آش المعمول يا قاضي فعيشه، كال لو طلقها وانا ناخدها ************ اللي تيكون اناني تيبقى وحداني. ************ اللي اربحتيه تاكله و الدين باش تخلصو ؟ ************ اللي ما جابتو المحبة ما تجيبو الحزارة. *********** اللي ما عندو هم كيولدوهلو لخدم. ************ اللحية مكترفد اللحية غير لقبر. *********** اليد اللي طعمتنا الحلال تيكونو ناسها قلال. ************* جيتي من البرية وابغيتي تاخد الولية. ************ خليني نبلع ريقي حتى نعرف عدوي من صديقي. ********* اطلع امساري واهبط شاري. **************** المحبة المزروبة فرقها على الايام ********** بالمهل تايتنكل الجمل وزادو عليها هبرة هبرة تايدار في القدرة ******** اللهم خطية بايتة ولا ربح مجلي ************* سبق العصا قبل من الغنم ******* الخيل واقفة والحمير تتبورد *********** آشْ تفِيدْ التبَاخَر، والدّار مَداخَرْ ********** العْسَلْ حَدْجَة فْى فُمْ المَرِيضْ ************* إذَا غْلى الزرَعْ، رَجلْ امي يْكيْلُه ********** الهم المَنْحُوسْ خَليتُو فْى دارْ بَا لقِيتُو فْى دارْ العْرُوسْ ********* اعْطِنِي دْيَالِِي كُلُه دِيمَا أَنا غِيرْ يْتِيمَة *********** مَا كَيْنَسِي البَنْتْ فَى امْها غِيرْ هَمْهَا ********** لمرأة الهجالة وثوب الدلالة يورثون البل ************ الدجاجة غسلت رجليها و نسات لي داز عليها. ************** شد حمامك ادريس طار و خلا ليك غير الريش. ********** كفي البرمة على فمها تطلع بنت المها. ************** وريه وريه ويلا عمى سير وخليه. ************** اعطيناك تكحل ليها ساعة عورتيها. *********** الشي من الشي نزاها و شي من قلت شي سفاها. ************* .بني وعلي وسير أو خلي ********** لي شافتو غنو بغات منوا *********** الفار المقلق من سعد المش. *********** دجاج النص عقوبتو لماليه. ***************** لي شفتيه راكب على قصبة قوليه مبروك العود. ********* الخوى حدها الدنيا. ************* هم الدنيا يبقى فيها. ************** خوك خوك لا يغرك صاحبك. ************ العبد في التفكير و الرب في التدبير. ************** الفياق بكري بذهب مشري. ************* ضربة بدمها ولا كلما بسمها. ******************** قنطار ديال دخان ولا وقية ديال البرد. ************ لي مارضا بخبزة مايرضا بنصها. ************** ضرب لحديد محدو سخون. **************** حماتي للاتي و مراتي مولاتي ************ السفيه ما كينطق غي بلي فيه. ************ ودن صمة و الاخرى فيها الماء. اللي ما شاف من عين الغربال اعمى. ********** حتى طارو الطيور عاد جات الهامة كدور. ********* اللي ما جاب لا قلام ولا دواية ما عول على قراية. ********* حتى تطيح الشتى يا قرمان عاد يصبن حوايجو حمان. ************* حسدو العمى على عكازو. *************** عاند ولا تحسد. ************** البكاء مور الميت اخسارة. ****** اللي فات مات. ********* سوق النسا سوق مطيار يا الداخلو رد بالك يوريوك من الربح قنطار ويديوليك راس مالك. ************** لا يعجبها لعجب ولا الصيام فرجب. ********* جغمة من البحر و لا اجميل الكرابة. *********** العز والنصر والسكنة فلقصر. *********** الموت بالردم ولا معاشرت لخدم. ************* اج امي نوريك دار خوالي. *********** .الزين كيحشم على زينو والخايب غالهداه الله ************ واش بغيتي الزبدة و فلوس اللبان. *********** ـ مَا هُوَ العِيبْ على من حرث في السطح، العيب على من خَمَّسْ ************* شحال من زبالة ولات جامع ********** كُولْ التّبْنْ وَامْسْحْ فُمّكْ بالسّمْنْ وْدُوزْ عْلَى عْدُوكْ مْصَبَّنْ ********* اللِّي خَانْهَا دْرَاعْهَا تْقُولْ مْسْحُورَة ************ وخا يرجع بوركراك حليب، والرملة زبيب، ما يرجع الرباطي للسلاوي حبيب ********** السوسي المرا والتجارا، العروبي المرا والحمارا، والمديني المرا والخسارة ***************** إلا طردك البخيل، عند الكريم تبات *********** الزين الفاخر، الشفايف والمناخر ************** ماتت الخادم د القاضي فالعزا ما بقا حد، مات القاضي ماجا حد *************** إلا عييتي أميمونة أجي تنقلي الحجر **************** اللي خلاه الجدري، كملو بوحمرون ************ الضر المنعوت اللبن والحوت ********* جا لبلاد فليو، وامرض بالرواح ************* بحال عاتق اليهود، زوجوني ولا نسلم ************** جا لوسط الملاح، وقال ألعاشقين في النبي صلوا عليه ***************** الْمَدْسُوسَة تْهَرَّسْ الْمَحْرَاثْ ************** عِيشَه تْبِيعْ الزِّيتْ، وحْمُّو ناعْس فِالْبِيتْ **************** المحبة من عند الله و الكره سلاطة *********** اللي عندو شي حبيب تاحببلو *************** اللي ما علمك لا فرض لا سنة تركو و تهانا ************** مسخوط مراتو ماتعرف وجهو من قفاتو ************** وَقًّرِْ الكْلْبْ على وْجَهْ مُولاَهْ ********** وجد القرش الابيض للنهار الاكحل ************ لي بغا طامو يحل بزطامو ********** ما تقطع الواد حتى تبان حجارو وما تمشي في الليل حتى يطلع نهارو وما تصحب صديق حتى تعرف خبارو ************* اختار لولدك الاصل واختار لبنتك الرجل ************* · شكارت العروسة مها, خالتها و الحزارة جارتها. *********** · اللي ما تيخيط كساتو, يطيب غذاتو, يحلب شاتو عزيه فحياتو. ************* · إلى مات البو توسد الركبة, الى مات الأم توسد العتبة. ****************** · الطلاب يطلب و مرتو تصدق. **************** · العمى و العميات و ظفار الجنيات, الأولى تصوت, و الثانية تلوط, و الثالثة تضرب البوط. ************** · لا تسرج حتى تلجم و عقد عقدة صحيحة, و لا تكلم حتى تخمم لا تعود عليك فضيحة. ************* · الزين بحروفو؛ ديه لمو تشوفو, القرع بفلوسو؛ أرا داك الراس نبوسو.. ************** · حماتي و جه الدلو, هي حارة و ولدها حلو. *************** · كثرة عطيني ما تخلي حد يبغيني. ************* · دخل ياكل الفريك أصبح معانا شريك.. ************ · اخدم يا صغري على كبري.. *************** · اخدم بكري ولا روح تكري. ********* · خبز الدار ياكلو البراني. ************** · دخلناهم يشربوا الرايب قالوا حقنا فالزرايب. *************** · الدنيا دراعة كل واحد كيلبسها ساعة. ************* · نوصيك يا واكل الخوخ من عشرة رد بالك , في النهار تظل منفوخ وبالليل تبات هالك. ************** · الزين, الا زين الفعال. **************** · وجه الشارفة ما يخفى, ولو تحكو بالحلفة. ************** · اللي مدت يدها للحنة, تمدها كلها. ********** · الزين في بناتنا سلالة, من العمة للخالة. *************** · لو كان الصفيحة ترد العار, لو كانت رداتو على الحمار. ********** · كون أزماني حرش, و ها وجهي بوس و طرش. *********** · العشق المزروب, كله عيوب. ********** · حل عينيك قبل الزواج, أما بعدو غير غمضهوم. ************* · ما نعطيوش خيرنا لغيرنا. ****************** · تا تطلب الزيت من السفناج. ****************** · الفقيه اللي نتسناو براكته ادخل للجامع ببلغته. ************ · إيلا ارخص الشعير اغلات الحمير. ************ · الحمار مخبي ووذنيه برّا. *********** · طاجين الشمايت، النصبا وقلة ليدام. · احمر يا المشكورة، دبحو الجرو وصلاو على الهيدورة. مْنْ لاَ عْشَا في كَمُّه يْحْرَقْ أبُوهْ و أمه. ـ لي مَا وَاتَاهْ الأخضر مَا يْلْبَسْ مَا يَحْضَرْ. ـ من فوق الجذام ما بْقَتْ حتى عْلَّةْ. مْنِينْ دَاكْ العْرِيَّشْ قال لُه مْنْ دِيكْ الشّْجِيرَةْ. ـ لِّي رْبَّا الغُرَابْ يُنْقَبْ لُو عِينُو. ـ المَكْنَاسِي جْوَابُو في فَمُّو والتِّطْوانِي حْتّى يشاور أمه. ـ الِّيْ وْفَى أَجْلُه يْمَدْ رَجْلُه. ـ الِّيْ يْعْمَلْ رَاسُه في المَزْبَلَةْ كَيْخَرْبْشُوهْ الدّْجَاجْ. ـ اللّْسَانْ يْسَبَّحْ والقَلْبْ يْذَبَّحْ. ـ الِّيْ مَاتْ لُو غْزَالُه أَشْ مْنْ حْبِيبْ يْبْقَى لُه. ـ الِّيْ ما يكون عَنْدُو العسل في دَارُه يكون عَنْدٌو على طرف لْسَانُو. ـ الِّيْ ما عَنْدُو مَا يَشَدّْ إِشَدْ فَمُّو. ـ الِّيْ تْهَرَّسْ لو مْنْجْلُو يَعْمَلْ مَنُّو مْحَشَّةْ. تعلمو يا الحجاما فروس ليتاما. جبنا القرع ينوسنا عرى راسو و هوسنا. . اللي تيركب لحصان كل الناس اتوسعلو لمكان. محيلي المكتوب وانا انتوب. غرزة زايدة فيا و هم لعرى فايت فيا. ضربني و بكى, سبقني و شكى. · اللي ماقدو الفيل, زيدوه فيلة. · لا ديالي بقا ولا وجهي تنقى. · جا ايعاونو فقبر باه, هرب لو بالفاس. · شوف بيتو, وخطب بنتو. · اللي بغا يدفع البلا يتوضأ للصلا. · هاك و ارا, ما فيها حزارة. · اللي قال ليك العرس ساهل يسقي لو غير الما. · اللي خلى غذاتو لعشاتو, ما شفع ذاتو. · إلى عطاك العاطي, ما تحرث ما تواطي حتى الجبال الطاطي. · انا في همو كندادي وهو فتقلاع وتادي. · النمل الى بغى يعذبو الله, تيدير ليه الجناح. · اللي جا على المناول سدة, و اللي جا على الغذا تغذى. · فالمقلة و تيحنزز. · المندبة كبيرة و الميت فار. · اللي قال العصيدة باردة, ادير يدو فيها. · عيات موت الحمق ما تعض فشاربها, قاليها من جهتي غير قطعيه. · اللي بغى الزين, يصبر لتقيب لودنين. · كون تصحابها تكتاب, من دق الباب. حتى زين ما خطاتو لولا. - النواض (لفياقة) بكري بالذهب مشري. - باش تاكل الشوك أ عمي الجمل, باللسان لحلو. - لعروسه فوق الكرسي معرفتي فين ترسي. - الجديد جديد و لبالي لا تفرط فيه - دير ما دار جارك ولا حول باب دارك. - الدوام يثقب الرخام. - ختار الجار قبل الدار. - - اللي قال ليك قال عليك. - جا يكحلها عماها. - على قد لحافك مد رجليك. - عين بنادم مايعمرها غي التراب. - سال المجرب ماتسال الطبيب. - عشرة د ليهود على قنفود ومادبحوه . - اللي مشى بلا عراضة يجلس بلا فراش. - لمكسي بديال الناس عريان . - عند رخصو تخلي نصو. الخُوَّافْ مَا تْخَاف عْلِيهْ أمّه رَجْعَتْ حْلِيمَه لْعَدَتْهَا القَدِيمَه الدْرَارِي مَا كْلَتْهُمْ تْجَارَه ، وكْسْوَتْهُمْ خْسَارَه . تخدم بشفار اعياني وما بقى في ابداني ولا نتحت لجيراني اخدم على عرضك حتى يشيع ومنين يشيع يخدم عليك اللي اطيبو المعفونة ياكلو رجلها. · مبعيدة غير تادلة اما سبع حمير موجودة. · الكلب الى ما نبح ماعند مولاه فيه ربح. · حزموني ورزموني ولا تعولو عليا. · الى تقادو لكتاف يعود الكبير يخاف. · اللي تيشطح ما تيغطيش وجهو. اللهم النعاس في الخلا ولا ضيافة البخلا, اللهم النعاس في البرد ولا ضيافة القرد. كل قرد في عين مو غزال. الرجل بالهمة أما اللحية راها حتى عند العتروس. هبيل تزوج هبيلة وتهنات القبيلة. . ما احلى الحنطل يلا كان باطل ثلاثة من علامات العذاب : الركاد في الجلاب و الشريب من فم القراب و الزواج ببنت الكلاب اللي هرسوه الوالدين ما يجبروه الصالحين .ولدالسبع سبع ما حدو يكبر و هو كيخلع وولد الضبع ضبع ثلاثة من علامات الهبال: الغادي السوق بلا مال الغادي البيربلا حبال و الكالس وسط الجماعة و ما رادش البال تسخرو مو يجيب الخميرة يجيب الشمع خاذها بفرانك وبغاها تولد ليه قايد لا توصي اليتيم على بكاه ربّي كَيَرْزَقْ كُل رُوحْ بَاش تْرُوح الدُّنيا حالْ واحْوالْ السما بعيدة على نبيح الكلاب يدك منك ولو تكون مجدامة الراس لي ما يدور كدية الدار بلا مولاتها اجي تشوفو حالتها الخدمة جات يا الرجل طيح الباب وردها مغازل اخدم يا صغير لكبري ووفر يا غناي لفقري خروج الليالي نعايم خروج الصمايم نقايم الخيمة الكبيرة، ايلا ما عشات تردف دعوة الشريف ولا دعوة العريف الكفن ما فيه جياب تبع الكذاب حتى الباب الدار كيشري الحوت في قاع البحر. معا من شفتك ما من شبهتك حرنا في اللي حبونا أما اللي كرهونا داروا فينا خير، سبع صنايع والرزق ضايع،. كل محنة تزيد عقل الليل بودينتو والنهار بعيونتو لي خلص دينو شبع وجبة خير من ميات ميعاد القرد الشارف ما يتعلم الشطيح، اللي فيه الفز كيقفز كبقلب على حمارو وهو راكب عليه. ما قدرت تكون نجمة فيالسما تكون شمعة في الدار. لي حرث الجمل دكو اللي تلقا ايدو في جيبك ما يكون حبيبك عمرو . اللحية في البيت و العايلة خرجات تجيب الزيت . زوجت بنتي تهنيت من صداعها رجعات جارة ربعة في صباعها . جيب جيب حتى نحرثو الزبيب . باع دارو و كرا عند جارو . فلوس اللبن يديهم زعطوط : (153): |
رد: امتال شعبية مغربية
اقتباس:
صحيح متل في الصميم شكرا اخوية |
رد: امتال شعبية مغربية
اللي ما جال ما عرف بحق الرجال نعم هذا: (456): |
رد: امتال شعبية مغربية
اقتباس:
كان عندي احساس غيعجبك هاد المثل سبحان الله : (436): |
رد: امتال شعبية مغربية
امثال عجيبة وحلوه
يقولون الامثال خلاصة تجارب الشعوب فيه بعضهم فهمته وبعضهم لا بس عاد هالمثل غييير ، والله ياني صابني شد عضل في كبدي من الضحك ههههههههه اقتباس:
|
رد: امتال شعبية مغربية
اقتباس:
خخخخخخخخخخخخخخخخخخخخخخخخخ خ تسلم على المشاركة والله يدوم الضحكة وصراحه متل اخترته في الصميم :20::20::20::20: الى مزغوب مزغووب:20: |
رد: امتال شعبية مغربية
سمحي ليا نصحح ليك أول مثل الفول لمسوس ماشي الخامج
حيت الفول مكيخمجش والمقصود هنا الفول اليابس هو الي كيسوس اما باقي الامثلة فسجلي إعجابي وترى أنا عني كتاب جمعت فيه كل الامثال المغربية ولو تحبي ارسل لك نسخة ما عندي مانع |
رد: امتال شعبية مغربية
اقتباس:
صحيح اختي هدي فلتت لي شكراا الا كان عندك علاش لا حطيه في المنتدى الكل يستفيد منوو : (210): |
| الساعة الآن 04:30 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط