تقرير رحلتي لمراكش و طنجه 33 يوم
 

السلام عليكم ورحمه الله وبركاته
اقدم لكم تقرير رحلتي في مراكش و طنجه

واتمنى اقدم الفايده لكم


الرحله 33 يوم من تاريخ 2019/1/1 حتى 2019/2/2

الرحله على الخطوط المصريه حجزتها قبل الرحله
ب 4 ايام وانصح فيها سعرها 1950 ريال لكن عيبها الانتظار في القاهره 3 ساعات وانت راجع 5 ساعات

وصلت تقريبا الساعه 2 الظهر المطار

فتحت حساب في وفا كاش + وطلعت شريحه

كانوا ينصحوني في الرياض قالوا اذا وصلت للمطار روح عند واحد اسمه يوسف حق تأجير سيارات لكن بصراحه اللي قابلتهم غير محترامين ومعصبين حسسوني اني بستأجر ببلاش ضايقني الاسلوب جدا اتصلت على الشخص اللي نصحني فيه وقلت له عن الاسلوب وقال مستحيل يطلع منهم قلت هذا اللي حصل اعطاني رقمه اتصلت عليه مارد طنشت ومشيت

كلمت شخص في الرياض وعطاني رقم سواق يعرفه من فتره كلمته وجاني وطلعنا مراكش

يتابع

وصل لي السواق وداني مراكش بسعر 1000 درهم

طبعا السكن خاص حق خويي وهي فله خاصه جدا وسكنت فيها 3 ايام بعد ما حلف علي جاني الشخص المسئول عن الفله وقابلني ورحت للفله حقت صاحبنا
واتصل على الشغاله والطباخه جيت وهم يرتبونها لي سكنت فيها وانا منحرج جدا منه انا طبعي ما احب احد يقدم لي شي لا سكن ولا سياره ولا اطلع بحساب احد

قلت بسكن 3 ايام مجامله له وعلى حلفه على

طبعا الفله كبيره جدا فيها 6 غرفه ومسبح وقبو فيه دسكو وفله متعوب عليها جدا الله يبارك لصاحبها يجيها في السنه مره وباقي السنه مقفله

طبعا بعد ما جيتها حصلت 3 حراس على الباب وحصلت الشغاله تنظف والطباخه ترتب الشغل في المطبخ خويي متصل عليهم قبل ما اجي ومجهزين العشاء وكني في السعوديه المفطح على الجمر كثر الله خيره.

جهزو الفله لي وحطو العشاء وجاني واحد كبر الباب ماشاء الله عليه. قال مرسول لك من ابو فلان وراح اكون معك 24 ساعه

طبعا اتضايق من هذي المظاهر
قلت اقعد تعش معنا وبعدها نتفاهم انا وياك

طبعا لحالي والعشاء كثير تعشينا كلنا وبعد العشاء قلت ما ابي اضايق احد ولا ابي ازعج احد وانا تعبان وابي انام
لكن ما احتاج شي منكم خلال فتره اقامتي
وانا اخدم نفسي بنفسي

ورفضوا يطلعون. الحراس قالوا حنا ساكنين في نفس الفله والطباخه زوجه واحد من الحراس و الشغاله تقرب لهم وقالوا حنا ساكنين هنا وفي خدمتك

راحوا للغرف الخارجيه وباقي عند واحد كبير الباب قلت هذا يبي يبلشني معه رفض يروح وقال انا بكره عندك ما تطلع الا انا معك

يتابع

ثاني يوم الظهر صحيت من النوم
واحصل الطباخه تركب الغدا وطلع خويي مرسلهم يجبون اغراض واشياء كثير ومرسل لي سواق خاص وسياره

كملت 3 ايام واتصلت على صاحبي استأذن منه ورفض قال تاخذ اجازتك كلها بالفله وبعد ما حلف وشد وجذب وافقت اقعد

كملت فيها 15 يوم

ونظامي اطلع من الصباح حتى المساء
يعني مو راعي سهرات ولا راعي طيور [emoji16]
عشان محد يسأل

يتابع

رحله سعيده
و
حمد لله على سلامتك

معلومتك الاخيره
ريحت راسك ومن الاخر [emoji108][emoji12]

متابع معك

متابع

خنشوف

رحلة سعيدة

مكتب يوسف مجرب علا حسب اراء اللي تعاملوا معه !!!

يبيلنا خوي مثل خويك [emoji1]