عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


إضافة رد
مزعوط جديد
المشاركات: 19
تاريخ التسجيل: May 2011
المطنوخ1 غير متواجد حالياً  
قديم 2011-06-16, 09:44 PM
  المشاركه #1
الطاووسه

يا أنيقة آسف بشدة على هالحوسه
غرفتي تشبه كثير أوضاعي المحيوسه
ما توقعتك ابد بتجين.. فاجأتيني
عالعموم الله يحيي الطله المحروسه
وقفي.. لحظات بين عيوني التعبانه
لين ارتب لك اريكة قلبي المشموسه
واجلسي بين الزراير والحشا الافريقي
واذني للبكي.. بيذاكر معاك دروسه
شاعرك فوضاه علمته يرتب حبك
انتي ثم الحزن.. ثم دموعه المحبوسه
والدموع اللي على وصلي ووصلك تنزل
ترفع بنزولها.. اعلامنا المنكوسه


هذا انتي ماني مصدق ولاني مكذب
آآآه من برد الجفا ورياحه المتروسه
وايه حنا ناس غير الناس يا حوريه
رووسنا ماهيب لضعاف البشر مريوسه
لا افترقنا نبتسم.. واليا التقينا نبكي
ويافديت جنوننا واشياءنا المعكوسه
مرحبا ترحيبة البدو العزيب الرحل
بالمطر لا اروى الهشيم الماحل المعبوسه


صح هذا انتي وهذا عطرك.. السمياكي
وهذي بوهة وجهك اللي بالضحا محموسه
وهذي ربطة شعرك البيضا وذي خصلاته
كنها في زيت زيتون الشفق مغموسه
ما تغيرتي وهذا المعطف العنابي
وهذي ساعة يدك المحظوظه المنحوسه
لاهي اللي طالت اصابعك واتشابكها
ولاهي اللي قريبه من عاتقك وتبوسه
وهذي مشيتك اللي من صغرك ما غيرتيها
هالبشر يخجل يضر القاع ولا يدوسه
الجمادات الرذاذ تهمس لامريتي
مرحبا.. يالناعس.. المحشومه.. الطاووسه
قولي والله انك انتي معي ماني مصدق
لاتلومين الحواس الشرد المهووسه
كل ما غنن لي الغيد بصوت مواصل
شلها قلبي وركبها على منكوسه


صورة فالبال لك كم عام تتخيلها
اقرب احيانا من المحسوسه الملموسه
وانتي لو ماكنتي فيدي ولا كنتي لي
لحظتك عن عام كل ليلية مع.. عروسه
لأنك الافخم اسم والابسط انسانيه
ولأنك الوجه التقي والطيبة المغروسه
ولأني احبك محبة عمق ماهي نزوه
اسمى من حب الجسد واهل الهوى ونجوسه
يا انيقة آسف بشدة على هالحوسه
لهجتي تشبه كثير اوضاعي المحسوسه


ما سألتك ليه جيتيني ولا ضيفتك
مابي اخرب على جو الوصل وطقوسه
ليه جيتي اسألك وانا اعرف وش جابك
طاب شجر الغاب والحطاب قرب فوسه
لا تقولين اني ارخصتك وانا ما ارخصتك
ولا تقولين اشتراك المشتري بفلوسه
ولا تقولين ان هالمرة هي آخر مره
اتركي لي حلم بعد احلامي الميئوسه


انا شاعر حلمه اللي سوى منه شاعر
الذهب.. والعالم الجديد.. دم ضروسه
يا انيقة لوخذوك وسافروا بك عني
الارض صدري والسفر من قوسه الياقوسه
ليت صيت الجد ما ينفع سخيف احفاده
وليتها هالحين وان لكل شارب موسه
وليت.. نقطه نقطه نقطه نقطه نقطه نقطه
مابي اغلط فالزمن والعالم المنفوسه
ماعرف شاقول.. ولا اعرف ويش اسوي
الحزن طلت من ابواب الليالي روسه
انسي كل اللي حصل هاللحظة وضميني
يا خسارة عمري اللي راح وياناموسه
والله ان امه دعتله تحت باب الكعبه
واحد حطك فـ بيته يالغلا.. عروسه
رد مع اقتباس
مزعوط خبير
المشاركات: 6,299
تاريخ التسجيل: Dec 2010
الدولة: الجبيل
saadora غير متواجد حالياً  
قديم 2011-06-17, 12:44 AM
  المشاركه #2
رد: الطاووسه

تسلم وصح لسانك
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:02 PM



1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83