رحلتي الاولى وبدايه مشجعه
مساء الخير للجميع
كنت حاب انزل تقرير عن رحلتي لكن اتوقع نظام المنتدى مايسمح للمزاعيط الجدد ..
عموما أشكر كل عضو تداخل معي بأستفساراتي وافادني بمعلومه . رحلتي كانت 20 مارس الرياض دبي ترانزيت ودبي كازا
على الاماراتيه ب 2460 ذهابا وايابا وصلت كازا الساعه 1.15 مساء مريت بنك وفاء وفتحت حساب واخذت الصرافه كان سعر الصرف 2.49 درهم للريال واخذت شريحه طبعا ترتيباتي محدوده ولكن احتفظ بخيارات كثيره لو واجهت اي طارئ وهذا بفضل الله ثم بفضل اخواني بالمنتدى المهم طلعت لقيت تكاسي الي يقول 1600 والي يقول 1500 ؟ بالاخير طلعت ب ١٠٠٠ درهم مشينا وكان تخطيطي اريح اليوم بمراكش وبكره اتجه لأقادير بس حسبتها عشر ايام ماينفع تسافر لأكثر من مكان وقررت اقضيها بمراكش مالكم بالطويله تواصلت مع الاخ ابو سلمان الله يعطيه الف عافيه وام سلمان ماقصرت وصلت مراكش ومثل ماتوقعت كانت جميله واهلها اجمل ومثل ماتوقعت بعد ابو سلمان رجل يملك مصداقيه وهذا واضح من خلال تجارب الاعضاء معه .. مريت كارفور وخميت اغراضي الي ابيها وبعدها قابلت الاخ حسن من طرف ابو سلمان وماقصر جهز شقه من غرفه وصاله مجهزه بمطبخ امريكي وبلكونه مطله على كوفي بشارع جليز ب 800 درهم شقه للامانه رايقه ومرتبه وراقت لي وحجزتها مبدئيا يومين ابي اتطمن على الوضع بصفه عامه وانا للامانه متفائل برحلتي المهم الاستغلال الصحيح للأوقات طبعا الحين بنام مرهق من السفر ومن بكره بتابع تفاصيل الجمال بمراكش وبخبركم بالجديد ...