ابغى نصايح لاستئجار سيارة بالمطار

السلام عليكم ورحمة الله وبركاته

شباب ابغى نصايح لاجار السيارات في المغرب ياريت تفيدوني كيف اضمن حقوقي لاني صراحة خايف منهم

صارلي اكثر من عشر سنين وانا اروح المغرب،،
كنت أستأجر السيارات من المطار او من المدينه، من شركات محليه، وحالياً من ٤ سنين وانا استأجر من الشركات العالميه أونلاين مثل يوروب كار او سكست او غيرهم،،
الفرق كبير للأمانه،، باختصار الشركات المحليه باغلب الاحيان تكون ارخص وسياراتهم اكثرها مو جديده وفيها حوادث وغيرها، لكن عيبهم الغموض! مثلاً يعطونك السياره تامين شامل ، لكن من يصير شي بالسيارة تطلع لك القوانين بين السطور الفرنسيه وتعال ادفع .
الشركات العالميه، شوي اغلى لكن امورك سليمة، حقك محفوظ والتأمين الشامل عندهم يغنيك عن كل شي ويستاهل فرق السعر لراحة بالك، وسياراتهم ممتازة ونظيفة.
حالياً مالي غير الشركات العالميه،، مجرد رأي ولك الاختيار

مكتب مصرح + عقد ايجار + افحص السياره والاوراق كامله
ولا تخلي جواز سفرك او شي رسمي يتعلق فيك
واذا بغيت تستأجر علمني ارسلك لمكتب معتمد في المطار عن طريقي
وابشر باللي يرضيك

والله حصلت كثير عروض من الشركات الاوروبية بس خايف من نوعية السيارة او تكون ضيقة

لا تخاف الجواز مثل روحي ما يطلع الا للشديد االقوي ولو تعرف واحد مرخص وسياراته حلوة ما عندي مشكلة

احجز السيارة. قبل تأصل المطار. عندك معلنين. مثل مكتب يوسف وصوفوي كار اتوقع معاملة طيب
انتبه لا تنزل المطار. بدون حجز ثم تطيح في سمساره

بالنسبة للتأمين
هل يكفي التأمين من مواقع التأجير مثل rentcar وغيرها
أو المكتب يلزمك بتأمين من عنده ؟

في تأمين شامل اسمه بالانجليزي( Waiver) هذا معناته ان اي شي يصير بالموتر انت مالك دخل فيه حتى لو انسرق. اهم شي تسوي تقرير من الشرطة ومورك هانيه،، تقدر تاخذ التأمين ذا من المكتب نفسه لكن اغلى ن النت،

اخوي هل يكفي التأمين من النت ؟؟
هل يلزمك المكتب اللي بالمطار بتأمين من عنده ؟؟

ادخل ع موقع www.hotwire.com تحصل عندهم تأمين يقلك اذا حاب تامن وانا اتعامل من هذا الموقع اكثر من ٣ سنوات في الدول الأوربية وأمريكا وكندا ومن أرخص المواقع ولاكن في المغرب لم يتم التعامل معاه