طنجة في العيد ، وبعدها على وين ؟؟

السلام عليكم

كيفكم يامزاعيط

ابي اسئلكم
ابي اتعيد في طنجة واجلس فيها اسبوع
ان شاء الله
طبعا ابي ازور الباقي
مثلا مراكش ثلاث ايام
فاس ثلاث ايام
اقادير ثلاث ايام
افران ثلاث ايام
مكناس ثلاث ايام
الرباط ثلاث ايام
وش رأيكم ابداء من وين
يعني انا جاي من الرياض ع كازا
ابي ادعس طنجة على طول
وكازا بخليها قبل العودة للسعودية
ياليت ترتبون لي المدن اللي بزورها
بعد طنجة بالترتيب
وتشكرات كثار وكبار مقدما

متابع

اشوف افضل لك من طنجه على اسبانيا
عشان ترتاح وتعرف النظام الموحد

عليكم السلام
كون هاني خويا امورك سهالات
إذا خلصت من طنجة توجه لرباط وخلصت من ايام الرباط توجة لمكناس وبعدها فاس وبعدها افران وبالنسبة لرباط ومكناس وفاس وافران حول بعضها قريبه جدا
بعد أفران توجة لاكادير خلصت منها توجه لمراكش ومراكش قريبه من كازا
رحله موفقه ماعليك الا ترتيب خيارات السكن الملائم للمدن اللي رايح لها

__________________
ليت لي من عناء البعد راحه
يابهجة الخاطر وكثر الأمنيات

لو سمحتم هل صحيح اغلب المحلات والكفيهات والمولات تغلق ثلاث ايام في عيد الفطر

وشكرا

يقولونه لانه ماعندهم عماله احنبيه تعمل وقت العيد .
لذلك كل مغربي يبي يعيد مع أهله ولو فتح محله ما جايه زبائن المغاربة معيدين

__________________
ليت لي من عناء البعد راحه
يابهجة الخاطر وكثر الأمنيات

الأغلب وليس الكل ياعزيزي
فيه محلات فاتحه وفيه كافيهات

مالها علاقه العماله لأن اللي يدوام ف العيد له حلاوة العيد
( بونص ) على مايقولون عندنا .. ودمت بكل خير

السلام عليكم
حبيبي في البداية ما أطرحه وجهت نظري من تجارب كثيرة حبيت افيدك وافيد الجميع
شوف الحين اختيارك للتوقيت الرحلة ماهو صحيح السبب العطلة الرسمية عندهم ما تبدأ الا شهر 7 ميلادي تقريبا وغير كذا انت خارج من رمضان وداخل في العيد
الشي الثاني اكبر غلط انك تفكر تزور مدن كثير في وقت قصير راح يضيع وقتك في التنقل وراح تصاب بالارهاق وكذالك لا تقضي رحلتك في مدينة وحدة
شوف خلاصة مدن المغرب اللي ممكن تجلس وتستقر فيها راح اعطيكياها بالترتيب الافضل فالافضل
لاكن لازم تعرف اني رتبت هذي المدن في فترة محددة من السنة
اللي هي انك تسافر في شهر 7 أو شهر 8 ميلادي لأن بصراحة راح تكون المغرب في قمة الوناسة لان الشهرين هذي شهرين سياحة لأهل المغرب ولزوار المغرب اعطيكم الترتيب الخاص فيه
1 - أكادير
2 - السعيدية
3 - مراكش بس عيبها الوحيد ارتفاع درجة الحرارة
4 - كازا
أما بقية المدن فتستحق الزيارة والمشاهدة فقط أما الاستقرار فلا تنفع اطلاقا
نصيحة أخيرة استبعد طنجة من رحلتك واذا كنت مصر على الشمال روح مرتيل احلى وافضل من طنجة
اتمنى ما احد يزعل من طرحي هذا يمثل وجهة نظري فقط
اسف على الإطالة ولكم خالص شكري وتقديري

اذا تبي الشور خل رحلتك ثالث ايام العيد افضل يعني اجلها يومين اذا تقدر .

من وجهة نظري هناك مدن سياحية كبرى ثم مدن سياحية صغرى

الأولى هي مراكش ثم طنجة ثم اكادير

الثانية مثل افران ورزازات الشاون مرتيل الخ .

من خلال كلامك رحلتك تقريبا ٢٨ يوم

خلك اسبوع الى عشر ايام في طنجة

ومنها تقدر تلف على مدن وارياف الشمال الجميلة مثل شفشاون واقشور والقصر الصغير وبنيونش ومرتيل وكابونيغرو والمضيق وايضا واد لو واصيلة
بمعنى من طنجة تطلع الصباح تلف وترجع المغرب لطنجة تسوي هالحركة يومين الى ثلاث وتكون لفيت وتمشيت زين وليلك يكون في طنجة افضل .

مراكش اسبوع الى عشر ايام
اليومين الأولى تستكشف داخل مراكش ومعالمها واليوم الثالث والرابع تخرج الصباح وترجع المساء ل زيارة سيتي فاطمه واوريكا واوكيمدن ومولاي ابراهيم ولاله تاكركوست ..

ايضا من مراكش تقدر تخرج الصباح الساعه ١٠ ص لزيارة شلالات اوزود وبين الويدان تبعد عن مراكش ساعتين الى ثلاث بيحث تقضي فيهم ساعتين الى ثلاث وترجع الى مراكش مع الساعه تسع .
طبعا بيكون فيه تعب لكنه ممتع وليل مراكش جميل وافضل من انك تبات هناك .

اكادير يومين الى ثلاث واذا عجبتك مدد وتقدر تزور باراديس يبعد عن اكادير يمكن ساعه وترجع الى اكادير ..
اكادير ماعندك الا البحر والسهر .

الصويرة يومين
الجديدة ومنتجع مزاكان يومين

واخر يومين لك في كازا ومنها تقدر تطلع نهار الى الرباط وترجع .

فاس ومكناس وافران اذا تبي تطلع لهم يكفيهم كلهم يومين الى ثلاثه مافيها شي يستاهل بحيث تقلل من مدة بقاءك في مراكش وطنجة وتكون في خط سيرك بعد طنجة ثم تستقر في مكناس وتزور فاس وافران وترجع لمكناس ومنها تنطلق لمراكش ثم اكادير ثم الصويرة ثم الجديدة ثم كازا .
المغرب كبير وفيها مناطق وارياف تستاهل الزيارة لكنها بتتعبك الخطوط شي في اقصى الشرق وشي في الغرب وشي في الشمال والوسط وشي في اقصى الجنوب .. برأيي اللي ذكرته هو اجمل مافي المغرب وهو اللي يستاهل الزيارة في البداية

اشوف مدينتين كفاية التنقل متعب