لا استغني عن شوركم شقة + سيارة

هذا باي مدينه وهل يقبل دخول الضيوف؟

مراكش ، ممتازين و أمان

ههههه اخر فقرة تختصر أشياء كثيرة.
باذن الله يبوتركي تروح وترجع بالسلامه مبسوط وزايد وزنك بعد.. من زود الراحه.
١٣ سنه كرف وجمع في ذا الفلوس يعني جا وقت اللي تكافئ نفسك وتدلعها وتسكن في افضل السويتات وحولك اجمل الحوريات.
يقولون النيه مطيه. ونت حجزت ذهاب فقط يعني نيتك مطول الاقامه هناك. هل جربت تسوق لوحدك في الخارج؟ اذا نعم فهذا أفضل شي في المغرب.. افضل لك من اجار سيارة بسائق. وافضل لك من التكاسي. يعطيك حرية وراحه وتوفير . لاتحجز من النت نهائيا لان اغلب الظن بيعطوك سيارة مهربده عند وصولك للمطار. وأغلب مواقع النت فيها شروط خفيه ممكن توقعك في حرج..
استأجر على النظر ولاترهن جوازك لأحد. احد الاخوان هنا مؤجر اسمه يوسف يقولون إنه ما يحجز ولا درهم على البطاقه الائتمانيه ، خذ من عنده اذا اعجبك عرضه.
السكن بما أن نظامك مثل ماذكرت اقتصادي و ماتصرف بتهور. احجز اول يومين من النت في اغادير على البحر وارتاح وتمشى واستكشف المكان.. وجدد مباشره من هناك وبالكثير كل يومين ادفع حتى إذا ما عجبك أو تفاجأت بتغير في التعامل تكون طير حر سيارتك معك ودراهمك معك محد يتحكم فيك أو يفرض عليك شي. من اغادير رتب رحلتك لمراكش ومنتجعات مراكش وشلالات مراكش . عندك كل الوقت في الدنيا وعندك محمود يثنون على حرصه ونصحه لزوار مراكش وبرضو اذا عجبك عرضه خذه ماعجبك لك كل الأمر.
الله يستر عليك يبوتركي وترجع بالسلامه .

رايك طيب طيب طيب بالحيل
واعجبني شورك والظاهر بخليها على اكادير مثل ما قلت واشوف الامور كيف
بس ياليت اذا لك خبره تفيدني في فندق في اكادير امان ويقبل الضيوف وتعاملهم طيب
بتعبك شوي معي
بخصوص استأجر سياره تنفع الرخصه السعودية ولا بينشبون لي ويعطوني مخالفات وياليت اذا ماعندك مانع تتواصل معي خاص ارسل سنابك او رقم جوالك جاتني عروض على الخاص غربيه وكل واحد يقول انا الطيب وابشر ولا ادري عنهم ياليت اذا تقدر تخدمني تكلمني خاص بسنابك او رقم جوالك

اشكرك كثير واشكر اللي ردوا جميعاً صح الفتره طويله بس ابي اروح وانا مريح مخي كل شي جاهز ومرتب وانا شخص ما اطيق الاستغلال او التضييق لو حسيت بشي مثل كذا قطعت رحلتي ورجعت بلدي احسن لي

استخير والله يكتب لك اللي فيه الخير.

فيه منتجع جديد يمدحونه والحقيقة مابعد جربته اسمه بوتيك خليج اغادير.

الرخصة السعوديه مقبوله هناك.

كلنا لبعض يبوتركي، من مشرفين الى اعضاء في خدمتك.

السلام عليكم
اعتذر لك عن طلب شي خاص مثل رقم جوالك او سنابك،

وعاذرك وانت لك الحق
ولكن اتمنى منك مساعدتي حسب خبرتك ببعض النصائح والمعلومات اذا امكن اذا ماتقدر فداك ومسموح.

اول شي رحلتي على كازا وبريح فيها يوم باقرب فندق وش تنصح فيه؟

ثاني شي المشروبات الروحيه لو شريتها من السوق السوداء بالمطار ومشيت فيها ووقفوني تفتيش او شي او بدخل فيها الفندق هل هناك مشكله؟
لاني بشتري كميه اقل شي 5 بطول على الاقل

ثالث شي راح استاجر سياره واتمتع بالخط وانطلق لاكادير وش تنصح بفندق او منتجع واذا عندك سعر زين او تقدر توفره لي او تنصح احجز من البوكنق ؟
وراح اتبع خطتك في الدفع كل يومين

رابع شي انا شخص وحداني ولو حصلت وحده معي على طول ونروح نتمشى ونطلع ونجلس سوا وهل هناك متاعب مع الشرطه اذا حصلوا معي بنت ووش المخالفه اللي ممكن تجيني لو معي بنت؟ وهل هو ممنوع انها تتنقل معي؟ مجرد صديقه لاني قريت هنا ممنوع تركب مع بنت او بنت تركب معاك!
سافرت دول كثير وماقريت هالمشكله الا هنا غريب؟ بالسعوديه عندنا حتى معد يتدخلون الا في مواقف حساسه او اشتباه امني قوي غريب الوضع اللي قريته بالمغرب

وارجوا انك تسامحني لو تعديت حدودي او اخطيت واذا ضايقتك كانك ماقريت شي وسامحني

يابو تركي امورك طيبه وابشر باللي تبيه

وان بغيت تتواصل معي حياك الله لو تبي لباب البيت

واسعد الساعات وابركها واي شي ينقصك موجودين

وباذن الله مانقصر معك انا والاخوان .. ودمتم جميعاً

تسلم يالغالي ماقصرت

وعليكم السلام ورحمه الله وبركاته
مبارك عليكم الشهر الفضيل والله يرزقنا وإياكم صيامه وقيامه على الوجه اللي يرضيه سبحانه.

ابو تركي ماضايقتني ولا شي رحم الله والديك وكلنا رجال مابيننا حساس والا زعول.

الأمور ابسط مما تتصور ،،، لاتشيل هم
كازا شوف الفنادق اللي في منطقه عين دياب من بوكنق .
لك لترين من السوق الحره والباقي خذه من المدينه اللي بتسكن فيها تلقاه متوفر في سوبرماركت اسيما أو مرجان أو كارفور.
بالنسبه انك تتنقل بالسياره مع ست بالغه عاقله لايوجد قانون يجرم هذا الفعل لكن ممكن تكون في موقف ضعف يعرضك للمضايقات أو الابتزاز. يفضل أن تبتعد عنه.
أتمنى أفدتك
كل عام والجميع بخير.

حلو طيب الفلل الخاصه اسكنها ولا منتجع وخلاص