لا استغني عن شوركم شقة + سيارة

السلام عليكم ورحمة الله وبركاته

مسافر بتاريخ 22/10/1440 موافق 26/06/2019

ذهاب بدون عودة لاني مدري متى برجع
شخص واحد فقط اول مره اسافر المغرب طبعاً، ومحطة الوصول كازا
النية مراكش 15 يوم 15 يوم في اكادير شهر يعني ويمكن تزيد وامر المناطق القريبه منها اتعرف عليها واتمشى

بحثت كثير عن السكن ومو مرتاح ابي احد ثقه وسعره مناسب يدبر لي سكن خاص امن شقه غرفه كبيره وصاله او غرفتين وصاله بمكان نظيف وراقي وقريب من الخدمات ويدبر لي سياره رخيصه او سواق ثقه مجرب وعادي لو يسكن معي بس اهم شي يكون ثقه ورجل صادق مجربينه

بخصوص الاسعار عندي الزملاء بلغوني وشفت المنتدى وياليت ماتكون مبالغ فيها لاني رجال اقتصادي ووناستي على قدي ماعندي هياط ولا صرف على غير لازم ابي اقضي اجازتي وانا مبسوط

ارجوكم اللي يقدر يساعد ومجرب لا تنسون اخوكم ترا 13 سنه عمل ماعمري خذيت اجازة مثل هالاجازة نص عمري كرف ههههههه مابي اروح هناك واتنكد ارجوكم لا تنسوني واللي يقدر يساعد لا يقصر علينا

الله يجيب الخبره اللي يساعدنا ������

صباح الخير يا بوتركي المعلنين كثير وكلهم ثقه وانتبه من الرسايل الخاصه والله يوصلك على خير

باقي شهرين على رحلتك يمديك ترسل لك المعلنين هنا وتشوف اللي يناسبك

ابي ناس مجربه ومتعامله مع شخص معين ياليت محد يبخل علينا
صحيح بعد شهر و 20 يوم بس ابي اريح مخي وارتب كل شي من بدري ياليت محد يقصر اللي عنده تجربه مع صاحب سكن يتواصل معي

مشكلة الايام طويله والسكن الخاص ممكن تواجه فيه مشاكل الا اذا عن طريق معرفه والمشكله قليل من راح يدلك على المكان اللي يرتاده للسكن لانه اذا انتشر خرب وغلا السعر عليه .
ووقت اجازتك يعتبر وقت ذروة السياحه ف المغرب
بالنسبه لاكادير بتحصل شقق المارينا تبع الملاك اذا رحت هناك شف لك احد العساسين تتوسم فيه خير وبخششه وخله يدلك على مكان مناسب لك ولا تاخذ اكثر من 700 او 800 درهم باليوم
بالنسبه لمراكش وضعها غير والعيون على الشقق الخاصه قلل المده بمراكش واسكن في منتجع ،
والايام المتبقيه خلها اخر شي في كازا بتحصل شقق عند المعلنين وباسعار مزيانه وبنفس اسعار اكادير..
اتمنى اني افدتك..
وسفره موفقه ...

اشكركم جميعاً اللي ردوا ماقصرتوا

ممكن اخلي رحلتي كلها في اكادير وازور بعض المناطق يوم يومين وارجع لسكني في اكادير بسبب التحذيرات لللي جاتني من مراكش ما اظن بسكن فيها
انا ممكن ما اسهر الا مره في الاسبوع وباقي الايام تمشيه وسياحه في كل سفرياتي ارتب اموري بحيث يكون السهر يوم واحد في الاسبوع او في سكني فقط

الاخوان اللي لهم تجارب سكن انا شخص واحد فقط ممكن يجيني ضيف يوم يومين فقط والباقي لوحدي لا ازعاج ولا شي ياليت اللي له تجربه يفيدني لى على الخاص ولا له الا السمعه الطيبه

اسكن بمنتجع بمراكش و مادام عندك مدة طويلة فالاكيد السعر بيكون أقل ، وبالنسبة لأغادير فأقصى شي 6 أيام و بيجيك ملل ، و اغادير ونواحيها لا تصلح للسياحة كيف ما تظن ، السياحة حسب الذوق ( لو تمشيات و مافي اي سهر ، عليك بالشمال ) ولو سياحة و سهر عليك بمراكش ، و التحذيرات اللي جاتك أهم تحذير هو الشقق الخاصة لا تسكنها ( عليك بمنتجع وانت مرتاح )

و تنصحون منتجع ممتاز سعره مناسب امان بمراكش

الروز غاردن ، منتجع سكرة بيش ،