تجربتي من اول يوم 26/6/2019

نكمل لكم
في فتره بسيطه احس اقدر اقول فهمت الوضع هنا بخصوص دف الفلوس والخ..
الناس تطلبك بادب وتواضع انت رد بادب وتواضع وعطه دعوه حلو وسو نفسك مو فاهم، عند الاستقبال في المطار قال لي الموظف اللي يجي اول مره ما يكرم ابتسمت وقلت ياليت بس فيزا معي قال فلوس سعودية اي شي الصراحه ماكان ودي اعطيه بس كانت تقريبا 20 ريال وعطيته مو عشان شي ولا خوف من شي بس عطيته برغبه مني شخصيه واقدر ما اعطيه.
والناس مره متواضعه بكل صراحه ولو طلبك طلبك بادب واحترام ولايسب او يسوي لك مشكله اذا ما اعطيته ولكن خل في بالك كلهم راح يلمحون لك وبعضهم بيصارحك انت رد باحترام وعطه دعوه طيبه وامش
المهم
سهرنا في كاش وكانت طاوله موقع حلو جنب البست 3 كراسي ب 2000 ، ولك 20 طلب او بطل

لبسنا وتجهزنا ولقينا واحد من ربعنا في الروز متكي على المسبح وعزمناه قلنا لا تدفع ولاشي تعال انبسط بس وطلع معنا.

قابلنا تفتيش وقفنا قال عطني الرخصه عطيته حقت السياره قال رخصتك انت اعطيته قال اجي معي اخويا
اخذ دفتر المخالفات وقال خويك ورا مو لابس الحزام وهذي مخالفه فهمت الموضوع وانا اتكلم معه نزل ذيبان قال خير؟ قال مو رابط الحزام قال لا رابطه وخش في عيونهم المهم يبي فلوس قلت معصي محد يعطيه شي المهم الموضوع ما اخذ دقيقتين ولا اعطيناهم شي ومشينا رحنا للكاش واحنا راجعين نفسهم هههه وقفنا قال انتوا الاولين ويضحك ضحكنا معه ومشينا

تقييمي للكاش من وجهة نظري انا شخص انتهيت من المراقص واجوائها مو غريبه علي ولكن مع خوينا مانقول لا ودام مستانسين تمام، ولكن بداية تجربة المغرب شعور ماحسيت به من قبل (حلو)
الجو مغيم من جينا امس وهوى نقي
انتظر ايام خويي تعدي لان يبي ينبسط الرجال ماعنده الا 6 ايام عشان اروح اكادير او طنجه للحين ماقررت.

الكهرباء رجع بالروز اليوم الساعه 12 بالروز والسبب كان حريق باول الطريق لاعمدة كهرباء وقطع على جزء كبير من مراكش يعني مو بيد الروز

احب اشكر اخوي محمود اللي بالمنتدى قمة الرجولة والمصداقية وافضل تعامل
وماعنده لف ولا دوران ويخدمك باي شي تبيه واسعار مناسبه

محد يفتش شنطتك يعني يفتحها ولا جيبك من تدخل المغرب ولكن افضل شي خذلك شنطه قماش حلوه تجي على على الكتف وحطها على كرشتك وحط فلوسك فيها وجولاتك وحاول عند الصرف تكون العملة 200 درهم وخذ سند تحويل العمله من اللي بتحول منه ضروري

وانا شخصيا قريت كلام هنا يخوف عند الدخول للمغرب بمبلغ اكثر من 2000 درهم
يقولك ان نظامهم يصادر الفلوس
انا اقولك حول اذا المبلغ كبير يعني 30 مثلا تفرق

ولكني خاطرت كثير والصراحة اخترقت تحذيرات كثير في المنتدى منها اشياء فعلا صحيحه ونصائح تمنيت اخذت بها ولكن الذيب يمشي الامور وياخذ دروس ومايكرر الغلط

الله يسلمك نواره الحلوه

تعديل
الريال = 2.53

الان مريت بافيل
وقال لي 2.50

وبصراحة هونت
لان الفرق مو ذاك الزود
وحظي مقرود اعرفه
بااطيح في طحش مايخاف ربه
ولا يرتشي ولا يبتسم
وبااعصب وافصل عليه وتصير هوشة
وادخل السجن

بااصرف من عندهم

فعلا مو ذاك الزود 2.50

طمن بالك اصرف من المغرب

موضوع الصرف افضل اذا انت ماسك صح عالفلوس طبقه والا اصرف من المغرب تجربتي
كنت في جده جايها طيران دق علي واحد قل الصرف في مكه 2.63 قلت طيب قال انا جاي خط من الرياض اصرف وعمره وانت ترجع معي خط وانا عندي حجز عوده طيران قلت ماشي وانا اكرهه الخطوط الزبده صرفنا كل فلوسنا وطلع افضل من مطار المغرب والزود كان حوالي 4800 درهم الزبده وصلنا للمغرب الرجال راهي في القهاوي والمطاعم والسهر بخشيشه 200 درهم ماكملنا 5 ايام الا خالصه ومن بعدها كرهت سالفة صرف افضل

متابع بصمت

يتبع
بقول الاشياء اللي تهم
اليوم الثاني كلمت الاخ محمود بحجز طاوله في الكي راح وجاب لنا طاوله 4 كراسي وجاني للروز واعطاني التكت وحاسبته
لقينا واحد رابع وتعرفنا عليه وقلنا معنا طاوله في الكي وحياك الله صارت الطاوله بيننا ووصلنا
الدي جي حلو جداً الجو حلو

وقفنا الدرك وحنا طالعين كانوا محترمين شوفوا اوراقنا سليمه ووضعنا اوك مشونا وخوينا الاول هذاك دايم يهددهم باسم شخص مسؤول بطريقه غير مباشره ونشوفهم يهدون ههههه المهم كان عادي الوضع ومشينا هذا يومنا الثاني

حمستنا لي 6 سنوات انقطاع عن المغرب