التعتيم على قانون ايجار السيارات
 

يا جماعة الخير مهما بحثت ولفيت ما قدرت الاقي اجابات واضحة هل التأمين شامل وكم المساهمة لكل حادث ... لف ودوران وعدم وضوح عندنا ضد الغير معناه اذا انا ما غلطان معناه الطرف الغلطان يتحمل سيارتي وما علي اي مساهمة اما اذا ضد الغير وانا الغلطان معناه انا اساهم بمبلغ بسيط مثل 500 ريال سعودي والتأمين يتحمل سيارة الطرف الثاني وسيارتي انا اتكفل بيها اما الشامل معناه اذا انا غلطان اساهم بمبلغ بسيط والتأمين يتحمل الطرف الثاني ويتحمل كمان سيارتي

ليش المغرب ما تلاقي اجابة ابدا وقبل تكتري الجميع يسهل لك الامر وانه شامل وووووو واخرتها فين هاي القوانين بتاعة الشامل مكتوبة فين العقد الواضح والمطمأن

فية موضوع فالمنتدئ جواب لكل أسألتك
و بالتفصيل الممل ،،

وبحكم التجربة العملية
لما أستأجر سيارة في المغرب، اوقع مرتين، مرة على عقد التأجير، ومرة على عقد التأمين.
علماً أن أول مرة أجرت فيها في المغرب كانت نسبة التحمل في حال وقوع الخطأ علي 15٪، وبعد كذا تعاملت مع واحد ولي معه حول الثلاث سنين ونسبة التحمل في حال وقوع الخطأ علي 5٪.

نستنتج مما سبق إنك لازم عند الإستئجار توقع على عقد التأمين ويكون مكتوب فيه نسبة التحمل بالصريح.

طيب النسبه من ايش ؟ من مبلغ السياره ؟ ولا تكلفه الحادث ؟

الحمدلله ما عمره صار علي حادث
لكن سؤالك جميل، وسبق طرحته على شركة التأجير، النسبة من قيمة السيارة.

مافيه اي تعتيم هم بلشانين بعمارهم ولا لاقين حل

خلاصك ونجاتك في الالتزام بقوانين المرور في حال قررت تحمل مسؤولية القيادة بنفسك.

عادة الخطأ من السواق يحصل عند مخالفة للنظام مثل القيادة تحت تأثير الكحول أو السرعة أو التجاوز الخاطئ وغيرها . اما شخص ملتزم بالنظام ومركز في السواقه نادر جدا يقع الخطأ منه.

لاتشغل نفسك بالتأمين ... احرص على سلامتك الشخصية اولا.

واحد مأمن تأمين شامل ويمشي طبلون السيارة،،، وش بيفيده التأمين اذا مات أو أصيب باعاقه دائمة؟!

سلام

مافيه لا تعتيم ولا يحزنون الموضوع توقع عقد التامين وتعرف نسبه التحمل والاهم ان السيارة تكون ملك للمكتب الي مؤجر منه ماهو وسيط