الطيران المصري

نصيحة اذا الفرق من الف ريال وتحت شوف طيران سعودي

جربتها أكثر من مرة

ميزاتها السعر المناسب والتوقيت المناسب
الشناط الحمدالله ما صار فيها اي شي من ناحية التأخير أو الضياع أو سرقة الاشياء


عيبها الطائرات قديمة
حاول تاخذ اميرجنسي سيت واسع
بالنسبة للبيزنس جربته أكثر من مرة وأبد ما يسوى
ومطار القاهرة لك عليه حتى اللاونجز ما تسوى وأقل من بدائية


لكن بصففة عامة غالبا راح أستخدم الخطوط المصرية في الرحلات القادمة بسبب التوقيت والسعر

انا تو راجع من المغرب سافرت على الخطوط المصريه اول مره
ترانزيت القاهره

وصلت كازا بتاريخ 18/6
ووصلت شنطتي بتاريخ 28/6
عشره ايام ضايعه بين المطارات
غلطتي ماسويت محظر وقت الوصول كان زحمه على كونتر الامتعة وقلت ارجع بكره
ومن بكره رحت لهم ورفضوا يسوون لي محظر
وصرت انتظر اتصالهم واتصال موظفين دورت معهم ابي يهتمون وعطوني ارقامهم
الزبده ماجت الا بعد 10 ايام اتصلوا علي وكنت بمراكش وباقي يومين وارجع
قلت خلوها عندكم
وفعلا جيت المطار لرحلة العودة اخذت الشنطة من عندهم بتغليفها ورجعت السعوديه
الحجز كان بفيزا سيجنيتشر عليه تأمين سفر ومن ضمنه تقريبا 42 دولار لكل ساعه تأخير
الان وصلت من يومين وراسلت شركة التأمين وشركة الفيزا ومصر للطيران لانه بموقعهم يقدموا تعويض لفقد او التأخير الامتعه

الحمدلله على سلامتك وهذا اللي خايف منه يبدو انها على الخطوط السعوديه وامرنا لله نتحمل ترانزيت جدة

مشكورين ي اخوان ..

تراها توافيق المساله من شخص لاخر

محسوبك سافر على المصريه 5 مرات ولا مره ضيعت شي واموري بالسليم منها انتظار القاهره اكثر من 12 ساعه

روح باذن الله والتوفيق من ربك

تحديث يا اخوان على شان كل من يشوف الموضوع يستفيد اليوم احد المشاهير اتابعه بالسناب سافر على الخطوط المصريه ورجع للسعوديه واسبوعين شنطته ماوصلت معه

بالنسبه لي حصلت حجزت ع السعوديه ومابي تصير رحلتي ع اعصابي يوصل عفشي ولا مايوصل ..

طيران جميل جربته قبل سنة