قريبا سأكون في جورجيا مطلوب مساعده
 

قريبا عندي رحله سياحية لجورجيا لمدة عشرة ايام مطلوب رقم سائق جورجي يعرف انجليزي او مكتب سياحي يمشي اموري من سكن ومواصلات وشكرا لجميع المزاعيط

كنت اقدر اقرا مشاركتك وامشي بدون تعليق ، لكن نصيحة ليش سائق ومكتب سياحي يمشي امورك واحنا بزمن التقنية .

عندك تطبيق Bolt هذا للمواصلات حمله ومشاويرك بتكون رخيصه معه مره .

السكن عندك بوكنق وغيره برامج كثيرة ادخل وشف التقييم واحجز .

اما وين تروح وتمشي والمقاهي والمطاعم عندك تطبيق ترب ادفايزر وهذا فيه كل شي من مقاهي ومطاعم ومعالم المدينة الخ .

بخصوص التواصل عندك برنامج الترجمه من قوقل او الثاني حق مايكروسوفت يغنيك .

تخيل ٣ او ٤ برامج سهلة الاستخدام تغنيك عن الكثير ، وتعطيك خيارات عن كل شي ، حتى ابناء البلد احيانا مايعرفونها والله ، اضافة الى انك بتوفر مبلغ محترم عكس لو كان معك سائق خاص وقعد يسمسر عليك ويوديك محلات اي كلام بقدر التربح منك لا اكثر .
ختاما ضروري تقرأ تجارب اللي سافروا لجورجيا ونصايحهم عشان تتجنب محلات النصب وتاخذ فكره كامله عن البلد اكتب بس السفر لجورجيا وشوف تجارب الناس وشوف اليوتيوب بعد ..
تتعب كم ساعه في البحث والقراءه افضل من انك تعتمد على شخص حتى لو كان ثقه لانه بيستنزف ميزانيك على شي مايستاهل والله .

بارك الله فيك، اتمنى الكل يستخدم الامور هذي

كلام يكتب بماء الذهب ملينا من السمسره والنصب والسبب نبي كل جاهز مانبي نتعب