عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


Like Tree7Likes

إضافة رد
مزعوط مبتدء
المشاركات: 31
تاريخ التسجيل: May 2019
y666 غير متواجد حالياً  
قديم 2019-07-16, 08:41 PM
  المشاركه #1
تقرير بسيط عن رحلتنا : كازا - شفشاون - طنجة بتاريخ 4/7/2019

السلام عليكم ورحمة الله وبركاته
اولاً : هذا اول موضوع انزله ف المنتدي ، واتمني إن يحوز ع ذائقتكم.

ثانياً : الهدف من السفرة للنقاهه والراحة بعيداً عن ضغوط العمل والحياة ، ف كان الهدف رحلة ومتعة ف حدود المعقول ، بدون خساير تجعلك عند العودة تضرب كف بكف والندم اكلك ، ولايوجد مانع بخفظ التكاليف إن حصل مع المحافظة ع جودة السكن.

ثالثاً : البرامج المستخدمة : للخرائط : قوقل ماب + قو هير + WAZE ، للاماكن السياحية : ترب ادفيسر ، للسكن Airbnb + معارف قديمة

رابعاً :

الطيران كان عن طريق الخطوط الخليجية ، التذكرة ب 2320 ريال ، وخط سيرها من المنامة ع كازا بس توقف ب ملقا للمدة ساعة ، والرجوع دايركت كازا المنامة طبعاً ما خلونا ننزل من الطيارة ، و ع كازا (ملاحظة : ف الطيارة شفت تصرفات غريبة وهمجية وكمية وصاخة مهولة ، انا متاكد لو ان التصرفات كانت من خليجين او من سعوديين لا نعتونا بالوصخين والبدو وعالم همج بس عندهم كنز النفط ومن الكلام هذا ، وجهه نظر شخصية)

الجوازات فاتحين كاونترات ع اليسار واليمين القديمة كلها شغالة مع الجديدة (وقت الوصول 6:30 صباحاً)، يعني عدد ممتاز للشبابيك ، الخدمة سريعة وسلسة ، لما وصلت شاف الجواز ، ورمي الكرت ع جنب وقعد يعبي البيانات بالكمبيوتر ، وختم الجواز ونزلة عندة ، انا اشوفة ومبعد عن الكاونتر ومعطيعها وضعية اللي ما يعرف شي ، شوي حط الجواز ع الكاونتر وطلب بكل هدوء وابتسامه اكرامية ، قلت ما معي واخذت جوازي ومشيت وانا ف حالة صدمة مع السرعة والسلاسة ، خويي ع الكاونتر بس بعيد عني ، مسك جوازة وقالة عطني اكرامية ورفض ، قال راح احولك هناك ويشار له ع مكان بعيد وقال راح اخليك تتاخر ، ومد له بالجواز 100 درهم ومشينا ، طبعا متغير المطار والموظفين نفسيتهم حلوة ، واللي تحت احسن ، ما اخذنا وقت بسرعة الاجراءات خلصت.

الخطة كانت 2 ليلتين كازا ، 2 ليلتين شفشاون ، 3 ليالي طنجة ، 2 ليلتين كازا ، وعلى الطيارة.

الشريحة المرة هذي غيرت انوي واخذت اتصالات المغرب لاني ماشي الشمال وتوقعت ان الابراج بتكون احسن ، بس مع الآسف مافية فرق. اخذتها ببلاش وعبيتها من البقالة جنب الوفا كاش ب 150 درهم 10 جيجا و 500 دقيقة مكالمات.


السيارة لقيتها برا ، طبعاً تم التنسيق مع الاخ ابو مالك الشمري (كل الشكر له والترتيب المميز والسيارة النظيفة) ، لقيت السواق جاهز برا بالسيارة واعطاني ايها ومشيت ، طبعاً الوقت وجهازية الاوراق تفرق ، والعادة اللي كنت اعاني منها بالمطار انهم يعطونك سيارة شوي وتطفي ، والحمدلله لقينا السيارة معبية.

(ملاحظة ووجهه نظر شخصية : لقينا العقد واوراق السيارة من استمارة وتامين ومدري ايش جاهزة ، هذي تختصر وقت عليك خاصة انك جاي تعبان من السفر وساد نفسك المطار ، السيارة مغسلة ونظيفة من داخل وبرا ، السيارة ممشاها قليل وتعطيك جو ع الفلوس اللي معطيها، طبعاً انا تفرق معاي لاني بمشي للشمال وراجع تقريباً مسافة طويلة ، وتحتاج شيء مرتب ، تاكد من الكفرات وماء السيارة للحرص خاصة اللي مثلي بيمشي مسافات طويلة ، طبعاً هذي ملاحظة شخصية بس ذكرتها للفائدة )

والشكر موصول للاخ ابو مالك وعبدو. طبعاً السيارة رنج ايفوك ب 800 درهم لـ 8 ايام ، نسيت لا اقولكم ابو مالك فكني من سالفة ارهن جوزاك ولا تامين فلوس والافلام حقت محلات الايجار.

السكن ف كازا ، سكنا عن طريق معرفة قديمة بالمعاريف ، ليلتين ، كل ليلة ب 1400 درهم ، شقة صالون ومطبخ وثلاث غرف وحمامين ، مع الشغالة. جيدة.

سويت مساج وحمام مغربي ف انفا ستايل ، يطلع ف قوقول ماب بـ 400 درهم ، الحمام جبار ، بس المساج يعني مو ذاك الزود ، بس الاهم اخذت وقت وهي تمسج هههه.

الشيشة شيشنا بمقهي Boss ، قريب مسجد حسن الثاني ، يفتح ع الكورنيش ، ومرتب وزين ، بس الاسعار مبالغ فيها جداً ، الشيشة التفاحتين ب 100 درهم و ومكس فروت اللي يسمونه LOVE ب 150 درهم ، والنص نص ب 30 درهم ههههههه ، بس الشيشة كايفففففففة من الاخر ، طبعاً جوة رايق ، كلن يجي يشيش ويمشي ، بالليل يصير شوي موسيقي واغاني وزحمة.

الجو رايق جداً ب كازا وبالليل بارد وهواء يرد الروح ، سبحان الخالق. (الجميع من يمر من جنبا يسلم علينا ويقول انتم خليجين نقول نعم ، يقول خل جوالك بجيبك ولا تطلع فلوسك ، الجميع كان يحذرنا ب كازا من سالفة نشل الجوال).

بالنسبة للمطاعم اي مطعم يجوز لنا شكلة نوقف وناكل فية.

بعدها مشينا شفشاون ، الطريق إلى شفشاون تقريباً 5 ساعات ، ساعتين مع الطريق السيار ، وبعدها فرقنا ع طريق ثاني ، فرعي خط واحد ، يمر بمزارع كثيرة وقري ، متعب وممل للسواق والمعاون مبسوط ، لان فية باصات متتكررة الوقف من غير الحراثات اللي ما تعدي 10 او 15 كم بساعة ، بس مناظر ومزراع رائعة.

الوصول للـ شفشاون بعد 5 ساعات بالسيارة ، البلدة صغيرة وكلهم يعرفون بعض ويعرفون انك جديد ع الديرة هههههه ، وتلقي برا السمسارة بمفاتيحهم ع الطريق يعرضون عليك الشقق ، البلدة صغيرة والمعروض للسكن مقبول نوعاً ما ، بس رخيص ويعتمد ع قوة التفاوض معاهم ، اخذنا استوديو كل واحد ب 300 لليلة ، مقبول نوعا ما ، لان الديرة اصلاً بسيطة

التجمع والمحلات والمطاعم اغلبها ب الساحة اللي عند القصبة ، الديرة باردة وجوها حلو ، بس الظهر شوي حر ، القصبة ومحيطها من مطاعم وبازرات رائعة جدا ، رخيصة ، الجمال بكل مكان منتشر ، اغلب السياح اوربين وكوريين ، بس حنا ممكن اللي شعورنا سود ، الشقار والعيون العسيلة بكل مكان ،

فيها القصبة والساحة ، وشلالات اقشور طبعاً فيها مشي ساعة او ساعتين ، وبدايتها فيه بركة مع سد و مطاعم ومحلات صغيرة ، الديرة هادية وبسيطة ، لمن يرغب التمشي والهواء العليل ، والهدوء ، تراثية وقديمة ، ورايقة ،

جلسنا يومين وتوجهنا طنجة ، الطريق من شفشاون إلى طنجة متعة ومناظر وجمااااال جبار ، الطريق تقريبا 5 ساعات او 4 ساعات ،
ف طنجة اجرنا في العمارة اللي فيها مقهي اسطنبول ، الليلة بـ 1200 درهم.

تحت في مقاهي 3 ثلاثة ، شيشنا في مقهي لولوة الشمال ، اغلبه خليجين ، تعشينا بمطعم wood مقابل مقهي اسطنبول ، الاسعار مبالغ فيها ولا يستاهل.

طلعنا لـ منتزة الرميلات ، و شاطيء اشقار ، ومنارة سبارطيل ،
طبعاً رحنا من طريق الكورنيش ، مناظر ولا اروع ، شيء جبار ، وقفنا عند الرميلات إلا فيه نزول للغابة تحت ومشينا ،

الطريق واحد إلى الالتقاء البحر المتوسط بالمحيط ، بعدين تفرق يمين للمنارة سبارطيل ، ويسار للشاطيء اشقار ، كلها قريبة من بعض و ع طريق واحد.

وبعدها رجعنا كازا يومين قبل الرحلة.

ملاحظات : وقفنا الدرك ثلاث مرات وحنا رايحين الشمال ، 2 منها كان معاه حق ، والثالثة اخذنا بالسوالف ولا درينا وش المخالفة ، جميعهم كان طيبين وقابلين للتفاوض ، ومالهم دخل باللي معاك بالسيارة ، بس وجيههم سمحة وطريقة تفاوضهم لطيفة.


السكن لا تنخدع فيه ، لان الكلام غير والواقع غير ، والسعر المعطي غير وبعد التفاوض الجاد غير.

لا تتعلق بشيء محدد (وحط تحتها خطين) وجرب كل شيء ، ف البلد جميل وما تكتشفة اجمل ، ولكن يبقي للبداية ذكري لاتنسي ،
سواء مكان او شخص. ولا يخدعونك بمسالة الامان ، البلد احترم تحترم وانت ماشي ، محد له دخل باحد.

الافضل للي يشيش ياخذ شيشته معاه ، حنا كان افضل قرار اننا اخذنها معانا.

انتبه للسيارة اوراقها كاملة ، اللي يبي يمسك خط مثلي ويطلع برا كازا يتاكد من الكفرات + موية السيارة + لفة ع السيارة ما تاخذ دقايق

اخذت معي بندول وعلاج مغص وحاجات خفيفة تكفيك عن لفة ع الصيدليات

بالنسبة للشاطيء اشقار : هم 3 ثلاثة جنب بعض الاول مدري وش اسمه ، المساحة الرملية بين المواقف والشاطيء بعيدة ،
بعدين يجيك بن قاسم ، وهو اللي جلسنا فية ، المواقف جنب الشاطيء ، ومجهز بممر من المواقف للشاطيء ، دورات مياة ونظيفة ، الالعاب بسيطة للاطفال ، باعة متجولين بقالة صغيرة. والثالث اللي هو اشقار ، مواقف وتنزل درج طويل لتحت من المواقف.

محطة القطار ف طنجة: جبارة وفخمة وتنزلك امام المول ، جميع الخدمات والفنادق والشاطيء قريب منك ، لمن لا يرغب بأستجار سيارة ، كل ساعة رحلة للكازا.

خلك ذو خلق حسن تملك العساس والسمسار والمالك ، وخلك ع حسن التعامل حتى النهاية.

امتلك حسن الخلق والتفاوض تملك الجميع.

لا تعطي احد اكبر من حجمة، سواء سمسار ، او صديق ، الامور اقل من بسيطة وابسط مما تتصور.

اي تصرف ما يعجبك من صديق او صاحب مطعم او ماركت ع طول وووقفه (ولا تجامل ع حساب راحتك او فلوسك) ف الشعب بسيط ويحترم خصوصيتك وعدم راحتك.


‏هذي رحلتنا بشكل بسيط ، اتمني اني ما طولت عليكم ، بالنسبة للملاحظات من وجهه نظر شخصية قابلة للصواب وللخطاْ.

ودمتم بود.
رد مع اقتباس
مزعوط جديد
المشاركات: 7
تاريخ التسجيل: Jul 2019
hgvhdrd غير متواجد حالياً  
قديم 2019-07-16, 11:09 PM
  المشاركه #2
بيض الله وجهك تقرير واضح وشافي ، ونصايح توزن بالذهب ( لا تعطي احد اكبر من حجمه ) وين بعض الشباب يفهم ويدرك هذي النصيحه .
عيالنا ع بالهم اصادق واصاحب كل احد من السمسار الى الي بالديسكو ...
رد مع اقتباس
 الصورة الرمزية انت النظر
مزعوط قدير
المشاركات: 161
تاريخ التسجيل: Jul 2013
انت النظر غير متواجد حالياً  
قديم 2019-07-17, 01:39 PM
  المشاركه #3
يعطيك العافيه اختصرت الكثير عن الشمال وطنجة وشواطيء اشقار جدا رووعه
ويكفي الطريق لها من جهة الرميلات

الحمدلله ع سلامتك
رد مع اقتباس
مزعوط مبتدء
المشاركات: 31
تاريخ التسجيل: May 2019
y666 غير متواجد حالياً  
قديم 2019-07-17, 04:16 PM
  المشاركه #4
اقتباس:
المشاركة الأصلية كتبت بواسطة انت النظر مشاهدة المشاركة
يعطيك العافيه اختصرت الكثير عن الشمال وطنجة وشواطيء اشقار جدا رووعه
ويكفي الطريق لها من جهة الرميلات

الحمدلله ع سلامتك
الله يسلمك ي غالي ،

نسيت لا اذكر فاتحين نهاية شاطيء طنجة ( من جهة السوق القديم ) طنجة مارينا ، ممتد داخل البحر ، ممر طويل مرصوف ومرتب وفخم ، نهايته فيه مطاعم وكافيهات ، منها بول وكذا كوفي مرتب ، شيء فاتح وشيء تحت التجهيز ، جلست فيها الصباح بدري ، جلسات شيء داخلي وشيء كراسي برا ع البحر ، الهواء عليل ومايل للبرودة ، شيء جبار ، وخدمتهم لطيفة ، لله درهم اهله الشمال ما اجملهم.
رد مع اقتباس
مزعوط مبتدء
المشاركات: 31
تاريخ التسجيل: May 2019
y666 غير متواجد حالياً  
قديم 2019-07-17, 04:17 PM
  المشاركه #5
اقتباس:
المشاركة الأصلية كتبت بواسطة hgvhdrd مشاهدة المشاركة
بيض الله وجهك تقرير واضح وشافي ، ونصايح توزن بالذهب ( لا تعطي احد اكبر من حجمه ) وين بعض الشباب يفهم ويدرك هذي النصيحه .
عيالنا ع بالهم اصادق واصاحب كل احد من السمسار الى الي بالديسكو ...
وجهك ابيض يابعدي
رد مع اقتباس
مزعوط مبتدء
المشاركات: 31
تاريخ التسجيل: May 2019
y666 غير متواجد حالياً  
قديم 2019-07-18, 08:29 PM
  المشاركه #6
اقتباس:
المشاركة الأصلية كتبت بواسطة y666 مشاهدة المشاركة
السلام عليكم ورحمة الله وبركاته
اولاً : هذا اول موضوع انزله ف المنتدي ، واتمني إن يحوز ع ذائقتكم.

ثانياً : الهدف من السفرة للنقاهه والراحة بعيداً عن ضغوط العمل والحياة ، ف كان الهدف رحلة ومتعة ف حدود المعقول ، بدون خساير تجعلك عند العودة تضرب كف بكف والندم اكلك ، ولايوجد مانع بخفظ التكاليف إن حصل مع المحافظة ع جودة السكن.

ثالثاً : البرامج المستخدمة : للخرائط : قوقل ماب + قو هير + WAZE ، للاماكن السياحية : ترب ادفيسر ، للسكن Airbnb + معارف قديمة

رابعاً :

الطيران كان عن طريق الخطوط الخليجية ، التذكرة ب 2320 ريال ، وخط سيرها من المنامة ع كازا بس توقف ب ملقا للمدة ساعة ، والرجوع دايركت كازا المنامة طبعاً ما خلونا ننزل من الطيارة ، و ع كازا (ملاحظة : ف الطيارة شفت تصرفات غريبة وهمجية وكمية وصاخة مهولة ، انا متاكد لو ان التصرفات كانت من خليجين او من سعوديين لا نعتونا بالوصخين والبدو وعالم همج بس عندهم كنز النفط ومن الكلام هذا ، وجهه نظر شخصية)

الجوازات فاتحين كاونترات ع اليسار واليمين القديمة كلها شغالة مع الجديدة (وقت الوصول 6:30 صباحاً)، يعني عدد ممتاز للشبابيك ، الخدمة سريعة وسلسة ، لما وصلت شاف الجواز ، ورمي الكرت ع جنب وقعد يعبي البيانات بالكمبيوتر ، وختم الجواز ونزلة عندة ، انا اشوفة ومبعد عن الكاونتر ومعطيعها وضعية اللي ما يعرف شي ، شوي حط الجواز ع الكاونتر وطلب بكل هدوء وابتسامه اكرامية ، قلت ما معي واخذت جوازي ومشيت وانا ف حالة صدمة مع السرعة والسلاسة ، خويي ع الكاونتر بس بعيد عني ، مسك جوازة وقالة عطني اكرامية ورفض ، قال راح احولك هناك ويشار له ع مكان بعيد وقال راح اخليك تتاخر ، ومد له بالجواز 100 درهم ومشينا ، طبعا متغير المطار والموظفين نفسيتهم حلوة ، واللي تحت احسن ، ما اخذنا وقت بسرعة الاجراءات خلصت.

الخطة كانت 2 ليلتين كازا ، 2 ليلتين شفشاون ، 3 ليالي طنجة ، 2 ليلتين كازا ، وعلى الطيارة.

الشريحة المرة هذي غيرت انوي واخذت اتصالات المغرب لاني ماشي الشمال وتوقعت ان الابراج بتكون احسن ، بس مع الآسف مافية فرق. اخذتها ببلاش وعبيتها من البقالة جنب الوفا كاش ب 150 درهم 10 جيجا و 500 دقيقة مكالمات.


السيارة لقيتها برا ، طبعاً تم التنسيق مع الاخ ابو مالك الشمري (كل الشكر له والترتيب المميز والسيارة النظيفة) ، لقيت السواق جاهز برا بالسيارة واعطاني ايها ومشيت ، طبعاً الوقت وجهازية الاوراق تفرق ، والعادة اللي كنت اعاني منها بالمطار انهم يعطونك سيارة شوي وتطفي ، والحمدلله لقينا السيارة معبية.

(ملاحظة ووجهه نظر شخصية : لقينا العقد واوراق السيارة من استمارة وتامين ومدري ايش جاهزة ، هذي تختصر وقت عليك خاصة انك جاي تعبان من السفر وساد نفسك المطار ، السيارة مغسلة ونظيفة من داخل وبرا ، السيارة ممشاها قليل وتعطيك جو ع الفلوس اللي معطيها، طبعاً انا تفرق معاي لاني بمشي للشمال وراجع تقريباً مسافة طويلة ، وتحتاج شيء مرتب ، تاكد من الكفرات وماء السيارة للحرص خاصة اللي مثلي بيمشي مسافات طويلة ، طبعاً هذي ملاحظة شخصية بس ذكرتها للفائدة )

والشكر موصول للاخ ابو مالك وعبدو. طبعاً السيارة رنج ايفوك ب 800 درهم لـ 8 ايام ، نسيت لا اقولكم ابو مالك فكني من سالفة ارهن جوزاك ولا تامين فلوس والافلام حقت محلات الايجار.

السكن ف كازا ، سكنا عن طريق معرفة قديمة بالمعاريف ، ليلتين ، كل ليلة ب 1400 درهم ، شقة صالون ومطبخ وثلاث غرف وحمامين ، مع الشغالة. جيدة.

سويت مساج وحمام مغربي ف انفا ستايل ، يطلع ف قوقول ماب بـ 400 درهم ، الحمام جبار ، بس المساج يعني مو ذاك الزود ، بس الاهم اخذت وقت وهي تمسج هههه.

الشيشة شيشنا بمقهي Boss ، قريب مسجد حسن الثاني ، يفتح ع الكورنيش ، ومرتب وزين ، بس الاسعار مبالغ فيها جداً ، الشيشة التفاحتين ب 100 درهم و ومكس فروت اللي يسمونه LOVE ب 150 درهم ، والنص نص ب 30 درهم ههههههه ، بس الشيشة كايفففففففة من الاخر ، طبعاً جوة رايق ، كلن يجي يشيش ويمشي ، بالليل يصير شوي موسيقي واغاني وزحمة.

الجو رايق جداً ب كازا وبالليل بارد وهواء يرد الروح ، سبحان الخالق. (الجميع من يمر من جنبا يسلم علينا ويقول انتم خليجين نقول نعم ، يقول خل جوالك بجيبك ولا تطلع فلوسك ، الجميع كان يحذرنا ب كازا من سالفة نشل الجوال).

بالنسبة للمطاعم اي مطعم يجوز لنا شكلة نوقف وناكل فية.

بعدها مشينا شفشاون ، الطريق إلى شفشاون تقريباً 5 ساعات ، ساعتين مع الطريق السيار ، وبعدها فرقنا ع طريق ثاني ، فرعي خط واحد ، يمر بمزارع كثيرة وقري ، متعب وممل للسواق والمعاون مبسوط ، لان فية باصات متتكررة الوقف من غير الحراثات اللي ما تعدي 10 او 15 كم بساعة ، بس مناظر ومزراع رائعة.

الوصول للـ شفشاون بعد 5 ساعات بالسيارة ، البلدة صغيرة وكلهم يعرفون بعض ويعرفون انك جديد ع الديرة هههههه ، وتلقي برا السمسارة بمفاتيحهم ع الطريق يعرضون عليك الشقق ، البلدة صغيرة والمعروض للسكن مقبول نوعاً ما ، بس رخيص ويعتمد ع قوة التفاوض معاهم ، اخذنا استوديو كل واحد ب 300 لليلة ، مقبول نوعا ما ، لان الديرة اصلاً بسيطة

التجمع والمحلات والمطاعم اغلبها ب الساحة اللي عند القصبة ، الديرة باردة وجوها حلو ، بس الظهر شوي حر ، القصبة ومحيطها من مطاعم وبازرات رائعة جدا ، رخيصة ، الجمال بكل مكان منتشر ، اغلب السياح اوربين وكوريين ، بس حنا ممكن اللي شعورنا سود ، الشقار والعيون العسيلة بكل مكان ،

فيها القصبة والساحة ، وشلالات اقشور طبعاً فيها مشي ساعة او ساعتين ، وبدايتها فيه بركة مع سد و مطاعم ومحلات صغيرة ، الديرة هادية وبسيطة ، لمن يرغب التمشي والهواء العليل ، والهدوء ، تراثية وقديمة ، ورايقة ،

جلسنا يومين وتوجهنا طنجة ، الطريق من شفشاون إلى طنجة متعة ومناظر وجمااااال جبار ، الطريق تقريبا 5 ساعات او 4 ساعات ،
ف طنجة اجرنا في العمارة اللي فيها مقهي اسطنبول ، الليلة بـ 1200 درهم.

تحت في مقاهي 3 ثلاثة ، شيشنا في مقهي لولوة الشمال ، اغلبه خليجين ، تعشينا بمطعم wood مقابل مقهي اسطنبول ، الاسعار مبالغ فيها ولا يستاهل.

طلعنا لـ منتزة الرميلات ، و شاطيء اشقار ، ومنارة سبارطيل ،
طبعاً رحنا من طريق الكورنيش ، مناظر ولا اروع ، شيء جبار ، وقفنا عند الرميلات إلا فيه نزول للغابة تحت ومشينا ،

الطريق واحد إلى الالتقاء البحر المتوسط بالمحيط ، بعدين تفرق يمين للمنارة سبارطيل ، ويسار للشاطيء اشقار ، كلها قريبة من بعض و ع طريق واحد.

وبعدها رجعنا كازا يومين قبل الرحلة.

ملاحظات : وقفنا الدرك ثلاث مرات وحنا رايحين الشمال ، 2 منها كان معاه حق ، والثالثة اخذنا بالسوالف ولا درينا وش المخالفة ، جميعهم كان طيبين وقابلين للتفاوض ، ومالهم دخل باللي معاك بالسيارة ، بس وجيههم سمحة وطريقة تفاوضهم لطيفة.


السكن لا تنخدع فيه ، لان الكلام غير والواقع غير ، والسعر المعطي غير وبعد التفاوض الجاد غير.

لا تتعلق بشيء محدد (وحط تحتها خطين) وجرب كل شيء ، ف البلد جميل وما تكتشفة اجمل ، ولكن يبقي للبداية ذكري لاتنسي ،
سواء مكان او شخص. ولا يخدعونك بمسالة الامان ، البلد احترم تحترم وانت ماشي ، محد له دخل باحد.

الافضل للي يشيش ياخذ شيشته معاه ، حنا كان افضل قرار اننا اخذنها معانا.

انتبه للسيارة اوراقها كاملة ، اللي يبي يمسك خط مثلي ويطلع برا كازا يتاكد من الكفرات + موية السيارة + لفة ع السيارة ما تاخذ دقايق

اخذت معي بندول وعلاج مغص وحاجات خفيفة تكفيك عن لفة ع الصيدليات

بالنسبة للشاطيء اشقار : هم 3 ثلاثة جنب بعض الاول مدري وش اسمه ، المساحة الرملية بين المواقف والشاطيء بعيدة ،
بعدين يجيك بن قاسم ، وهو اللي جلسنا فية ، المواقف جنب الشاطيء ، ومجهز بممر من المواقف للشاطيء ، دورات مياة ونظيفة ، الالعاب بسيطة للاطفال ، باعة متجولين بقالة صغيرة. والثالث اللي هو اشقار ، مواقف وتنزل درج طويل لتحت من المواقف.

محطة القطار ف طنجة: جبارة وفخمة وتنزلك امام المول ، جميع الخدمات والفنادق والشاطيء قريب منك ، لمن لا يرغب بأستجار سيارة ، كل ساعة رحلة للكازا.

خلك ذو خلق حسن تملك العساس والسمسار والمالك ، وخلك ع حسن التعامل حتى النهاية.

امتلك حسن الخلق والتفاوض تملك الجميع.

لا تعطي احد اكبر من حجمة، سواء سمسار ، او صديق ، الامور اقل من بسيطة وابسط مما تتصور.

اي تصرف ما يعجبك من صديق او صاحب مطعم او ماركت ع طول وووقفه (ولا تجامل ع حساب راحتك او فلوسك) ف الشعب بسيط ويحترم خصوصيتك وعدم راحتك.


‏هذي رحلتنا بشكل بسيط ، اتمني اني ما طولت عليكم ، بالنسبة للملاحظات من وجهه نظر شخصية قابلة للصواب وللخطاْ.

ودمتم بود.
نسيت لا اذكر موقف حصل لي من موظفين المطار وقت المغادرة ، بس قريت موضوع ف المنتدي وتذكرته : اول ما تدخل المطار قال الموظف اللي عند الدخول ممنوع تاخذ معك اي شيء او فلوس مغربية وكلام واجد ، عمك اطرش عديت اغراضي جهاز الشحن ومشيت ،

شحني الاغراض واخذت البوردينق (طبعاً شحن الاغراض والبورنق مخلينه بصالة فوق مرتبه وجديدة وكاونترات كثيرة ، ولها 3 اصنصيرات كبار تطلعك من الدور الاول ) وخليت معاي انا وخوي شنطة ظهر لكل واحد ، ودخلنا الصالة الثانية حقت الجوازات ،

وقت المرور من جهاز الفحص ، قال واحد ممنوع تاخذو فلوس مغربية او مجوهرات او ...... وكلام كثير ، (بالنسبة لي كانت مخلي 200 درهم بالبوك للفطور) ، عدينا الجهاز ومشينا واخذت اغراضي ،

جينا للصالة الثانية حقت الجوازات ، طبعاً صافين سرا مرررة طويل ع الكاونتر حق الجوازات ، اغلب الطابور صينين و كوريين مع اوربين ، والسرا يمشي ، ف نص السرا طاولة صغيرة ع جنب وعليها عسكريين ، كل ما يمر واحد يشوفة جوازة والبوردنق ويمشية ، ولما وصلنا انا وخوي كانه مضيع كنز ولقاه هههههه ، اول ما قالي : هات الجواز والبوردنق واعطيته ، قال ترى ممنوع مصادرة الفلوس المغربية والمجوهرات وكلام فخم مرة ههههه ، قلت نعم مفهموم ، قال ورني الشنطة ، فتحها قعد يقلب ولقي علبة عطر فخمة ، قال هذا وش قلت عطر هدية ، ولسان حالة يقول ما تعطيني اياه هههه ، قال ترى ممنوع وقدام بيصادروة عليكم ، قلت لا خله ، قال وش بعد ، فتش مالقي شيء ، قال طلع اللي بجيبك ، طلعت اغراضي ، الا طرف 200 الزرقاء طالع مع جنب هههه ،

قال انا ما قلت معك فلوس وانت جاوبتني بـ لا ؟؟ وليش ما تحكي معاي الصدق ، وانت تدري ممنوع تطلع الفلوس المغربية خارج البلاد ، قلت هذي حقت الفطور وابي افطر ، كيف بتجلسني داخل بدون فطور ؟؟ قال لا بس انا اعلمك علشان قدام مايخذونها منك بس ، قلت شكراً لك ، جمعت اغراضي ومشيت ،

وسرا مرا طويل وبطيء ، واغلبة اسويين ، بس انا وخويي بنصهم وكم خليجي ، واطالع للطاولتهم ، ما اشوفهم يوقفون احد ،

طبعاً الكلام هذا ما اخذ الا دقايق ، ومشينا ، ولا عكرت جوي ولا شديت معه بالكلام ، والامور عال العال ، وجيننا للكاونتر الجوزات ، حط الكرت ع جنب و عبيء البيانات بالكمبيوتر ، ومشينا ،

ودمتم بود
رد مع اقتباس
مزعوط جديد
المشاركات: 19
تاريخ التسجيل: Aug 2014
Khalediv غير متواجد حالياً  
قديم 2019-07-20, 11:30 PM
  المشاركه #7
اقتباس:
المشاركة الأصلية كتبت بواسطة y666 مشاهدة المشاركة
نسيت لا اذكر موقف حصل لي من موظفين المطار وقت المغادرة ، بس قريت موضوع ف المنتدي وتذكرته : اول ما تدخل المطار قال الموظف اللي عند الدخول ممنوع تاخذ معك اي شيء او فلوس مغربية وكلام واجد ، عمك اطرش عديت اغراضي جهاز الشحن ومشيت ،

شحني الاغراض واخذت البوردينق (طبعاً شحن الاغراض والبورنق مخلينه بصالة فوق مرتبه وجديدة وكاونترات كثيرة ، ولها 3 اصنصيرات كبار تطلعك من الدور الاول ) وخليت معاي انا وخوي شنطة ظهر لكل واحد ، ودخلنا الصالة الثانية حقت الجوازات ،

وقت المرور من جهاز الفحص ، قال واحد ممنوع تاخذو فلوس مغربية او مجوهرات او ...... وكلام كثير ، (بالنسبة لي كانت مخلي 200 درهم بالبوك للفطور) ، عدينا الجهاز ومشينا واخذت اغراضي ،

جينا للصالة الثانية حقت الجوازات ، طبعاً صافين سرا مرررة طويل ع الكاونتر حق الجوازات ، اغلب الطابور صينين و كوريين مع اوربين ، والسرا يمشي ، ف نص السرا طاولة صغيرة ع جنب وعليها عسكريين ، كل ما يمر واحد يشوفة جوازة والبوردنق ويمشية ، ولما وصلنا انا وخوي كانه مضيع كنز ولقاه هههههه ، اول ما قالي : هات الجواز والبوردنق واعطيته ، قال ترى ممنوع مصادرة الفلوس المغربية والمجوهرات وكلام فخم مرة ههههه ، قلت نعم مفهموم ، قال ورني الشنطة ، فتحها قعد يقلب ولقي علبة عطر فخمة ، قال هذا وش قلت عطر هدية ، ولسان حالة يقول ما تعطيني اياه هههه ، قال ترى ممنوع وقدام بيصادروة عليكم ، قلت لا خله ، قال وش بعد ، فتش مالقي شيء ، قال طلع اللي بجيبك ، طلعت اغراضي ، الا طرف 200 الزرقاء طالع مع جنب هههه ،

قال انا ما قلت معك فلوس وانت جاوبتني بـ لا ؟؟ وليش ما تحكي معاي الصدق ، وانت تدري ممنوع تطلع الفلوس المغربية خارج البلاد ، قلت هذي حقت الفطور وابي افطر ، كيف بتجلسني داخل بدون فطور ؟؟ قال لا بس انا اعلمك علشان قدام مايخذونها منك بس ، قلت شكراً لك ، جمعت اغراضي ومشيت ،

وسرا مرا طويل وبطيء ، واغلبة اسويين ، بس انا وخويي بنصهم وكم خليجي ، واطالع للطاولتهم ، ما اشوفهم يوقفون احد ،

طبعاً الكلام هذا ما اخذ الا دقايق ، ومشينا ، ولا عكرت جوي ولا شديت معه بالكلام ، والامور عال العال ، وجيننا للكاونتر الجوزات ، حط الكرت ع جنب و عبيء البيانات بالكمبيوتر ، ومشينا ،

ودمتم بود
يا غالي الله يسعدلي قلبك على هالموضوع المختصر والمفيد جدا. اشكرك. انا ناوي اسافر طنجه لوحدي الاسبوع القادم و صراحه تعبت وانا ادور مثل هالموضوع. يمكن لان اغلب المواضيع صارت شوي قديمه بس الكل ماقصروا. المهم ارجوك لا تنسانا من اي موضوع تتذكره أو قصه صارت معك أو نصيحه تخص اماكن الوناسه و الاماكن الجميله اللي حول طنجه لو بتنصحنا
رد مع اقتباس
 الصورة الرمزية khalid_33
مزعوط فضي
المشاركات: 878
تاريخ التسجيل: Nov 2016
khalid_33 غير متواجد حالياً  
قديم 2019-07-21, 11:03 AM
  المشاركه #8
يعطيك العافية اخوي عالتقرير الرائع
رد مع اقتباس
مزعوط مبتدء
المشاركات: 31
تاريخ التسجيل: May 2019
y666 غير متواجد حالياً  
قديم 2019-07-21, 06:44 PM
  المشاركه #9
اقتباس:
المشاركة الأصلية كتبت بواسطة Khalediv مشاهدة المشاركة
يا غالي الله يسعدلي قلبك على هالموضوع المختصر والمفيد جدا. اشكرك. انا ناوي اسافر طنجه لوحدي الاسبوع القادم و صراحه تعبت وانا ادور مثل هالموضوع. يمكن لان اغلب المواضيع صارت شوي قديمه بس الكل ماقصروا. المهم ارجوك لا تنسانا من اي موضوع تتذكره أو قصه صارت معك أو نصيحه تخص اماكن الوناسه و الاماكن الجميله اللي حول طنجه لو بتنصحنا

ويسعد قلبك ، سفرة سعيدة ، وبالنسبة للنصايح ما اقدر اذكرك لك شيء محدد لانه يختلف ع جو الشخص ، والهدف من السفرة ، بس اقدر اقولك السفرة لحالك لها جوها ،

بالنسبة للطنجة يغلب عليها السياحة النهارية ، جوها اوربي ، ما احد لك دخل فيك ، (اصداقئنا واغراضنا) معانا طول الرحلة وما احد له دخل فيك ، وقفنا كم مرة الدرك (وكلها معهم حق) ، اسلوبهم لطيف ، وديين ، يطلبك بهدواة وقابل للمفاوضة ، طبعاً هذولا ع الطريق الخارجي ، داخل المدينه ما احد كلمنا (كنا ملتزمين بحزام الامان و السرعة المحددة)،

بالنسبة للسهر ، ما احب برا السكن واحس الوضع استغلال ، ف كنا ناخذ اغرضنا من كارفور ونسهر بالشقة ، فيه حولة كم مطعم وكوفي مرتبين لو حبيت ،

عندك هوزهير وان مسج ، تصادف تلقي فيه بس مو ع كل حال ، وعندك مقهي لولوة الشمال، المول ، اذا كنت من محبي التصييد ههههه ،

بس لله درهم اهل الشمال قابلين للتفاوض ورخصين وماهم طماعيين ،

اذا ما كنت ترغب بأستجار سيارة ، محطة القطار تنزلك بوسط المنطقة الحيوية ، كل شيء قريب منك ، وكل شيء تاصلة ، ممكن سبارطيل وهرقل واشقار ، تحتاج سيارة.

اذا كنت من محبي المناطق التراثية والشعبية وتحب الطبيعة ، عندك من طنجة إلى شفشاون او تطوان ، مجرد الطريق لحالة متعة طبيعة جبارة وتضاريس الطريق والمناطق اللي تمرها ويستحق التعب ،

طنجة رايقة وهادية وبسيطة واهلها وديين ، طبعاً كلامي لا ينطبق ع محبي السهرة لإن الاماكن محدودة ، (والاصدقاء ليست بوفرة كازا ومراكش) ،

إذا كانت رحلتك قصيرة ، اقتصر الرحلة ع منطقة وحدة وروق فيها.

إتمني إني افدتك ، طبعاً حط بالك اللي حصل معنا مو شرط يحصل معاك ، ظروف المكان والاشخاص قد تتغيير ،

ورحلة سعيدة وموفقة.
رد مع اقتباس
مزعوط مبتدء
المشاركات: 31
تاريخ التسجيل: May 2019
y666 غير متواجد حالياً  
قديم 2019-07-21, 06:45 PM
  المشاركه #10
اقتباس:
المشاركة الأصلية كتبت بواسطة khalid_33 مشاهدة المشاركة
يعطيك العافية اخوي عالتقرير الرائع
الله يعافيك يابعدي
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
تقرير سفرتي لمصر بتاريخ ٢٠١٨/٧/٦ Abofahad السفر والسياحه إلى مصر Egypt 33 2019-08-08 01:46 AM
تقرير سفرتي فبراير 2019 الرباط مشعلووه تقارير رحلات الاعضاء إلى المغرب 40 2019-07-22 06:21 PM
خريف شمـالي , تقرير مختصر عن ( طنجة , شفشاون , أصيلآ ) سلاوية الخاطر قسم التقارير المصورة و المميزة 136 2019-05-10 01:50 AM
تقرير رحلتنا إلى المغرب للمرة الاولى (وأتمنى ان لاتكون الاخيره) . isaudi تقارير رحلات الاعضاء إلى المغرب 23 2013-08-06 05:50 AM


الساعة الآن 06:53 PM



1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81