|
اللي رايح القاهرة انتبه من ...
سلام
الصراحة استغربت من بعض الأسئلة عن مصر وخاصة القاهرة وبما أني من رواد القاهرة من سنوات ماتعاملت بالدولار ابدا في مصر في الشراء أو بمحاسبة فندق أو شقة أو سائق وثانيا استغرب من اللي يقول مصر اسعارها غالية أكيد راح تكون غالية لأنك ماتعرف لها وكل واحد ينصب عليك لأنه يعرف انك جديد ع القاهرة ولا كد جيتها وبكذا تكون صيد سهل له واللي يقول سعر السواق ١٠٠ دولار ههههههههه حرام عليك ياخي السواق يوميته إذا معه سيارة ملاكي يعني خاصة ٥٠٠ جنية باليوم والبنزين عليه وإذا صار تكسي اتفق معه اليومية تكون من ٢٥٠/٣٠٠ جنية لأن جميع سيارات التكسي بمصر ( غاز ) مو بنزين يعني لو يلف فيك لف ليل نهار ماخلص الغاز واهم شي انتبهوا من سواقين التكاسي والشغالات والبوابين لاتطلبون منهم يجيبون لكم طيور لأنهم راح يجيبون لك المتردية والنطيحة بأسعار مرتفعه علشان يتقاسمون المقسوم مع بعض بخصوص الطيور التوب اللي فل كامل مايتعدى ١٥٠٠ جنية واللي يعني من ٨٠٠ إلى ١٠٠٠ جنية لايجي واحد مدرعم ويحاسب بمصر بالدولار وأكثر نصب في شارع جامعة الدول اللي يبي يفلها بمصر يبعد عن المهندسين وكافيهات شارع جامعة الدول كلها استغلال وشحاذه انصح باستخدام أوبر أو كريم إو سائق ثقه وحطوا تحتها خطوط حمراء لأن قليل جدا يتحصل سائق ماراح يستغلك وبخصوص السهر إذا ركبت مع أي سائق تكسي وقلت له ابي اسهر بالمكان الفلاني راح يرسل رسالة لأي شخص شغال بنفس المكان ويقوله جبت زباين علشان يكون له نصيب والأسعار عليكم يدبلونها وكثروا من فلوس الفكة لأن إذا جيت تحاسب راح يستلكعون عليك ويقولك ياباشا مفيش فكه علشان تترك له الباقي فخلك ذيب سعر التكسي من المطار إلى المهندسين ١٠٠ جنية التكسي راح يقولك ٢٥٠ جنية هههه سلامات وراح يستهبل عليك يقولك كرت المطار بعشرين جنية أصلا التكاسي عندهم اشتراك شهري فلا تصدقه إذا قالك كرت المطار قصيتها بعشرين جنية على العموم أي استفسار بخصوص القاهرة انا حاضر |
يعطيك العافية كفييت ووفيت
بالنسبة للسكن ايش افضل منطقة تكون نظيفة ومتوفر فيها طيور |
اسمح لي اخي بعيد عن كل ماذكرت من تكاليف
وين السياحة وأماكنها وين الأماكن الجميلة والمناظر الخلابه وين الجو البراد وين الأكل اللذيذ وين الحريه وراحة البال وطيبة الخاطر هل يوجد ماسالتك عنه في مصر ؟ انا جيت تقريباً القاهرة كلها والغردقة كلها كل ماكلمت احد عن مصر وسألته عن عدم وجود سياحة بمصر ولا شي ، قال عشانك ماعرفت لها يعني وشهو اللي ماعرفته للان احتاج عصا موسى عليه الصلاة والسلام عشان افلق بحر وسحر الفراعنة حتى اعرف لها |
عصا موسى تشغل مخك
هم شعب تعودت على التمثيل تحس انك عايش في مدينة الانتاج الاعلامي من كثر الافلام اللي تشوفها كل يوم خلك ذهين و لا تدقق كثير و اسئل كثير ولا تناقشهم في شي ما عجبك اسكن بالمناطق الامنه مثل التجمع الخامس و مدينة نصر و مفتاجك هو بواب العمارة و الشغاله اما الاكل تقدر تاكل ب جنيه و ممكن ب ١٠٠٠ جنيه كلاً حسب رغبته وخلك لاعب كرة طائرة ارفع الواحد منهم فوق علشان تخبطه بالارض وتاخذ اللي تبفاه كذا تحياتي للجميع |
شعب طيب لاتدققون عليهم في الخمسه ريال اعتبروها صدقه ودفعة بلا . زرت القاهرة مره ومان برد شديد واحتمال ازورها مرات بشرط اعتدال الجو. جميلة ومعقولة الاسعار وشعبها لذيذ.
|
مصر راحت من ٢٠١١ .....
بعدها زاد الاستغلال بزززززززود . والاسعار تدبلت . اللي يقول شغل مخك ماشغل مخك اكلينك اكلينك .....لو تطير وتوقع . الوكاد فرقاها غنيمة ....الجزائر ازين منها وانفه . حر وزحمة وشحاده واشتغالات وحوارات . وش لك وللمغثه . |
اقتباس:
ولو تفتح موضوع مستقل أفضل |
نروح وإلا مانروح خوفتونا
|
اقتباس:
او شخص خبرة في مصر يرتب لك السكن والسائق وهو بالسعودية وتسافرلوحدك |
الترتيب المسبق دايما يخليك تتفادا اشياء كثيره وتطلع سفريتك مرتبه وتكون هاني البال بس مصر لو ترتب ماترتك لازم من الاكشن [emoji23]
|
| الساعة الآن 11:36 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط