لاحظت شي في المغرب

السلام عليكم
اولا حبيت اقول شي بخاطري عن سفرتي الوحيده للمغرب وهي ملاحظه شخصيه اكثر من انها علي عموم المغرب الملاحظه اللي وجدتها هو ان النظام في المغرب ضدك في كل شي غالبا يعني بصريح العباره يبحثوا لك عن الزله او الغلطه او المشكله ولو هي تافهه مثلا في السياره لو شافوا عليك اي ملاحظه كبرها وضخموها او السكن لو صار لك مشكله لو هي مفتعله تجد صاحب السكن ضدك ومع الضيوف يعني يبغالك تطمن راسك لو انت دافع مبلغ وقدره وكله حجة انه مانبي مشاكل مع الدرك حتى لو كان الموضوع ظلم لك سؤالي اللي حاب اسال فيه كيف تتعامل مع هالاشياء يضمن لك عدم الغلط عليك وافتعال المشاكل معك مع اني اخذت سياسه الاتفاق علي كل شي الا وتجد بعض الاشياء تغفل عنها ياخذو فيهل ويقولك هالشي ماينفع او خلافه وهالشي مو بس في السكن والطير او السياره حتى في السهرات حتى بعضهم يضطر يدفع اكثر لجل يشتري راسه ولاهو نافع في الغالب الا اذا طبيت بناس تقدر مع اني ماقول الكل بس الغالب لجل كذا تجد كثرة السؤال عن السكن والامان وخلافه في المنتدى
#وتقبلوا مروري وتحياتي واتمنى كل احد يعلق ع الموضوع بوجهة نظره ورايه

عليكم السلام
كبر مخك ياسلطان الأمور اهون من كذا

__________________
ليت لي من عناء البعد راحه
يابهجة الخاطر وكثر الأمنيات

السكن موجود الامان موجود الدعم موجود عزيزي المزعوط ماذا ينقصك

السكن وين الدعم وين اخوي بنوراما مثلا السكن في مراكش او في اغادير انا جربت هالاثنين

والله مكبر راسي بس شي لاحظته وحبيت افضفض فيه ضايقني جدا ماهي زي مصر يدعموك كسايح ومحفوظ حقك لكن دايم تكبر راسك وانت تشوف شي يضايقك اتوقع السكن اكثر شي تحتاجه في سفرتك للمغرب وهو مبالغ في اسعاره مع الخدمه المقدمه من ناحيه النظافه والنظام لكن يبغالي اجرب سفره ثانيه مع ناس فاهمه المغرب

ابعدوا عن أماكن تجمع اهل الخليج
وتلقون الأسعار المعقولة والخدمات المرتبه والمعاملة الطيبه

لان هذه الأماكن مبالغ فيها بالأسعار والمقابل خدمات سيئه ومعامله غير مرضيه

__________________
ليت لي من عناء البعد راحه
يابهجة الخاطر وكثر الأمنيات

اول رحله لي لمراكش واجهة مشاكل لاتعد ولا تحصى. لكن بعدها السكن كان عند ابومنيره النخيل ٣ ، وسواق يجيبك ويوديك وطف مخك. اشوف اغادير اخف زحمه والمشاكل صفر لكن تأكد فندقك يكون ممتاز وسيارتك تحتك ، وراح تشوف المغرب كيف جميل. ومعاوض خير

والله ي سلطان انا رحلتي الاسبوع الجاي ومتوهق ، اول مره اروح للمغرب ولا ادري وين اسكن واشوف ان المنتجعات اسعارها مبالغ فيها مع العلم شخصين بس

الروز غاردن رخيص الأيام هذي ممكن تحجز من عندهم

كرأي شخصي
بلد رايح اقضي فيه أجازتي وادفع فلوس وما ارتحت فيه، بكل بساطة أسحب عليه.