نصيحتي لاتسكن هذا الفندق
 

السلام عليكم
انا متواجد باغادير بالتحديد ساكن فندق خليج اغاديرر على كثر ماسمعت يمدحونه هنا وللاسف لم ارتاح في هذا الفندق ولا يوم لانه منتجع وليس فندق فيه ازعاج من الديسكو والاغاني ولايوجد عوازل ابد حتى اثاث الغرف كانك داخل غرفة ساونا او حمام مغربي وتسمع اللي ساكنين جنبك كلهم النظافة سيئه غيرت السويت اكثر من مره ونفس الشي تشوف حشرات ورائحه كرمتو كلها تهون مع انك لايمكن تغفو وتنام بسكون من كثر الازعاج في جميع الاوقات صحيح الطاقم الموظفين خلوقين ونفس جميع الفنادق الاخرى فنصيحتي لو تسكن في فندق نجمتين في اغادير لاتسكن هذا الفندق اذا تبي راحتك في نومك

حمد الله على سلامتك

يعطيك العافيه يعني مثل وضع صحارى . ممكن نعرف نوع الغرفه اللي اخذتها في خليج اغادير والسعر ..

--
 

الفندق بحسب التقييم في بوكنج جيد جدا وحاصل على نسبة تقييم 8 من عشره في حين ان الفندق تحصل على نسبة 8.3 من ناحية النظافة واخر 3 نزلاء اقامو في الفندق في اواخر شهر يوليو وبداية اغسطس 2019 اعطو الفندق نسبة تقييم تفوق 8 ووصلت الى 9 من عشره ولم يشتكو من ناحية النظافة

https://www.booking.com/hotel/ma/kha...s=1&#hotelTmpl

نريد توضيحات من اعضاء اخرين

الزبده ما يمدح السوق الا من ربح فيه
اللي اعطاه تقييم عالي اكيد انه وجد ظالته بهذا الفندق
واللي يسبه مالقي الشي اللي يتمناه .

وايش البديل اجل ؟

انا جربت هذا الفندق اكثر من خمس او ست مرات وصراحة كل المرات كانت ممتازة بالنسبة للحشرات اذا كان السويت خلفي وخليت باب البلكون مفتوح ممكن تدخل عندك حشرات
لاكن الفندق نظيف وخدمة الروم سيرفس تتاخر وغالين لدرجة ان قرعة الما الكبيرة سعرها اربعين درهم وخدمة تنظيف الغرف مايجونك الا اذا طلبتهم
وماشفت ازعاج في الليل اذا كنت في السويت وماجربت الغرف ممكن فيها ازعاج بس الي ازعجني البنت الي في الخيمة كل يوم تتصل تقول تفضلو عندنا عزيمة بالقوة [emoji23]
وجهة نظري باختصار الفندق بالصيف سئ من ناحية الخدمات وغير الايام الي قبل خصوصا لما كان جديد

الزين انه لقيت واحد يؤكد كلامي دخل علينا ص.... ونوع من الحشرات والمخده فيها شعر هذا الكلام بصيف 2018 الغريب انه كثير يسب صحارى وانا اشوف صحارى انظف منه بالنسبه للازعاج ماذكر فيه ازعاج

اخي فارس كلن يذكر الشي الي واجهه بالفندق ولقاه ليس تشكيك او تهميش لاي عضو
انا سكنت فيه صيف 2018 وماشفت الا كل زين مو معناته ان الغرف كلها نفس المعامله

بالنسبه لصحارى تميز بالنظافه اما الازعاجات فحدث ولا حرج بغير الصيف فما بالك بالصيف وزحمته.

اذكر بعض الاعضاء ذكرو حادثة سرقه لصندوق الامانات بخليج اقادير باحد الغرف ولاكن نقول حادثه فرديه والحرص واجب.

دمتم بخير

يازين ايام فندق اماديل والبلكونه حقته اللي ع البحر اياااام [emoji174]