الفيزا بالمغرب

بالنسبه لبطاقة السفر من البنك السعودي للاستثمار عن تجربه فادتني كثير في جميع سفراتي

وبالمغرب كل مره قبل اسافر بشهر اشوف سعر الصرف بالبطاقه لين القى سعر طيب غالبا 2.49 بس اخر سفره لي لقيت 2.53 وحولتها بالمحفظه

22 ريال ياخذ البنك السعودي للاستثمار لكل عملية سحب كاش

والبنك المغربي ياخذ 8 ريال

المجموع 30 ريال

ولنقاط البيع مجاناً

ويوم جيت حسبتها كل تعاملاتي نقاط بيع الا القليل للكاش لقيتها ماهي فارقه معي كثير

وبالنسبه لي عندي بطاقه اضافي احتياط احطها بالفندق بالسيفتي بوكس وبنفس محفظت الفيزا

يعني لو ضاعت اللي معي فقط ادخل تطبيق البنك والغي الاولى واستعمل الاحتياط

وبالنسبه للي منزل شريحته الخليجيه يعني مايستقبل رسايل تفعيل البنك ، في نفس التطبيق خدمه مجانا اسمها فلكس سيف يشتغل معك التطبيق ببصمة الاصبع او العين بدون رمز تفعيل عند الدخول لتطبيق البنك

وبالنسبه لحد السحب الكاش مادري كم بس اللي جربته صرفت 12 الف درهم وماعاد جربت بعدها

تحياتي

اخوي صاحب بطاقة السفر من البنك السعودي للاستثمار. فيه نقطه مهمه لم تذكرها وهي كل مبلغ سعودي تحولها الى البطاقة يحسب عليك فايدة ١.٧٥٪؜
احسبها وشوف التكلفة وإذا رجعت السعودية وفيها مبلغ متبقي وتريد استرجاع المبلغ يتم حسب فايدة كذلك مع رسوم التحويل

اتوقع افضل شي بطاقة وفاء كاش

اتفق معك بطاقة وفاء كاش حل بديل وخذلك بطاقتين من عندهم ورسومها كل بطاقه 99 درهم وبكذا سحب اليومي بيكون 12000 درهم وكون هاني

غير صحيح هالكلام التحويل من حسابك لاي عمله بالمحفظه مجاناً ولا فيه اي رسوم

ولو رجعت السعوديه وتبي ترجع الفلوس اللي بالمحفظه للحساب الجاري عادي محاناً بس وقتها انتبه لسعر الشراء والصرف

واذا فيه شك بكلامي تقدر تدخل على صفحة البنك السعودي للاستثمار وتشوف جدول ورسوم البطاقه واضح

صحيح كلامك الافضل وفاء كاش وعندي بطاقه منهم بس هذا اذا متاكد او لقيت سعر صرف طيب

بس ضروري تصورها بالجوال وتحتفظ بالصوره لان اذا ضاعت منك لازم تروح قسم الشرطه وتبلغ عنها وتروح البنك ولو مامعك صوره منها شوف العذاب والهجوله

بس بالنسبه لي واتكلم عن نفسي ماتفرق معي واشوف ان بطاقة السفر تناسبني ولاتهمني خسارة السحب بما ان ميزانيتي دائماً عاليه واكثر من 90 بالميه مصروفي نقاط بيع مجاناً

اخوي لازم تفرق بين الرسوم والفوائد
الرسوم واضحة وهي ٢٢ ريال
والفوائد هي على حسب المبلغ المراد تحويله مثلا المبلغ ١٠،٠٠٠ ريال الفوائد ١٧٥ ريال تخصم من رصيدك

يامرحبا اخوي (نيو مان) صدقني في بطاقة السفر للبنك السعودي للاستثمار لاتوجد فوائد ولا رسوم على التحويل من والى الفيزا ابداً وهذا الكلام من تجربه 4 سنوات في بعض محافظ العملات المختلفه في البطاقه

الفوائد هذي اللي تقصدها موجوده في بطاقة الراجحي تسوق وغيرها

لو دخلتو هالرابط راح اللغط اللي عندكم

فية كل استفسارتكم اللي قاعدين تتناقشون عنها الان

تحياتي

__________________
‏هلا بالصمت دام الصمت ما يجرح مشاعرنا.

اودعت 40 الف ريال في حساب بنك الاستثمار قبل سفرتي بشهر ، في رمضان اللي فات

وطبعا حسابي كان هللات

وقعدت شهر كل يوم اشوف سعر الصرف لين شفته 2.53 وحولتها كامله في محفظة الدرهم المغربي ب 100.1200 درهم مغربي

استفدت منك الكثير ولايهون الجميع