افضل وسيله للتنقل من مطار كازا الى مراكش

سلام عليكم

انا حجزت تذكره من الخطوط السعودية بس مراكش الغوها ماعاد فيه مباشر وحجزت على اغادير ( جده- كازا-اغادير)

بس ناوي اروح مراكش
كيف اتنقل من مطار كازا الى مراكش ؟

كم سعر التاكسي تقريبا

هل ينفع اقص تذكره جديده لمراكش بس كيف طريقتها اوصل المطار واخلص اجراءات واحجز من جديد ولا كيف الوضع

والقطار ايش وضعه ؟ بس سمعت انه يطول و4 ساعات وحوسه صحيح الكلام ولا ؟

لحد يقول استاجر وسوق بنفسك العام رحت مراكش وانواع الحوادث قدامي تصير سيارات مقلوبه ودبابات صاقعين عند اشاره هههه وافلام

وشكرا

وعليكم السلام ورحمه الله وبركاته

انت حاجز ‏جده كازا اكادير تبي تطلع لمراكش عن طريق كازا او اكادير

أذا تقصد من كازا موجود القطار تاخذ تكت من المطار اربع ساعات ونص تقريباً وانت بمحطة مراكش،

أو تاكسي يوصلك من 1200 درهم الي 1400 درهم حسب اتفاقك

__________________
‏هلا بالصمت دام الصمت ما يجرح مشاعرنا.

وعليكم السلام

مثل ماقال مشعل
او
استاجر سياره بسائق واعرف الي له وعليه من المكتب نومه اكله .......
ومنها توفر وقت وترتاح من الانتظار والشنط ودامك ماتبي تسوق تفادي الحوادث
مبلغ التاكسي هذا فيه يومين ايجار واذا العوده تاكسي توفر حق4 ايام
والقرار قرارك.

سفره موفقه

بسحب على رحلة اغادير وبروح من كازا الى مراكش هذا قصدي

اما توصل 1400 توقعت ارخص من كذا :(

‏ارخص شي القطار

__________________
‏هلا بالصمت دام الصمت ما يجرح مشاعرنا.

صحيح قطار ارخص شيء

دامك بتسحب عليهم اكد عليهم ينزلو شناطك بكازا لان احتمال تستلمها من اكادير اذا ما خبرتهم .

نعم الانسب القطار بس مايبي القطار يتاخر و مايبي القروشه.

اذا ناوي تسحب وتذكرتك تذكره وحده، كلم الخطوط وبلغهم من قبل لأنها اذا تذكره وحده وسحبت على احد محطات رحلتك خاصه اذا ما قصيت البوردنق راح يأثر على رحلة العوده واحتمال انها تتكنسل..

مو أحتمال تتكنسل الا أكيد.
إذا نزلت في محطة تزانزيت ولا واصلت رحلتك للمحطه النهائيه، كل الرحلات التاليه تلغى تلقائيا.

تذكرت قبل شهرين كانت رحلتي من جده الى مراكش دايركت

كنت مسافر لحالي بروح لاخوياي في اكادير
ويوم وصلت مطار المناره مراكش قلت اخذ تاكسي لاكادير

توجهت لمواقف التكاسي والاسعار فلكيه من 2500 والمشوار 250 كيلو يعني مو شي

المهم حطيت تكيت عندهم واولع السقاره ومن 2500 درهم الى 1000 درهم وقلت بسم الله

ويوم ركبت مع صاحب التاكسي وطلعنا من مراكش قلت شغل التكييف قال ب 200 درهم زياده ههههههههههههههههههه

قلت والمسجل بكم هههههههههههههههه

قلت مايخالف شغل التكييف ولك 200 درهم زياده بس اعذرني بدخن لين نوصل اكادير

المهم انتبه من التكاسي لا يجحفلونك مثلي ههههههههههه