لا تبخلون علي

مسيهم بالخير
اول شي لي فوق الاسبوع مترددة اسجل بالمنتدى او لا
وكل يوم اقول بكرا ومتكيسله خصوصا لاحظت مافيه بنات سعوديات ( مدري وش السبب )
المهم مالكم بالطويلة بعد تفكير وتمحيص دقيق قررت اسافر المغرب وش المدينة اللي ممكن تلخص لي جمال المغرب لاني ماحب التنقل كثير
ياليت تاخذون بعين الاعتبار ان مامعنا رجال يعني اقترحو علي مدينه آمنة لنا ك بنات
المعذرة طولت عليكم

مافي ردود ؟

من وجهة نظري اذا تبين تشوفين جمال المغرب لازم تتنقلين مافي مدينة تلخص لك جمال المغرب ... المغرب جميل بتنوعه من شماله لجنوبه ..





يبدولي ان ضحايا حنفي بدو يتوافدون ع المنتدى الله يستر

شكرا لردك
يعني اذا ابي اشوف الجمال اللي مهووسين فيه عيالنا ضروري اتنقل من الشمال للجنوب ؟

كلامك الاخير عجزت افهمه والله ياليت توضح

حياك الله أختي , أنتي ما حددتي فترة السفر لكن أتوقع ما دام سألتي فهي خلال الفترة الجاية وهي فصل الشتاء بالمغرب

وإذا ما عندك مشكلة مع البرد فطنجة هي المدينة الأفضل لكم , هدوء وروقان وطبيعة والناس فيها راقية أكثر من غيرها

وجنبها مناطق كثيرة تستحق الزيارة رغم أنها مصيف وبحر لكن ما اتوقع رحلتكم بالصيف الجاي , الشمال المغربي أكثر

من رائع ويستحق الزيارة , المدينة الثانية هي الرباط وهي مدينة ملل بعد المغرب هدوء لكن قريب منها مناطق كثيرة تستحق

وبالتالي جدولكم كله صباحي لكن ما اعرف راح تناسبك أو لا لانك قلتي ما تحبي التنقل كثير وبالتالي ينحصر الخيار في طنجة

__________________

اهم المدن السياحية ثلاث
مراكش ثم طنجة ثم اكادير

مراكش مدينة داخليه لابحر فيها ومناخها صحراوي نوعا ما، تشتهر بانها عاصمة السياحه المغربية، التاريخ والآثار داخلها، والطبيعه بجانبها على مسافة ساعه مثل اوكايمدن وستي فاطمة.
تشتهر مراكش ايضا بانها عاصمة السهر في المغرب .
معالم مراكش ساحة جامع الفناء وماحوله من قصور ومآثر .
طنجه او اكادير مدن بحرية جميلة.
رأيي تزوروا مدينتين على الاقل مثل مراكش واكادير لانكم وقتها تكونوا جمعتوا بين جمال الداخل والجبال والانهار والشلالات في مراكش وماحولها وجمال البحر في اكادير .
ختاما فيه برامج كثيرة تصلح لكم مثلا ان تجعوا بين الشمال المغربي والجنوب الاسباني .

مشكور على الرد
واسفه عالتأخير اخذت وقت وبحثت عن طنجة صحيح فيها طبيعة بس كمدينه والصور اللي شفت مافيها شي يلفت الانتباه ماشفت الا عماير وبيوت وبحر
الرباط كذلك ابي مدينه اقدر اتمشى فيها واكتشف اشياء سفري بالعاده مايكون محصور عالفندق والمطاعم والاسواق انا انسانه احب اكتشف واحب الاشياء التاريخية والمعالم الخ

تتميز طنجة بقربها من مدن سياحية ساحلية
مثل مارتيل والفنيدق وتطوان وشفشاون واشقار ف الجهه الاخرى

وكل المدن أعلاه بها أماكن ومطاعم تستحق الزيارة

طنجة يوجد بها مغارة هرقل والقصبة وكنسية أندرو والسوق الكبير ‏للاستكشاف
ويفضل أخذ مرشد سياحي للحصول على تجربة كاملة

بالتوفيق

طنجه و زي ماقالو الاخوان لازم تكون جوله ولا بتكون ممله رحلتكم راح تخلصون من طنجه وتختمون كل شي فيها يمكن باربع ايام وبعدها لازم جوله بالشمال لتكتمل متعة السفر وعندي رأي تحبون البحر من اجمل الشواطىء في الشمال مدينة الحسيمه ابحثي عنها باليوتوب شي خيالي
ومن طنجه لتطوان والشاون ثم للحسيمه و لمليلة والناظور وفاس ومكناس وممكن المرور على افران في الشتاء تنزل عليها الثلوج ويسمونها سويسرا المغرب ثم الرباط وكازا للعودة ..
بكذا تكون رحلة المغرب والاستمتاع بارضه الطيبه ..
والاماكن التاريخيه بحث بسيط يطلع لك كل الاماكن التاريخيه في شمال المغرب
والمغرب جميله وغير مكلفه للسفر العائلي بشرط يكون معكم سيارة وتتنقلون فيها وهذا الافضل ..

سلام
مو شرط اللي يعجب عيالنا بيعجب بناتنا والعكس صحيح.
كعائلة اتوقع مراكش وضواحيها مناسبه ولاتنسون علي بلفلاح والحمامات المغربيه وساحة جامع الفنا.
الاسواق أكيد بتعجبكم.

درب السلامه ولاتنسونا من تقرير مصور..