اخوان الحقوني الفزعة سفرتي بعد ٤ ايام الى مراكش الفزعة فلة خمس نجوم
 

السلام عليكم اخوان فزعتكم مسافر مراكش بعد ٥ ايام ومدة السفرة ست ليالي محتاج فزعتكم
ابحث عن فلة خمس نجوم نظافة عالية جدا قريبة من وسط البلد وحديثة وتسمح بدخول الصيوف وياحبذا مع خادمة امينة والمهم المكان خمس نجوم من جميع النواحي واهم شي النظافة والامان بدون توهق ولعية قلب ومشاكل ابدا
نصيحتكم وفزعتكم
اول مره رايح المغرب ,سائق امين مجرب ومرتب فزعتكم الله يخليكم انا بسببكم قررت الذهاب للمغرب متعود على تركيا ما اريد اندم الله يخليكم

وعليكم السلام

انا لي رأي وانت بكفيك اولا واخيرا
طريقتك هذه ماتصلح وراح يستغلونك لأقصى درجه
وفي الأخير راح تكون تكلفة الرحلة مثل الفائدة اللي حصلوها من السمسره من وراك
انزل على مراكش وخذ فندق وخل قلبك جامد خذ تاكسي وروح شوف الفلل والأسعار
اذا ناسبك شي استأجر ما ناسب مدد في الفندق

لكن طريقتك هذه راح تضيع فلوسك وماتستانس
بعدين انت مايحتاج يكون احد معاك يعلمك او يوديك على كيفه
امش بمزاجك ولا ترد على احد اذا لصق فيك واحد راح يبلشك ويحسسك
انه جاي معك على نفس الطيارة ويعيش الجو انه سائح ويعطيك نصايح
هذولا يستغلونك وانا ابي مصلحتك وهو يصلخ فيك
انا اعطيتك رأي بكل وضوح خلك واثق من نفسك و لا تكلم احد تدور مساعده
اذا ماعندك خطة واضحه ومكان تسكن فيه غير البلد او اسكن في فندق

اشوف مواضيع كثير الحقيقة غريبة لذلك راح اتلكم على طريقة واسلوب
ينفع للي يسافر للمغرب وغير المغرب عن تجربة واقتناع قريبا ان شاء الله

عقلية المسافر لابد تتغير لأن بعض المسافرين مثل اللي عنده شقه
يبي يأجرها ويجيب واحد يسكنه في الشقه ويقوله شوفلي مستأجر
أنا مشغول ويقوم هذا يتبطح في الشقه ويقوله مافي مستأجرين
وبعد فتره يفتح ويعرف انه تعرض للأستغلال ويلوم اللي هو مسكنه

حقيقه اشكرك من اعماق قلبي على ردك وعطفك وحسن خلقك ونصحك وهي امام عيني لكني قد اكون جديد على المغرب والوقت ضيق حبيت اسمع واشوف نصايح الناس والتجارب وبالنتيجة اكيد مارح اعمل الا الي انا اشوفه صح فالسمع والاطلاع يزيدني علما وبالاخر اقرر ما يناسبني فهل لك ان تنفعني بنصحك ليس عيبا اني ابحث عن مكان راقي ونظيف فبالنتيجة انا سائح وعقلي برأسي اسمع واشوف واقارن واقرر من خلال تجاربكم ياغالي شكرا لتفضلك وبانتظار فضلك ونصحك اذا تنصحني بمكان راقي ونظيف جدا ????

رح فندق المأمونيه

حدد عدد الأشخاص ؟ انت لوحدك او معاك أحد ، هذا أول شي ، و بعدها ان شاء الله يجيك الوصف بكل طلباتك

انا سفرتي في نفس تاريخك ووحداني وزيك اول مره اذا حابب نروح ونداكش سوا قدام
بس نحنا جدد في المنتدى محا ينفع نتكلم خاص اتمنى ترد هنا ☺️

اكبر غلط واكبر خطأ

انك توضّح للجميع بأنها أول مره للمغرب
لأنك راح تتعرض للاحتيال والنصب .

خلك مُلِم في الامور الهامه بالمغرب وانظمتهم وادخل تحت استفسار عن الفلل ال٥ نجوم .

بحيث انك تخلي الشخص الي يقولك عندي ( يحتار هل انت فاهم كل شي ولا لا ).


وبعدين حدد ميزانية متوقعه وعدد الاشخاص ؟ ( عشان يكون الموضوع كامل ).


وسفرة سعيده [emoji257]

انصحك بالتوجه لمراكش والسكن في احد منتجعاتها مثل الروز قاردن وبخصوص السواق نسق مع احد اللي يعلنوا هنا بالمنتدى مثل جلال او ابوسيرين الخ .

طبعا نقطة مهمة لاتثق في كائن من كان لاسواق ولاغيره وافرض شخصيتك من البداية ومهم تقرأ هنا بالمنتدى مثل تقارير الشباب وايضا مايمنع تعدي على قائمة البلاك لست لتعرف كل شيء

اشكرك على ردك ياغالي بس انا عم اسأل عن تجارب مسافرين مو منتدى مكاتب عقار :) فحبيت حدا عندو تجربة يشاركني ايها فقط اما موضوع النصب خليه عليه انا داير كتيير

اشكرك ياغالي هل الروز قاردن نظيف جدا ؟