مستجد وحداني والشوق على كازا وداني.. ابي الفزعة

سلام يا حلوين
وخاصة الخبراء والمشرفين ...
ولا يهون الباقين

مستجد وحداني ... والشوق على كازا وداني

ليه كازا لانه عندي شغل في الرباط لمدة ثلاث ايام من الصبح الى الظهر
ومن نصائح المنتدى اني في اقرب مدينة حلوة استقر ... والاختيار كان كازا
عندي ثلاث ايام قبل وثلاثة ايام بعد

ولأن حالتي مستعصية ... ابي الفزعة
لاني محتار ... احب الصيد
ولا اعشق أماكن السهر ????????
واشرب موية بس ..
وأكيد ... ادور الأمان
ومن كثر الحماس للسفرة ...
اشتريت التذكرة
وكتبت في المنتدى وانا مسافر بعد شهر
فهل من مساعدة
الحائر / n.a

اول شئ لازم استأجر سياره لأنك تحتاجها رايح جاي لرباط
ثاني شئ شوف لك سكن
و هذه الاثنين بحكم انك جديد لا تتعدى المعلنين في المنتدى و قارن بالأسعار و وثق حجزك
لأنه بس تتوفق في هالاثنين تكون ضمنت اجازه سعيده بنسبة ٨٠%

ثالث شئ دام ما لك بالسهر خلك حول عين ذياب في الليل مقاهي _ موروكو مول( إنتبه اتوقع يقفل ٩ بالليل ) _ مقاهي المعاريف _ التويين سنتر _ في عين ذياب فيه مقهى بعد وناسه ع اليمين فيه معسل الافضل تركز ع عين ذياب بداية الغروب و اللي تبيه بعد ١٠ بالليل
هذا جدولك لثلاث ايام الشغل

بعدها نجي لثلاث ايام اللي ما عندك فيها شغل
افضل تزور المناطق اللي حول كازا او تبعد شمال او نحو مراكش بس تحسب حسابك ليومين الثالث ارجع لكازا
و على حسب قرارك بتكمل بكازا او تخرج منها نخدمك بالباقي

تسلم خبيرنا برق
عندي استفسار بعضهم نصحني بسائق ... خاصة المسافة بين الرباط وكازا ماهي بعيدة مرة
خاصة انا من النوع اللي يكره السواقة بالمرة وأحب اريح بالي
هل عندكم علم بالتكلفة
شكرًا مرة اخرى

قيادة السيارة في المغرب ممتعه
لان نسبة الانضباط لديهم عالي جدا

اهم شي تقيد بالتعليمات المروريه
وسوف تستمتع كثيرا والبلد سهل فهمه
خاصه مع استخدام تطبيق الطرق والخرائط

وفقك الله

أول ما توصل رح أغادير ثلاث أيام بالطيارة ووقت الشغل اسكن بالرباط وأستأجر سيارة أحسن وراح تلقى كل شي وآخر ثلاث أيام انزل مراكش وسلام عليكم.

اشكركم على مروركم وردودكم

السائق داخل المدينه اللي تستاجر منها السياره كان يأخذ ١٠٠ درهم و خارجها ٢٠٠ درهم
الآن يأخذ ٢٠٠ درهم

حالي مثل حالك never_alone الا اني ما عندي ثلاث ايام زيادة.

اذا في احد يفيدنا، باسم فندق حلو و راقي و يسمح بدخول البنات.

مشكورين على النصيحة.