عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


Like Tree5Likes

إضافة رد
 الصورة الرمزية بعثرهہ• ♚[F]
مزعوط جديد
المشاركات: 4
تاريخ التسجيل: Jan 2020
بعثرهہ• ♚[F] غير متواجد حالياً  
قديم 2020-01-21, 01:48 PM
  المشاركه #1
فضفضة لا اكثر ولا اقل

السلام عليكم ورحمة الله وبركاته

مزعوط متواظع بين مطانيخ بهذا المنتدى ويحاول يسرد لكم قصته مع اول سفرة له

اولاً
انا متابع قديم لهذا المنتدى والله يبيض وجه كل من كتب فيه لان للامانه فادني كثير

ما علينا من كثرة الكلام
بداية القصة التعيسة لي نبداء بها في نهاية عام ٢٠١٧

طبعاً تولعت بالمغرب من خلال سماعي للاصدقاء بالعمل واخوياي

توكلت على الله وقلت يالله نبداء بالطيران

حجزت على الخطوط المغربية ذهاب فقط. انا وواحد من اصحابي

عاد المشكله ان خويي بالسفرة فلوسة ناقصة

قلت له خلنا نأجلها لحد ما يزبط وضعك

الرجال صامل وقال انا رايح رايح ومالك دخل انا ادبر نفسي
قلت له كفو اربط حزامك بعد كم اسبوع نبي نطير قال اوك


اقترب وقت الرحلة ودقيت عليه وقال الميزانية عندي مهزوزة شوي
قلت له امدد الرحله لوقت ثاني؟
قالي لا

وصل موعد الرحلة ودقيت عليه ويدي على قلبي

مع العلم اني ما احب اروح لحالي بالسفرة

جاني جوابه وكان صادم لي

قالي ما يمديني اطلع
قلت له كلام ندمت عليه هههه

قال تدري انت روح وانا ابي الحقك
قلت يالله انتظرك

عاد الله لا يوريكم انا بالطياره لحالي واول مره اطب المغرب

وقمت طول الرحلة اهوجس واقول في نفسي انا وش اسوي ، طيب لو ما جاء انا ارجع ولا اكمل

مالكم بالطويلة

قلت في نفسي يا رجال منت بأول واحد ولا اخر واحد يطلع لحاله

وصلت مطار كازا وكان التوقيت ان ما خانتني الذاكرة

الصباح او الضحى

وصلت الجوازات جنبي سعودي وقالي ترا بيطلبون فلوس

قولهم فلوسي بالفيزا
قلت اوك
وصلت عند الرجال وعطيته الجواز وكان مبتسم ويقول اول مره
قلت يب
قال نورتنا
قلت له النور نورك
نظر في بطاقة الدخول وكان نظراته للورقة مثل اللي لقى مصيبة فيها
قالي لازم تحط مكان السكن قلت طيب
قال عندك شي يثبت مكان السكن
عاد انا كنت حاجز في منتجع برستيجيا في مراكش
قلت له في مراكش
الوكاد الرجال مصمل وقال لا لازم بالتحديد
طال الكلام بيني وبينه
قال صبح علينا بوجهك الحلو
من هنا عرفت انه يبي فلوس
قلت له نفس تصريفة خوينا ما معي كاش
عصب وشاف ما فيني حيلة ختم الجواز وحذفة على الطاوله بدون نفس كاني ماخذ منه فلوس
نزلت للصرف وصرفت ومشيت مراكش
وصلت مراكش بحفظ الله ورعايته
كلمت صاحب السكن وقابلته عند محطة افريقيا اللي جنب سوبرماركت المرجان
رحت وشافني لحالي قال وين خويك

الله لا يوريكم بغيت ابكي هههههه

قلت له جاي ان شاء الله بعد بكره

جلست في السكن ما ادري وين اروح على امل ان خويي يجي ونسهر

قلت يا عمي عيش جوك لين يجي
رحت وسهرت
طلعت من السهرة ولا كاني سهرت
قاعد افكر بخوينا يجي ولا لا ههه

رجعت السكن ونمت قلت الصباح رباح انتظر رسالة تقول انا وصلت كازا انت وينك


جاتني رسالة صوتية

كنت متردد افتحها ولا لا

فتحتها قال انا ما اقدر اجي

اخذت نفس عميق ومافيه كلمة بذيئة الله يكرمكم ما قلتها ههههههه
قال وش تبيني اسوي
قلت له من البداية لا تقول خلنا نروح

المهم ما قفلت الجوال من عنده وانا اتصل على واحد من الشباب قلت له احجز لي على بكرة لجدة

قالي يا ولد اذكر ربك انت وش صاير عليك
قلت له يا فلان احجز لي وانا اعلمك اذا وصلت


الحين انا دافع فلوس سكن حقة ١٠ ايام
كيف استردها

للأمانه كانو اصحاب السكن ينحطون على الجرح يبرى

اخلاقهم جدا جدا عاليه

وتفاهمو معي ورجعو باقي المبلغ


رجعت السعودية وكان خويي بأنتضاري

سردت له السالفة كلها وقال انت مهبول
قلت لا والله خبل اللي يطلع لحاله


الغريب بالموضوع اول ما وصلت خويي يقولي اقسم بالله فلوسي توها جات حسابي اول ما نزلت من الطايرة وانت واصل


قلت في نفسي لعلها خيرة

وتوته توته خلصت الحتوته :)
رد مع اقتباس
مزعوط مبتدء
المشاركات: 44
تاريخ التسجيل: Oct 2017
شوباك غير متواجد حالياً  
قديم 2020-01-21, 03:37 PM
  المشاركه #2
ههههه
رد مع اقتباس
 الصورة الرمزية هامليز
مزعوط جديد
المشاركات: 26
تاريخ التسجيل: Aug 2019
هامليز غير متواجد حالياً  
قديم 2020-01-21, 07:45 PM
  المشاركه #3
والله استانس لو بروحي انت بالمغرب السعيد كيف بيضيق خلقك اسمك وصلت ولكن مثل ماتفضلت لعلها خيره ان شاء الله
رد مع اقتباس
 الصورة الرمزية بعثرهہ• ♚[F]
مزعوط جديد
المشاركات: 4
تاريخ التسجيل: Jan 2020
بعثرهہ• ♚[F] غير متواجد حالياً  
قديم 2020-01-21, 10:30 PM
  المشاركه #4
اقتباس:
المشاركة الأصلية كتبت بواسطة هامليز مشاهدة المشاركة
والله استانس لو بروحي انت بالمغرب السعيد كيف بيضيق خلقك اسمك وصلت ولكن مثل ماتفضلت لعلها خيره ان شاء الله


والله وانا خوك انا ما احب السفر لوحدي
اعرف ناس كثير يسافرون لوحدهم بس جربت انا ما نفعت معي
لاني شخص غير اجتماعي:( هههه
رد مع اقتباس
 الصورة الرمزية karam211
مزعوط برونزي
المشاركات: 590
تاريخ التسجيل: Oct 2017
karam211 غير متواجد حالياً  
قديم 2020-01-21, 10:41 PM
  المشاركه #5
عندك مشكله مع نفسك ضروري تحلها
انا اكثر سفراتي لوحدي واسافر مع خويا
سفرتي لوحدي لها ايجابيات
وسفرتي مع خويا كذلك. غير اجتماعي تاثرت من كلامك هاذي عقده ضروري تحلها وانا اخوك وتعرض نفسك لطبيب نصيحه .
ربط سفرتك بجيت خويك وتعنيت وتذكره وصلت الديره المفروض تعيش حياتك مع نفسك وتحاول تجد نفسك وتخالط الشعب المغربي .وتستمتع بسفرتك الله يكون فعونك
دمت بود
رد مع اقتباس
 الصورة الرمزية توقيت لندن
مزعوط نشيط
المشاركات: 127
تاريخ التسجيل: Jan 2015
توقيت لندن غير متواجد حالياً  
قديم 2020-01-22, 05:11 AM
  المشاركه #6
ياحلوها السفره لوحدك
رد مع اقتباس
 الصورة الرمزية daloo3a
مزعوط خبير
المشاركات: 2,836
تاريخ التسجيل: Jul 2018
الدولة: Riyadh
daloo3a غير متواجد حالياً  
قديم 2020-01-22, 09:28 AM
  المشاركه #7
الحدوتة هبلت بي هههههه
سالفة انك بالسهره لاول مرة بالمغرب و خوييك ماخذن مخك هذي غريبه
اشوف انه السفر وحداني لاول مره افضل للشخص يقدر يقييم فيها قدراته فتسيير اموره و الاعتماد على النفس باخذ قرارات و اكتشاف الاماكن و المجتمع بكل اريحية لا تكون مضغوط ولا مربوط بحد
لا و كله وانك لغيت سفرتك و انحشت عشان جية خوييك ماتمت هنا عاد كان قلت لعلها خيره لك انه ماجى و اغتنمت هذى الفرصه و عشت جووك حسب ظروفك
المهم عسى الخير في الجايات بإذن الله

تقبل مروري
صمتك كلام معجب بهذا.
رد مع اقتباس
مزعوط خبير
المشاركات: 3,843
تاريخ التسجيل: Apr 2015
black night غير متواجد حالياً  
قديم 2020-01-22, 10:15 AM
  المشاركه #8
تصدق عاد المغرب هي الدوله الوحيده اللي بعض الأحيان اضطر وأسافر لها وحداني اذا الشباب ماقدروا يطلعون اجازه بنفس وقتي وانبسط فيها اكثر من لو هم معاي .
az2000 و صمتك كلاممعجبون بهذا.
رد مع اقتباس
 الصورة الرمزية asmk500
مزعوط قدير
المشاركات: 235
تاريخ التسجيل: Jun 2014
asmk500 غير متواجد حالياً  
قديم 2020-01-22, 01:34 PM
  المشاركه #9
مثل ما قال karam211 عندك مشكله مع نفسك ضروري تحلها أو انها حتوته زي ماقالو اخواننا المصريين انا اميل لموضوع انها حتوته حتوته اخت فضفضه
صمتك كلام معجب بهذا.
رد مع اقتباس
مزعوط جديد
المشاركات: 23
تاريخ التسجيل: Jan 2020
ابو الفن غير متواجد حالياً  
قديم 2020-02-08, 07:26 PM
  المشاركه #10
انا كنت مثلك. ماحب اسافر الا مع خوي او اكثر ومع الوقت والارتباطات تغير الوضع وصرت صعب الاقي اخوياي متفرغين للسفر في الوقت نفسه معي وصرت اطنش السفر. واقضي اجازاتي بالداخل او البحرين صد رد. المهم بيوم قررت اسافر لحالي بعد يمكن سنتين او اكثر. من آخر سفره مع الشباب وطلعت شرق آسيا وليتها لحالي وانفكت العقده اكتشفت ان السفر منفرد متعه مابعدها متعه تاخذ جوك ع كيف كيفك تنام وتسهر وتاكل وتفلها وتسوي اللي نفسك فيه محد يفرض رأيه عليك او تجامل او ترتبط مع احد خويك جيبك وعقلك ... والله لو انا مكانك لا استمتع بوقتي دام وصلت واعيش جوي المغرب دولة عربية مسلمة أهلها مشهود لهم بالطيبه والأخلاق والتعامل الحسن مع الكل بس خلك محترم وعاقل ولا تتدخل فيما لايعينيك. وهذا ينطبق على اغلب شعوب الأرض واستمتع ياصاحبي... كان اخذت سياره. وطلعت تماشي واستكشاف ومقاهي وسهرات خفيفه ولو شجعت نفسك شويه والله ان تنبسط.... بس لعلها خيره لك انصحك انك تغامر وتسافر وحدك َدز مره ثانيه للمغرب وارجع اكسر حاجز الخوي والسفر مع الأصحاب وصدقني ماراح تندم
az2000 معجب بهذا.
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
فضفضة جسارية جسار الاستراحه 1 2019-01-02 01:22 AM
فضفضة Fayez alaklobe الاستراحه 2 2018-07-14 02:37 AM
فضفضة سلمى سلمى الاستراحه 388 2017-04-16 11:30 AM
فضفضة أمواج الشمال الاستراحه 12 2012-03-02 12:32 AM
فضفضة .. بزناس الاستراحه 6 2011-12-19 07:07 AM


الساعة الآن 09:36 AM



1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84