سواق بمراكش

هلا والله ومرحبا شباب

احتاج رقم سواق عن تجربه منكم في مراكش يكون معي هناك
اهم شي يكون شباب وعارف لعلوم الشباب

وثاني شي عندي استفسار بخصوص التنقل بين كازا اول مااوصل ومراكش
هل افضل شي الطياره
القطار

ويعطيكم العافيه جميعا

ليش سواق.. اجر سيارة وسوق بنفسك افضل لك واوفر .. الامور طيبة والسواقة هناك بسيطة ومافيها تعقيدات ..

‏بسيطة ما فيها تعقيدات للي يلتزم بربط الحزام وعدم تجاوز السرعة و نظام ألدوار لأن الوضع حساس جدا
ونقاط التفتيش والدرك يستمتعون بمضايقة أي شخص مخالف أو لا يعرف الأنظمة
او قليل خبرة

لاكن البعض ياخذ سائق للبعد عن القروشه والتصيد من قبل الدرك واحيان يكون تعبان اخر الليل وطالع سهران ..

تحذير ????????(( استاجر سياره واذا ماتقدر خلك على التكاسي ))
لا تسالني ليش . انا اعطيك خلاصه الخبره عصره اولى

أسوأ خيار تاخذ سايق خاص معك ، السيارة استئجار افضل او خلك على تكاسي والسعر بالمفاصلة

سيارتك تحت رجلك افضل من التكاسي

ليه هل عندك مشكلة في قيادة السيارة ؟
قيادة السيارة في المغرب العربي ابسط من ما تتوقع يا الحبيب
اشوف هي بحد ذاتها متعة تتحرك و تروح وين ما تريد و جميع الاحداث و المواقع موجودة في جوالك حمل التطبيق و انطلق حتى تقييمات الامكان موجودة و تختار ما تريد وميزة المناخ هناك تشجعك على قيادة السيارة بقوة

وإذا هناك سبب يمنع احرص من الاتي :
1: حاول قدر المستطاع عدم الثقة والاعتماد علية فقط مشاوير عامة
2: الاتفاق على السكن و الاكل الخاص فيه وهو يعرف يدبر اموره من وقت حضوره معك
3: و النقطة المهمة علوم الشباب وهي كارثة ومدخل نحذر منه اذا دخل في الامور هذه فتحمل عواقب ما يحصل لك ؟

احتياج السواق في حدود ضيقة جداً و لا انصح فيه
رحلة سعيدة و سلامة

نصيحة راس مالها اكسنت ديزل ووفر جيبك

لو انك مسافر اذربيجان ولا اندونيسيا كان ايه لازم سواق لكن المغرب وتبي سواق نصيحة استاجر موتر ولا قضها تكاسي واذا
بتقضيها تكاسي شغل هرمون المكاسر كنك في الموقف

خذلك سياره وسوق بنفسك
واذا أنت راعي سهر اتفق مع تاكسي يوصلك ويرجعك

هذا هو شباب لي رغبة اني اسوق بنفسي هناك

بس المصيبه المشاوير الي بعد السهر مااقدر عليها هههههه
فوش رايكم لو اخذ سياره دايم معي ماعدا السهر قدامي خيارين اوبر ( اذا كان مسموح عند اماكن السهر)
او تاكسي