لكل اللي يسافر الحاله شرفنا بمرورك و افدنا
 

السلام عليكم ورحمة الله وبركاته

انا منزل الموضوع هذا متعجب من كم شخص اشوفه يسافر الحاله سواء إلى مصر او دول ثانية كيف تامن على نفسك اذا لا قدر الله صار لك شي او حصل لك شي ثاني امر اتمنى تفيدنا كيف روتينك اليومي لان كم مره ابغى اسافر و اصمل و اجهز كل شي واذا ما طلع معي خوي اكنسل كل شي اتمنى تعطينا نظامك بالتفصيل علشان نسوي مثلكم ياخي والله كم سفره تكنسلت علي بسبة الخوي واحس اذا سافرت الحالي طفش


:maroc (1175):

عادي اذا انت تعرف البلد مافي مشكلة لانك تكون سافرت قبلها مع شلة وعرفت وين تروح ووين تقضي يومك
انا من الناس اللي اسافر لحالي دايم واجلس فترة طويلة والوضع عادي بالعكس لا مشاكل مع خويك وان كان خويك وتعرفه لكن الاختلاف وارد عند بعض رغباته اللي انت ما تقبلها وانت لك توجهات هو ما يقبلها

انا رحت الفلبين يمكن٥ مرات لحالي ومصر جيتها من عام٢٠٠٦ وجيتها ٢٠١٨ لحالي واذربيجان بس اعلمك مررره طفش لحالك قسم بالله ودك لو معك بنقالي يرد عليك الصوت

جربت في سفرتي الاخيره اذربيجان وجورجيا الله لايعيدها من لحظه طفشت طفش بس اشوى تعرفت على مصري في جورجيا يشتغل في مطعم كل شوي اجيه اباشرله بكم سيجاره وسوالف انا وياه

حسب الدولة والمدينة اللي تروح لها سياحة
فيه دول ومدن ماتحتاج خوي لانك إذا رحت لها تلقى من يرافقك ويصاحبك وتلقى أماكن فيها وناسه وفله

فيه طريقه حلوه بس ممكن ما تفيد الكثيرين
اذا كنت من هواة القراءة خذ لك كم كتاب وخله خويك معك بالسفر وخصوصا الاوقات الميته ما يحسسك بالطفش

هي على حسب الواحد بعض الناس يحبون و يفضلون السفر لحالهم و البعض الاخر لا لازم احد معه يسولف معه و يرد الصوت

بخصوص استفسارك كيف لاقدر الله وصارلك شيء

إن كنتي بالفندق الرسبشن يتكفلو بالمهمة يجيبولك اللي ياخذك بالإسعاف من غرفتك للمستشفى

وإن صارلك شيء وإنت بشقه ، إطلع بس دق عالباب تبع جيرانك أي باب تدقو مابيخلوك إلا وإنت تمام وميه الميه لو يقعدو معاك أيام بالمستشفى (المغاربه ناس شهامة فذي المواقف)

ولو كنت بالشارع وصارلك ظرف ، برضو المغاربه بيتكلفو ماعليك


وبجميييييييع الحالات جيبك هو المنقذ بعد الله لأنك إنت اللي راح تدفع على نفسك مصاريف المستشفى والأدوية !



أما إن صارلك مشكل بعيد عن الصحه ف هنا بتفسك راح تحلو ( كن عصامي )


الناس هاجرت لحالها مش بس سياحه كم يوم أو شهر بالكثير

هههههههههه
والله لا ..اللي يخاف من موت يموت بالخلعه هههههه
من بعد واش انت غادي تجلس بوحدك مكاين كبي.
واحد المره كنت ناعس في يناير وحدايه كبي.. جاني وجع فرجلي يمين فيقني من نعاس .
وفيقت ..... تكفلت وغدينا لطبيب العظام وقالي صابك بو زلوم هههههه وتشافيت حمدلله

الاخوان ردو عليك عن تجربه شخصيه
اول مره سافرت لحالي طفش وربي بغيت ارجع من ثالث يوم ويعتمد على المدينه اللي ترىحها مثلا كنت في الرباط وماكان معي سياره طفشت رجعت منها ما وقفت الا في مكتب الخطوط ابي اقرب رحله وكانت اجازتي اسبوع خلصت ثلاث ايام وطفشت طبعا السبب اللي خلاني اسافر لوحدي ما حصلت احد من ربيعي يسافر معي فقررت اسافر لوحد وكانت اول مره اسافر لوحدي طبعا جيت للمغرب قبلها 3مرات المهم ماحصلت حجز قلت اكمل الايام اللي بقت سكنت في فندق 3نجوم اغلب سكانه عوايل مغاربه وارتحت فيه اتفقت مع تكسي يمرني كل يوم يمشيني وكازا مدينه كبيره تنبسط فيها ًً الين رجعت كانت التجربه مثيره وجميله رغم غرابتها
ثاني مره بعد سافرت لوحدي بس اخذت كتاب واجرت سياره يوم في كازا و ا5ايام طنجه تعرفت على شاب مغربي وخليته مرشد سياحي ولفينا الشمال الكتاب قزيت منه سطرين لان كنت برا طول الوقت هههه
طبعا قبل لا تسافر لوحدك لازم تخبر احد من جماعتك وين رايح كرت يحمل معلومات عنك وعن ارقام التواصل واذا الرحله اكثر من 10ايام بلغ سفارة بلدك بمكان تواجدك وارقامك والحافظ الله