عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


تجارب الاعضاء في المغرب اكتب تجربتك سواء سكن من فنادق , منتجعات , شقق ..ومواصلات كشركات تاجير سيارات..خطوط طيران

تجربتي في مراكش اوليفار بالاس .. اقادير المارينا

إضافة رد
مزغوط صحراوي
مزعوط جديد
المشاركات: 19
تاريخ التسجيل: Dec 2019
مزغوط صحراوي غير متواجد حالياً  
قديم 2020-03-14, 07:03 AM
  المشاركه #1
Post تجربتي في مراكش اوليفار بالاس .. اقادير المارينا

سلام عليكم
اسعد الله صباحكم / مساكم يامزاعيط

اول شي احب اشكر جميع اعضاء المنتدى على تعاونهم في تبادل المعلومات والتجارب .
ثاني شيء الصراحة ماهي اول سفرة بس هذي اول مره اطرح فيها تجربتي واتمنى افيدكم .

رحلتي كانت قبل اسبوعين بالضبط رتبت رحلتي تكون كالآتي ٣ ايام مراكش ٩ ايام اكادير
حجزت عن طريق الاخت صباح ورقمها بالمنتدى وماقصرت صراحة بالتعامل وتأكيد الحجز حتى انها كانت حاطه الحجز باسم منتدى مزاعيط :)
وصلت لمراكش وكانت الفله جاهزه واستقبلتني الاخت ناديه في الاستقبال وكانو بانتظاري والفله عبارة عن ٣ غرف

التعامل كان جداً راقي واحب اشكر الاخت نادية جزيل الشكر
الايجابيات والسلبيات قبل اذكرها هنا ذكرتها للاخت نادية

الايجابيات :
اثاث جديد كامل وهذا ماكنت احرص عليه
المصداقية خصوصاً في التشك اوت .. عكس استغلال البعض ( دون ذكر اسماء )
الفلة كانت مريحة بشكل كبير بالنسبة لي
الامان عالي
الخادمات اللي تعاملت معهم كانو اطيب من الطيبين
المنتجع كله ايجابي ماعدا ماسوف اذكره

السلبيات :
الموقع شوي بعيد تقريباً ١٥ كيلو عن الدبليو على طريق اوريكا
عزل الستاير لم يكن ١٠٠٪؜ يعني لاطلع عليك الصبح منت قادر تعتم الفله
الشطافات تتواجد في الدور الارضي و لاتتواجد في الغرف
مشكلة واجهتها ولا اعلم هل هي في فلتي فقط او في كل الفلل اللي هي ظهور نمل لي بالغرفة بشكل فضيع :(


كتقييم عام للمنتجع وحسب خبرتي وسكني في اكثر منتجعات مراكش اعطيه ١٠/٨ وان شاءالله اذا تفادو العيوب ماراح اتوجه لغيره ان شاءالله


خلصت من تجربة مراكش والان بتجربة اكادير

والمارينا وماااااا ادراااك ما المارينا
لم تكن المره الاولى في سكني في فندق المارينا

ايجابيات :
الامان العالي
المطاعم والكفيهات تحتك على طول يمديك تروح لها برجولك
مطله على البحر
الاثاث ١٠/٦

السلبيات :
طلب الاكراميات من الموظفين .. لدرجة ان واحد فيهم اذكر نزل عفشنا واغراضنا وقعد يبلشني كل يوم يبي الـ ١٠٠ درهم ويجي يبي يضايقني بالصوت عالي وانا ادري ان السماعه هذي مسموح فيها لكن يبي الاكرامية وماقصرت على الصوت الى ماسافرت وما اعطيته .. لاني ما احب هالنوع ان ماجا شي من طيب خاطري مانت ماخذ مني لو تحب نجوم السماء

الخادمات تنظيفهم من ١ - ٣ ظهراً ، يعني اذا قمت بعد هالوقت محدن منظف غرفتك يابوالحبيب شمّر عن ذراعك ورتب امورك :)
التشك اوت احسب حساب الفوطة دايم يقولك تالفة وادفع ٢٠٠ درهم يالذيب
ستارة الصالة عزلها ماهو ١٠٠٪؜ يعني اذا انت جوك ظلام دلقس ماتصلحلك < دلقس يعني مره
هذي السلبيات اللي ذكرت مادري لو نسيت منها شي وان شاءالله اني ما اتوجه له بعد هالمره

هذي تجربتي بالسكن في سفرتي و رجعتنا الكورونا الله يحمينا وياكم منها :)


تقبلو تحياتي مزعوط صحراوي
رد مع اقتباس
حامض_حلو
مزعوط نشيط
المشاركات: 142
تاريخ التسجيل: Jan 2020
الدولة: أفضل بلد في العالم السعودية
حامض_حلو غير متواجد حالياً  
قديم 2020-03-15, 09:15 PM
  المشاركه #2
مشكور على التقرير
وذكر العيوب والسلبيات أمانة وليست تقليل أو تطبيل..

فصاحب الحلال مطالب بالتحسين مقابل السمعة والسعر، والمستهلك يريد معرفة الأفضل والأنسب والأنظف والمميزات والإيجابيات وبعدها يقرر

بس ماذكرت لنا أسعار السكن في مراكش واكادير

وترجع بالسلامة
رد مع اقتباس
مزغوط صحراوي
مزعوط جديد
المشاركات: 19
تاريخ التسجيل: Dec 2019
مزغوط صحراوي غير متواجد حالياً  
قديم 2020-03-16, 04:45 AM
  المشاركه #3
مرحبا اخوي حامض حلو

صدقت ياغالي ويعلم الله اني متحري الدقة والله على ما اقول شهيد في كل حرف كتبته والمحسن نقول له احسنت والمسيء نقول له اسأت

من ناحية الاسعار طبعاً الكل يعرف انها تتفاوت من موسم ل موسم

اوليفار بالاس سعر الفله ٣ غرف اخذتها عن طريق الاخت صباح بسعر خاص لاهل المنتدى ب ٤٠٠٠ درهم

وفندق المارينا اخذته عن طريق صاحبي في اكادير ب ١٨٥٠ شقة غرفتين وصالة
رد مع اقتباس
y666
مزعوط مبتدء
المشاركات: 39
تاريخ التسجيل: May 2019
y666 غير متواجد حالياً  
قديم 2020-06-05, 08:00 PM
  المشاركه #4
الحمد لله ع السلامة (وبإذن الله تزول الغمة عن الامة وترجع الأمور للسابق عهدها)

بالنسبة للمارينا اكادير : من مميزاته إنه عندك كل الكوفيات والمطاعم وكل شيء ف متناول اليد وما تحتاج سيارتك الا نادر.

بس عيبة الأثاث قديييم مرة والشقق اقل من المستوي ، وطلب الاكراميات بزيادة خاصة اذا معك طير ، نظام انا اللي بضبك وما راح ي احد قولك شيء ، بالإضافة انه اغلبهم يطلب بشكل يومي وبشكل مزعج.

صار لنا موقف مع طير ، وحاول يأخذنا بالصوت (حاولنا نتدارك الموضوع لا يكبر ، وتسبب لنا ازعاج واتفقنا وراحت ، جاءنا ما ادري هو سوبر فايزر ع السكورتي او سمسار وسألنا وش صار ، وشرحنا لنا الموقف وقلنا تداركنا الموقف تجنبً للإزعاج والأفلام ، قال أي شخص ما يعجبكم او يلف ويدور عطنا خبر وحنا نعرف للعينات هذي ونمشيها ع الطريق الصحيح ، ف اللي فهمت من كلامة انه يمر عليهم أفلام الطيور ، واي شخص يلف ويدور يعرف له ، بس ما عرفنا الا متأخر ههههه) ،

لان وقت الايجار قال انتبهوا ولا تلفتون الانتباه ، لان العمائر هذي عوائل مغربية ، ووقتكم إجازة عند المغاربة ، ف الكل هنا عوائل.
رد مع اقتباس
 الصورة الرمزية ابو سمير
ابو سمير
مزعوط فضي
المشاركات: 865
تاريخ التسجيل: Nov 2019
الدولة: الرياض# مراكش❤️
ابو سمير غير متواجد حالياً  
قديم 2020-07-19, 06:06 AM
  المشاركه #5
الحمدلله على السلامه ومشكور على التقرير طرح جميل ومتخصر ومفيد
رد مع اقتباس
السائح المثالي2
مزعوط نشيط
المشاركات: 128
تاريخ التسجيل: Sep 2019
السائح المثالي2 غير متواجد حالياً  
قديم 2023-07-08, 03:07 AM
  المشاركه #6
اولفيار بلاص هو نفسه اوليفار بلام

هذا

خرائط ‪Google‬‏‏
رد مع اقتباس
Exquisite
مزعوط جديد
المشاركات: 6
تاريخ التسجيل: Oct 2021
Exquisite غير متواجد حالياً  
قديم 2023-09-02, 12:56 PM
  المشاركه #7
حجز المارينا عن طريق من؟
رد مع اقتباس
الكابوس
مزعوط مميز
المشاركات: 389
تاريخ التسجيل: Dec 2021
الكابوس غير متواجد حالياً  
قديم 2023-09-06, 09:52 AM
  المشاركه #8
لاتستامن احد

استاجر منهم دايرك
رد مع اقتباس
Yuoesf
مزعوط جديد
المشاركات: 15
تاريخ التسجيل: Oct 2020
Yuoesf غير متواجد حالياً  
قديم 2023-10-25, 08:34 PM
  المشاركه #9
استاجر منهم بدون سمسره بيكون ارخص
رد مع اقتباس
wadaq123
مزعوط جديد
المشاركات: 19
تاريخ التسجيل: Nov 2023
wadaq123 غير متواجد حالياً  
قديم 2023-11-24, 03:20 AM
  المشاركه #10
السلام عليكم المارينا بالعاده مافيها هذي المشاكل لكن ربما ماتوفقت في الشقه لان كل سمسار عن سمسار يختلف


أرسلت بواسطة iPhone بإستخدام مزاعيط المغرب
رد مع اقتباس
إضافة رد

الكلمات الدلالية (Tags)
مراكش


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

الانتقال السريع

المواضيع المتشابهه للموضوع: تجربتي في مراكش اوليفار بالاس .. اقادير المارينا
الموضوع آخر مشاركة
استفسار عن منتجع اوليفاار بالاس في مراكش؟ 2020-02-21 05:46 PM
استفسار عن منتجع اوليفار مراكش؟؟؟ 2018-07-06 02:55 PM
سؤال عن الطريق بين كازا اقادير و اقادير مراكش 2011-09-04 11:12 PM
سؤال عن المارينا اقادير 2011-05-25 02:30 PM


الساعة الآن 08:42 AM