هل منتدى مزاعيط المغرب يحتضر ؟

المشاركة الأصلية كتبت بواسطة Rabe7

المشاركة الأصلية كتبت بواسطة نبض

مامر في هذا العالم أثر على دول العالم بأسرها ، اوقف الطيران واغلقت المطارات وتأثرت الإقتصادات فكيف لمنتدى متخصص في السفر لايتأثر
على العموم أعتقد أن المزاعيط القدامى يراقبون بصمت
والمقترح على الإدارة أن تحاول بالقيام بعمل جديد محفز للأعضاء كتذاكر سفر او اقامات فنادق او توفير مايحتاجه المسافر في المغرب كخصم معين او الاستفادة من المعلنيين بأن يكون للمنتدى نصيب من الخصم والنسبه
هذا على سبيل المثال ولو عملت الإدارة على هذا الموضوع لأصبح ايقونه يقصدها الجميع عندما يذكر اسم المغرب

المشاركة الأصلية كتبت بواسطة The only one

أوافقك الرأي بخصوص النقطه الأولى
ولكن اختلف معك بخصوص الاقتراح وحسب وجهة نظري والسبب وبكل صراحة يعني حتى التقارير القديمه اللي كانت تنحط اغلبها حبتني وحبيتها وماكانت تفيد السايح بشي أبد ومع إحترامي لأصحابها أعتبرها مجرد حشو مواضيع إلا بعض التقارير النادرة جدآ وفيه بعض المعلومات كنقاط كانت تذكر بالمواضيع لبعض الأعضاء مثل ابو سيف الخيماوي وابو صلاح وعمر الفاسي ورافا وأعتذر عن البقيه اللي ماحضرتني أسمائهم

وبالنسبه لاختفاء الأعضاء القدامى وممكن بعضهم يكونون متابعين بصمت سبق وقلتها فوق بسبب السياسه المتبعه بكتابة المواضيع والردود ونتمنى إنه تتعدل للأفضل


أخيرآ المعذرة اخوي ابو صلاح شطحت بموضوعك

المشاركة الأصلية كتبت بواسطة ابو صلاح

خذ راحتك ورأيك على العين والراس ..
على فكرة انت واحد من اللي حببوني بالمنتدى بخفة دمك وتعليقاتك الخفيفة على القلب .

تعجبني مقولة للدكتور الغذامي يقول فيها:
( قل رأيك ولاتبالي شرط أن تقول هو رأيي أعرضه ولاأفرضه)

المشاركة الأصلية كتبت بواسطة ضاري٢٠٢٠

الغذامي

المشاركة الأصلية كتبت بواسطة الزحزاح

موضوع جميل جدا..



انا كنت ادخل هنا كزائر اول مابديت اسافر للمغرب في ٢٠٠٩ ..



صحيح ان المنتدى ما زال عامر ولكن ماهو مثل اول..



واعتقد ان اهم سبب بغض النظر عن جائحة كورونا .. واقولها على أساس اني من السعودية:



١- ارتفاع التكلفة المعيشية بالسعودية - ( بنزين وفواتير الكهربا و الضريبة ٥٪ ناهيك على انها صارت مؤخرا ١٥٪ مع الغاء بدل غلاء المعيشة ). وهذا السبب تحديدا هو اللي ادى الى العزوف عن السفر وبالتالي تقل الحاجة للدخول والمشاركة بالمنتدى.. يعني باختصار

ما اقدر اسافر .. ادخل المنتدى احرق نفسي وقلبي ليش!!



ال ٢٠٠٠ او ٣٠٠٠ اللي كنا نقدر ندخرها او ندخل بها جمعيات - كطبقة متوسطه- ايام اول .. الحين بالموت ينتهي الشهر ويبقى معك ٣٠٠ ريال



نختصر السبب الاول ونقول: تكلفة المعيشة أدت للعزوف عن السفر مما أدى للابتعاد عن المنتدى!



٢- عودة مصر للواجهة من جديد بعد ماحدث في ٢٠١٠.. مصر ارخص واقرب وبالتالي تذاكرها ارخص والسكن فيها ارخص بمراحل..



فاللي يعاني من السبب الاول.. ويبغى يسافر بأي طريقة .. يجد مصر افضل الخيارات المتاحة امامه قياسا على الظروف المادية اللي نمر فيها كشعب سعودي واخص بالذكر الطبقة المتوسطة و مادون!!



فلهذا انا ارى ان هناك ركود ليس في المنتدى فقط بل حتى إلى السفر إلى المغرب عموما!



والمشكلة ان الإخوان في المغرب ما بادروا ولا حتى ساهموا في ايجاد حل لهذا العزوف..

فالاسعار هي الاسعار ، هذا اذا ما ارتفعت اصلا..



والحين مع ١٥٪ ضريبه والغاء بدل الغلاء + ازمة كورونا اللي بتخلي الكثير منا يفكر الف مره قبل لا يسافر - طبعا انا مو منهم خخخ- راح يزيد العزوف اكثر واكثر.



والشاعر يقول:



مصائب قوم عند قوم فوائد..



الناس اللي - تبارك الله - جيوبهم راهيه .. راح يزين لهم الجو هناك بحكم قلة عدد السياح

واللي ما يشتري يتفرج!



اخيرا .. شكر جزيل للإدارة اللي ما زالت صامدة وناجحة بالرغم من تواجد منصات التواصل الاجتماعي..!

المشاركة الأصلية كتبت بواسطة The only one

احسك مدرعم وخلطت الحابل بالنابل
لأن اللي أشوفه المنتدى يحتضر من قبل ازمة كورونا بكثير وقبل زيادة الضرايب فالزياده ماتمت الا في بداية شهر جولاي يعني ماكملت شهر بالضبط والطيران مقفل من منتصف شهر مارش ولحد الآن لم يفتح مجال الطيران الدولي .
وأنا معاك في كلمتك بأن الضرايب والغاء بدل المعيشه والزيادات اللي صارت ممكن قد يكون سبب في إنخفاض عدد المسافرين عن ماقبل وليس إنعدامهم أو مثلآ اللي يسافر اربع او خمس مرات بالسنه يقلصها لمرتين او ثلاث.