: (766):
مايجوز البعد ياخلي وما
يستوي تهجر وانا قلبي هواك
في مرابع خافقي حبك نما
في عيوني تبتدي قصة غلاك
انت كوني انته أرضي والسما
بيدك الراحه وفي عينك هلاك
مادريت ان الحلا يروي ضما
لين ربي ساق لي جملة حلاك
في يمين الرمش عوقي لو رمى
وفي يساره أرتشف جرعة دواك
عن قلوب الناس بي حبك سمى
معتلي قدرك ولاشي(ن) علاك
أفتديك بنبض روحي والدما
وأفتدي زلاتك وأفدي خطاك
تحتريك عروق قلبي كلما
غاب طيفك واظلمت عني سماك
ليت عيني يصيبها دونك عمى
ومايرد الشوف بي إلا معاك