جيت الطبيب

جيت الطبيب وقلت أنا انسان مرضان = وفحص علي وقال قرحـه وقالـون
وجاب الحبوب أصناف واشكال وألوان = قال أكل هذي قلت مانـى بمجنـون
قال أنت تلعب قلـت مانـي بسكـران = أكل حبوب (ن) جبتها ملي كرتـون
ومشيت من عنده معصـب وزعـلان = وجيت المطوع قال أخذ زيت زيتون
قلت السبب قال أنت بالحيـل تعبـان = عندك قلق ومصارعة جن وعيـون
قلـت الله أكبـر يامطـوع سليمـان = ياللى تبيع الزيت والنـاس يشـرون
يمديك من بيعـه مطنطـخ وفسقـان = ويمدي رصيدك فوق عشرين مليون
قال أنت صاحي قلت صاحي ياوجعان = أنـت وطبيبـك كلبوكـم تهلسـون
أنا بلايه من هـوى خـدر الأعيـان = أشحن غلاه وخاطرى منه مشحـون
أتلى العهـد بـه يـوم روح مسيـان = عصرية الجمعه على جيب صالـون
جيتـه موقـف عنـد كبـري بنبـان = فى جيبهم تهريب علبـة دركسـون
وعطيتهم جيك(ن) من الزيـت مليـان = قالوا نبـى نعطيـك رقـم التلفـون
وفطنلـى السـواق والعلـم نيـشـان = قال امش قلت أبنتظر ليـن تمشـون
وتابعتهم والجيب مسـرع وعجـلان = أذنهـم فاحـدى المحطـات يقفـون
وعلى مغيب الشمس مع وقـت الأذان = قلت أنهم حول أم سـدره يصلـون
وسريت معهـم ليـن وازنـي أبـان = ولفيـت للبتـرى وعيـوا يلـفـون
واخذت رقم الجيب ابي منـه عقـلان = وروابع المشتاق من دون فـى دون
وجيت المرور وقلت وان آجـده وان = عطونى برنت(ن) مصدق ومضمون
وقالوا من أنت وقلت أنا بدر شامـان = فى حب هالمجمول مغـرم ومفتـون
قالولى الحاسـب لـه أيـام عطـلان = وليشتغل تأمرنا أمر يابـن ميمـون



الشاعر / بدر بن شامان بن عالي الشيب الميموني المطيري
للمزيد من مواضيعي

صح لسانك .. يالميموني

ورحم الله والديك

كلمات .. بحق !!

رائعــة .. لا عدمناك ،،

__________________

لا تنتظر حبيباً باعك
وانتظر ضوءاً جديداً يمكن أن يتسلل إلى نبض قلبك الحزين
فيعيد لأيامك البهجة ويعيد لقلبك نبضه الجميل
نـبـض الـقـلـوب