قصيدة بعنوان / من ذاق لحم الريم عاف البعارين
ياسامع مني نصيحة وبرهان *** لشبابهــا وشيبانهــا والبخيليــن
خسران ياللي تجمع المال خسران *** ماتنفعك دنياك والعمر سبـــــعين ولـــدك مـــرتاح بهـا وانت شقيـــان *** عندك عجوز وجامع لك مــــــلايين تجي من اعمالك إلى البيت زهقان *** تبي قدوع وقهوة وشاهـــــي زين تطلب غداك من الفجر وانت جوعان *** قطعة دجاج مثلج ورز بصـــــحين زوجتك عجوز كالهزيلة من الضــأن *** تلج وتخاصم تقل تطلبــــك ديــــن تشكي ضهرها والمفاصل وسيقان *** والضغط والسكر مع منطق شين وعيال بنتك عندها تقــل فيـــــران *** تخرب كما خرب سد مأرب شياطين تكســـــر فناجيل ودرايـش وبيبان *** صجــة ولجـــة عنــد وجهك وبزارين قم واستعذ بالله من كل شيطــان *** اظهــر وخــل البيت وانــص الديايين تلقى سماط وكبسه ولحم خرفان *** من رأس مالك يخصمونه من الدين متع حياتــك قبـــل يارثك قطــعان *** لاشاف جثمانك على القبر بكفيــن يأخذ بناتك والمــــهر منه طفــران *** يتهنى بمالك وأملاكك والملاييـــــن ويفرش له فراشك وبيتك له اسكان *** يتنعم بثروتك وحلالك يامسيكين تزوج الأبكـار مادمـــــت شبـــعان *** وأم العيــال في بيتــــها والبــزارين اغنم وخذلك بنت بكر على شــأن *** تلقى بساتين ثمرها فيتــــــــــامين وكل ما اقبلت تفز ولو انت تعبان *** تعطف عليك وتهمزك بملس اليدين وإن جاء عجوزه نام عند ام عثمان *** من ذاق لحم الريم عاف البعارين تمتع بدنياك حيد ال عمـــــر فان *** اكرم عيالك والرحم والمســـــاكين لابد من يوم تحزم بالأكفــــــــــان *** وتحط في قبر على عمق مترين اموالك جمعتها بمساهمات وبنيان *** وتراك مسئول عن الزين والشين ينعم بها الوارث بنات وصبيـــــــان *** وعيال بنتك يوم الأحزان فرحــين مالك سوى ما أكلت وأبليت وإحسان *** على الفقير وطعت ربك على الدين وصلوا عدد ماعلت السحب وديان *** على النبي اللي هدانا إلى الدين. . |
رد: قصيدة بعنوان / من ذاق لحم الريم عاف البعارين
صح السانك على القصيدة الجزلة تزوج الأبكـار مادمـــــت شبـــعان *** وأم العيــال في بيتــــها والبــزارين اغنم وخذلك بنت بكر على شــأن *** تلقى بساتين ثمرها فيتــــــــــامين |
رد: قصيدة بعنوان / من ذاق لحم الريم عاف البعارين
اخوي ابن مراكش اشكرك على المرور
|
رد: قصيدة بعنوان / من ذاق لحم الريم عاف البعارين
صح لسانك
قصيدة رائعة |
رد: قصيدة بعنوان / من ذاق لحم الريم عاف البعارين
ينعم بها الوارث بنات وصبيـــــــان *** وعيال بنتك يوم الأحزان فرحــين مالك سوى ما أكلت وأبليت وإحسان *** على الفقير وطعت ربك على الدين تسلم ولد قطر على هالقصيدة الجزلة |
رد: قصيدة بعنوان / من ذاق لحم الريم عاف البعارين
اخي السفير اشكرك على مرورك
|
رد: قصيدة بعنوان / من ذاق لحم الريم عاف البعارين
اخي الوافي اشكرك على متابعتك مواضيعي تقبل تحياتي وشكري
|
الساعة الآن 11:53 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط