عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


موضوع مغلق
موقوف
المشاركات: 9,326
تاريخ التسجيل: Mar 2011
الدولة: بلاد الكفار
Nadosh غير متواجد حالياً  
قديم 2011-07-07, 10:41 PM
  المشاركه #1
Thumbs up قصيدة الشمعة(من روائع الزجل المغربي)





له يا الشمعة سألتك ردي لي سآلي
واش بيك فالليالي تبكي مدى انت اشعيلا
*****
علاش يا الشمعة تبكي ما طالت الليالي
وش بيك يالي تتهيء لبكاك فكل ليالي
وعلاش كتباتي طول الديجال كتلالي
واش بيك يا لي ما رينا لك فلبكا امثيلا
علاش كتساهر داجك ما سهرو نجالي
واش بيك يالي وليتي من ذا البكا عليلا
وعلاش باكيا روعتي ناس لهوى امثالي
واش بيك يا لي تنصرفي بدرارك الهطيلا
علاش باكيا وانت فمراتب المعالي
واش بيك يالي فيك اوصاف العاشقين صلا صلة
وعلاش باكيا مدالك للباكي وسالي
واشبيك يالي ظاهر حالك حالة لى وحيلا
اذا نشوف لصفرارك يصفار لو خيالي
واذا نشوف دبلتك زادت لخاطري دبيلة
*******
سألتك بالله عيد لي اش جرالك
وعلاش باكي لمدا لك
واش كان قصتك واش نهوا داك
اش نهو داك باش رق خيالك
وكمن قامتك حنحالك
وتبات باكيا لحبابك وعداك
لي دون خفا احكي بما فدخالك
وروي قصتك نصغى لك
وانا قصيتي بها نتعداك
لو جيت يا الشمعة نحكي لك كل ما اجرى لي
تنسى غرايبك وتصغي لغرايبي طويلا
اذا باكيا من نارك نيران في ادخالي
عدات كل نار فذاتي وجوارحي عليلا
واذا باكيا باسقامك شوفي اسقام حالي
من قيس وارثو بعد فناه اسقام حب ليلى
واذا باكيا بفراقك مفروق عن اوصالي
وعلى الفراق صابر وش صبرني على لعقيلا
وانت منين جاك تحكي لي اولي وتالي
ما فارقة خليل بحالي ما فارقة خليلا
تقول باكيا عند خيام السمر والليالي
ولا على بطاح وما دار فمقام ليلى
ولا على فراق الي عشق حيها بحالي
عربان آمنوا بالمختار شحال من قبيلا
سللتك لله عيد لي ما اصابك …….. اش كان سبتك فمصابك
لي احكي خطابك وانا نصغاك
يستغرب من لا تحدثو بخطابك……. الغريم فاللغا يسطابك
ويجول في حديثك وجواب لغاك
لو كنت ذات شاكية بعذابك……… يرباوا بالدموع اهذابك
لو كان ليك تصرخي بلغاك
بلسان حالها قالت لياما اخفاك حالي
يكفاك يا السايل عن حالي حالتي وحيلا
في صولة العمالة كنت وكانوا لي رجالي
قبايل لجناح لا تحكي كيفها قبيلا
يشيدو بروج من لعمالة كل برج مالي
ويعمروا بروج من مواهب ربنا جزيلا
فيهوم كيحجبو كيف الملوك فالليالي
وايام الربيع يخرجوا للبطايح الحفيلة
طلاب جاو ا هزمو بالحامية ابطالي
تركوني بعد العز فحالتي ذليلا
وليت للعصارة شهدة صفاوا من امصالي
صابوه قوت ودوا للذات الفانية العليللا
ومن امصالي صفاو شماعي يا لي صغا لي
وحكايتي للقدام القصة باقيا طويلا
***************
اسايلني يتدبروا لمسالك ……… تركوا حشاي في هالك
لو كان من الهند قوامي تهلاك
داروني فتخوت زي ما يبدا لك ……. تبغي فقلبها عذالك
يتختوا حتى اسمتواو بلاك
وخرت من لتخوت لمهالك ……لقساوة الشموس كذلك
ذاتي يقصروا بهواجر وفلاك
وعلفتيل لفو توراقي يا لي صغا لي
وبلا هوادة شعلوا فمواسطي فتيلا
ومتون من اطرافي تنشيها بلا عوالي
ونلوحها على الحسكة قطرةصافية صقيلا
نتفكر لعمالة وتزيد افراقها نكالي
نتفكر القصرة ونعود قلايدي هليلا
نتفكر العصارة وهجير الشاردة قبالي
ونقول وادب بكاي على ما صار لي اقبيلا
يحق لي بكاي على الغربة ما وجدت والي
في مسلمين حبابي وسلامتي قليلا
شحال منهلاك جرى لي كيف ما نبالي
يا شوم ليعتي وبكايا وصادفت كل حيلا
شحال من عذاب جرى لي اما الشعيل تالي
هذا عشور فالواقع بيا غاية القتيلا
سال اهل الحضرة اذا فرقت ابطالك
وقبايل الجناح رجالك
راك مع ارجالن يزهاو معاك
بفنهوم يدركو ما يزها لك…… وعلى السرور نادى فالك
وديار كيراعيوا كما يرعاك
بيك يسهر فكل داج الحالك….. واذا ينصرف مشعالك
تدعي بالفراق ويقبال دعاك
تبات يا الشمعة تبكي وانت فشان عالي
وجدوك يا الشمعة فمجالس رايقة حفيلا
وتبات يا الشمعة ترتي فضريح كل والي
وفشحال من مقام يشعلوك اهل الوسيلة
وتبات يا الشمعة بين اهل المال والموالي
وعليك كيصرفو الاموال الطايقة الثقيلا
وتبات يا الشمعة فمساجد ربنا العالي
وعليك كيخرجو السلكات فليلة الفضيلة
وتبات يا الشمعة بين اهل الشرح والامثالي
وعليك تنشرح كتوب بازغة جميلا
وتبات يا الشمعة بين العشاق ولغوالي
وعليك كيشاهد الخليل محاسن لخليلة
نبغيك با الشمعة تبكي في الحرة الليالي
وانا على ذنوبي نبكي فمقام دار ليلى
ذكرني يا حبر اللغا بشعارك …… لي يخبروا بخبارك
يدريو من يكون سواي وسواك
ناري نحكيها لكم لعشور فنارك…… وسرارها تجي لسرارك
قصة من قصايص عشقك وهواك
فاش يجيوا يقلبو دينارك…… من خالص الذهب عيارك
يخفى على الذي ما داواه دواك




للاستماع اليها بصوت مجموعة جيل جيلالة






اهداء لكم كلكم: (153):

نبض المزاعيط

المشاركات: 1,259
تاريخ التسجيل: Jun 2011
الدولة: نبض قلبها
نبض القلوب غير متواجد حالياً  
قديم 2011-07-08, 12:17 AM
  المشاركه #2
رد: قصيدة الشمعة(من روائع الزجل المغربي)

المتميز بالأحساس والذوق الرفيع

نادية

سلمت اناملك الذهبيه على ماخطته لنا

اعذب التحايا القلبية لك ،،،
__________________
لا تنتظر حبيباً باعك
وانتظر ضوءاً جديداً يمكن أن يتسلل إلى نبض قلبك الحزين
فيعيد لأيامك البهجة ويعيد لقلبك نبضه الجميل
نـبـض الـقـلـوب

لايعرف الحب إلا كل من عشقا .. وليس كل من قال اني عاشقا صدقا

موقوف
المشاركات: 9,326
تاريخ التسجيل: Mar 2011
الدولة: بلاد الكفار
Nadosh غير متواجد حالياً  
قديم 2011-07-08, 12:20 AM
  المشاركه #3
رد: قصيدة الشمعة(من روائع الزجل المغربي)

يسلمووو
مرورك الاروع اخي
موضوع مغلق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
اغنية الشمعة شيخة المزيونات اغاني مغربية - اغاني مغربية mp3 - موسيقى 0 2014-06-01 04:02 AM
من روائع الداودية ! Tourist اغاني مغربية - اغاني مغربية mp3 - موسيقى 7 2012-08-15 12:29 PM
مالي ومال الشمعة mimi اغاني مغربية - اغاني مغربية mp3 - موسيقى 4 2012-04-09 03:33 AM
من روائع الفن المغربي الأصيل أبو لدغة اغاني مغربية - اغاني مغربية mp3 - موسيقى 3 2011-10-16 12:39 AM
قصيدة الشمعة الوهج ٢ الاستراحه 6 2011-06-03 02:09 AM


الساعة الآن 10:17 AM



1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59