مزاعيط المغرب - السفر الى المغرب

غدي نقدم لكم ليوم طبق مغربي لذيذ وأصيل.

الرفيسة
ولكن هاد المرة بعينيها ماشي ديك الرفيسة العمية الاخرى: (480):
لهد الأكلة الجميلة كانحتجو :

اول حاجة هي المسمن او التريد وكل واحد كيف تيسميه على حساب المنطقة

انا غادي نحط ليكم تصاور كيفاش تيتصاوب باش تستافدوو تعرفو على هاد الاكلة التقليدية المغربية

بسم الله نبداوو

مني كنعجنو العجينة والعجينة غالبا تتكون غير دقيق والماء والملح على حسب الرغبة وتخلط بالماء دافي او بارد الى حبيتوو

مني تنعجنو العجينة مزيااان وتنخليها شوية مرخوفة

https://www.mza3et.com/up/uploads/im...84fbc24e35.jpg

كنبداو ناخدو شوية من العجينة

https://www.mza3et.com/up/uploads/im...433ae690a5.jpg

ومن بعد كنطيرو لعيها بقجة هههههههههههههههه

https://www.mza3et.com/up/uploads/im...82e02b3911.jpg

وكنصنعو كويرات صغار فحال الى في صورة

https://www.mza3et.com/up/uploads/im...45d59242a2.jpg

من بعد تنسرحو الكويرة في القصرية مع شوية الزيت حتى تتولي فحال الورقة

https://www.mza3et.com/up/uploads/im...3df2e4b2fb.jpg

من بعد مني تنكونو سخنا الحديد او المقلة تنحطوها فيها مباشرة

https://www.mza3et.com/up/uploads/im...27eadbebed.jpg

وتنبقاو نحطو العجينة على شكل طبقاات هدي اسهل طريقة
ومناحاولوش نطيبوها بزااف غير تتحمر شوي وصافي يعني ماتحرقش

https://www.mza3et.com/up/uploads/im...c0a6fc8061.jpg

في الاخير تنحصلو على التريد فحال هكاا

https://www.mza3et.com/up/uploads/im...c0a6fc8061.jpg

تنفرتووه على شكل قطع صغيرة
وحاجة المزيان انه تقدرو تخليوه يتجمد في المجمد ووقت ماحتاجيتوه تجبدووه

وتفوروه في الكسكاس

https://www.mza3et.com/up/uploads/im...338490885b.jpg

ندوزو دبا لطريقة تحضر المرق باش غادي نسقيووو
وتتختلف الطريقة من منطقة لاخرى
وعلى حساب كل مدينة واش تيستعملو انا جبت لكم الطريقة الشائعه اكتر لاكن الاختلاف ووارد

بالنسبة للمرق تنتحتاجو

دجاج، بصلة مشنفة، ثومة، عدس، ملح، ابزار، سكنسجبر، خرقوم، راس الحانوت،

زعفران حر، سمن، زيت بلدية، زيت رومية

أول مرحلة هي ترقاد الدجاج

في كوكوت، كنديرو الدجاج والبصلة والثوما أنا كنديرها صاينة باش كنزولها في الأخير

https://www.mza3et.com/up/uploads/im...f030693656.jpg

كنزيدو نصف كاس من الماء ونحرك مزيان

https://www.mza3et.com/up/uploads/im...01f5cf7a7f.jpg

كنزيدو العدس مغسول (وكين الى تيضيف المساخن وكذلك الحلبة ولكن مانصحكمش فيها خصوصا في الصيف)ونخليو كلشي يتشحر لمدة 2 سوايع على الأقل

https://www.mza3et.com/up/uploads/im...0279840249.jpg

ملي كنبغيو نطيبوا كنزيدو سمن وزيت ونشحرو كلشي فوق النار

https://www.mza3et.com/up/uploads/im...d0bd5a8a75.jpg

مممممممممممم ريحة بدات تعطي وصلت للجيران مع التشحار

https://www.mza3et.com/up/uploads/im...5314064af4.jpg

كانمرقوا الكوكوط ونسدوا على دجاج تيطيب

https://www.mza3et.com/up/uploads/im...e1fec69942.jpg

وبالصحة والراحة تفضلوووو

https://www.mza3et.com/up/uploads/im...e51986b84d.jpg

للتذكير: هد الاكلة ضرورية لكل امراة نفيسة يعني من التقاليد المغربية المراة مني تتولد تنحضرو ليها هد الاكل لمافيها من منافع وخصوصا من تنضيفو ليها المساخن والحلبة والهلم جرة