رحلتي للمغرب و مفاجآت مراكش (( مظاهرات 20 فبراير ))

P a i n © · رقم المشاركة : ( 1 ) 07-16-2011, 01:09 PM

رحلتي للمغرب و مفاجآت مراكش (( مظاهرات 20 فبراير ))

السلام عليكم

مرحبا بيكم كاملين

اول شي حبيت انوه لجميع المزاعيط هذا اول تقرير اكتبه في حياتي

يعني من الحين لحد يلومني على اي خطأ املائي او اي معلومه ناقصه

تفاصيل الرحله :

الناقل : طيران الامارات ( مطار دبي )

المسار : دبي _كازا_ دبي

التاريخ : 16/2/2011 والعوده 2/3/2011

المدن : المحمديه .. مراكش .. اكادير .. منتجع مازيكان في الجديده .. وفي الختام كازا

الحلقه الاولى :
(( السفر للمغرب ))

فكرة السفر للمغرب بدت من شهر 11 من سنه 2010
بعد ما كلمني صاحبي بموضوع السفر للمغرب
وانا كنت مستبعد الفكره نهائيا خصوصا اني كنت مشغوول في هذي الايام
في الدوام وامور اخرى خاصه ... المهم .. قرر اثنين من اصحابي السفر للمغرب
بنفس التاريخ الموضح اعلاه وانا كنت رافض الفكره وعلى اساس اني ما راح اطير
معاهم ... مرت الايام وقرب موعد الرحله ولا زلت رافض الفكره بالرغم من اصرارهم

تخيل عزيزي المزعوط قبل تاريخ السفره بـ 7 ايام اقتنعت وقررت اسافر معاهم
ما ادري شو اللي صار بس فجأه حسيت اني متحمس وابي ارووح اغير جو عالاقل
يعني ما كنت متوقع اني راح اكشنها في المغرب بس كنت ضايق وابي اغير جو

احلى مافي الرحله انو الجماعه مرتبين كل شي وانا ماباقي لي غير اني احجز تذكره
واجهز نفسي واخذ شنطتي وعالمطاااار

مطــار دبي :

توجهنا لمطار دبي الساعه 4 الفجر وكنا 3 اشخاص وانا اثنين من اصحابي علما بان موعد الرحله الساعه 8 و نص الصبح بتوقيت الامارات ..

المطار فاضي تقريبا .. مافي اي زحمه عالكاونترات .. الحمد الله
الى الآن الامور طيبه ...
ختمنا الجوازات في الكاونتر المخصص ل مواطني الامارات و مواطني دول مجلس التعاون
يعني ما تاخذ لك اكثر من دقيقه ولله الحمد ..

مرين على السوق الحره في مطار دبي على اساس ناخذ عطور و دخان
وعصير .. لكن صاحبي الفيلفسوف اللي ضيعنا وضعنا معاه قال العصير
في المغرب موجود في كل مكان و ارخص من عصيرنا ..

المهم .. خذت مجموعة عطور .. استعمال شخصي والباقي هدايا لـ اعزائنا في المغرب

تريقنا في برغر كنغ وحان موعد السفر ..

في الطياره .. (.....)من اللي حبهم قلبك اشكال و انواع طبعا كلكم عارفين
ان الامارات فيها ناس مغاربه كثار منهم (......). والشباب .. و العوائل و رجال الاعمال
وايضا سواح ..
ولذلك الطياره كانت مليانه (.....)وبناس المغريب ..قعدنا في الكراسي اللي في النص
والطياره تقريبا فيها 70 بالميه وباقي الكراسي فاضيه ..

اقلعنا وجات المضيفه و الميزه في طيران الامارات تقدر تطلب اي نوع من انواع العصير
وتجيبه لك المضيفه وتقدمه لك بكل رحابة صدر للي يفهم

وبعد ما احتسينا العصير في حانة الطياره خذت لي حبتين من اللي يحبهم قلبك
وابخها نووووومه عمييقه ...

راح اكمل التقرير اذا اعجبتكم المقدمه

وانا آسف جدا اذا بدر من اي قصوور خصوصا انو هذا اول تقرير لي في
الشبكه العنكبوتيه

فااااصل ونوااااصل

وهذي اهداء مني للمزاعيط فقط :

‪Bob Marley - Is this Love‬&rlm; - YouTube

المصدر: منتديات مزاعيط المغرب | السفر الى المغرب - من قسم: قسم التقارير المصورة و المميزة

saadora · 07-16-2011, 01:26 PM

واصل وانا متابع لك
وقابلين اي غلط املائي
المهم تواجدك و تفاعلك والى الامام يابوي
تحياتي لك
واصل و بدون فاصل

الميموني · 07-16-2011, 01:36 PM

استمر بدايه تقرير رائع
وسجلني متابع

P a i n © · 07-16-2011, 02:21 PM

PART 2 :

مطار محمد السادس ( كازا ) ..

وصلنا ولله الحمد مطار محمد السادس تقريبا الساعه 2 وربع الظهر
بتوقيت المغرب .. ما حسيت بتعب الستع ساعات في الطياره
لاني تقريبا قضيت كل الوقت نوووم ..

طبعا انا قبل لا اسافر سمعت الكثير من المضايقات اللي يتعرض لها السايح
الخليجي بالذات في المطار وكنت محضر نفسي ومستعد لاي موقف

البدايه كانت عند موظف الجوازات اللي ما تكلم معاي ابدا بس طرح علي بعض
الاسئله وجاوبته وختم لي الجواز و وتوكلت على الله ..

وبعد الختم اخذنا الاغراض والشنط ورحنا على التفتيش ..
طابووور وكل شخص يتفتش قطعه قطعه ..! قلت لا بالله اليوم ما خلصنا ..!

ولكن ولله الحمد لما جا دورنا وشاف جوازتنا على طول رحب بنا وطوفنا بدون تفتيش
التفتيش الروتيني اللي عن طريق الجهاز .. والحمد الله الامور في المطار
عدت على خير وبدون اي مضايقات ولا اي مشاكل وهذي كلها كانت دلائل على انها
بتكون سفره رايقه بدوون اي مشاكل ولكن للاسف كله كان الهدوووء اللي
يسبق العاصفه

بعدها رحنا عالكوفي اللي المطار وخذلك احلى بلاك كوفي ومعاها دافي دووف لايت
يا ويلي .. وعلى طول نزلنا تحت على محطة القطار وكان في استقبالنا ناس نعرفهم
المهم الجماعه رحبو فينا وقالو لنا بس نص ساعه ويوصل الطرين ..

واهم شي الجو الواااااااعر يا ويل حالي والله يا جماعه اللي يشم هوى المغرب ترد له الروح والشايب يرجع شباب بعيد عن الامور الثانيه اللي منها (....................) و العصاير
وغيرها والله المغرب جو خيالي ودولة سياحيه من الدرجه الاولى والواحد بس يحط رجله فيها يحس كأنه في جنة في الارض ..

فاصل صغير ونواصل

‪Said Senhaji 2011 06‬&rlm; - YouTube

الوافي · 07-16-2011, 02:50 PM

UAE الحمد لله على السلامة

سجلني متابع باول الصف

شكلنا موعودين بتقرير واعر والله لايجيب العواصف

سلم بنانك اخي الكريم على هذا الطرح الرائع

اخيك الوافي

P a i n © · 07-16-2011, 03:58 PM

part 3 :

الوصول الى المحمديه :

كنا ناويين نقضي اول 3 ايام في المحمديه وبالفعل رحنا
الى هذي المنطقه المشهووره بحرها وجوها الواعر بالصيف
وفكرة المحمديه هي من اقتراح احد الاخوان اللي ما قدر يسافر
معانا لضروفه الخاصه ..

وصلنا المحمديه واخذنا شاليه عالبحر في مجمع اسمه القلعه المنصوريه على ما اذكر
وهذي صورة من البلكونه :

مطل عالبحر :

طبعا وصلنا في يوم المولد النبوي للرسول صلى الله عليه وسلم وفي المغرب كان كل شي ساد بهذي المناسبه لمدة 3 ايام اعتقد او اكثر .. حتى العصاير اللي في مرجان سادين ..

تخيلوا يا جماعه لقينا العصير الروسي اللي خبركم .. ب 600 درهم مغربي
طبعا سوق سودا ..!! ما رضينا نشتريه وقزرنا اول ليلتين بدون عصير
.. ما رحنا مكان في المحمديه غير الماكدو
والمرجان والجو كان بااااااااااااااارد جدا درجة الحراره تووصل بالليل 4 درجات فقط وتخف تدريجيا . يعني تحس كانك في الاسكيمو

بصراحه انا ما عجبتني المحمديه خصوصا انو رايحين لها في الشتا
انصح المزاعيط بزيارتها في الصيف .. البحر عندهم واااعر و جوها بالصيف احلى واحلى

ملاحظتي عن المحمديه :

مافي كثير خدماااات .. مثل الصرف .. دخنا السبع دوخات لين ما لقينا صراف
كلهم سادين ..
ثانيا ... مافيها سهرات حلوه ..

احلى ما فيها البحر .. والجو بالصيف .. واكبر غلط انك تروح بالشتا مثل
ما سوينا ..

وبعد كل هذا عملنا اجتماع مغلق وقررنا نروح على مراكش ...!

وراح اكمل لكم بعدين .. الاكشن الحقيقي بدا في مراكش
خصوصا انو اول يوم لنا فيها كان في يوم مظاهرات 20 فبراير

saadora · 07-16-2011, 04:05 PM

واصل وانا متابع وشكراً لمجهودك و لصورك المحمدية جميلة جداً لكن اختيراكم للوقت غير موفق
واصل يابوي

P a i n © · 07-16-2011, 04:11 PM

لي عوده

P a i n © · 07-16-2011, 04:29 PM

المشاركة الأصلية كتبت بواسطة saadora

واصل وانا متابع وشكراً لمجهودك و لصورك المحمدية جميلة جداً لكن اختيراكم للوقت غير موفق
واصل يابوي

شكرا الغالي على متابعتك

P a i n © · 07-16-2011, 04:30 PM

المشاركة الأصلية كتبت بواسطة الميموني

استمر بدايه تقرير رائع
وسجلني متابع

هلا فيك اخوي تشرفني بمتابعتك و واصل معاي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

قسم التقارير المصورة و المميزة

رحلتي للمغرب و مفاجآت مراكش (( مظاهرات 20 فبراير ))

رحلتي للمغرب و مفاجآت مراكش (( مظاهرات 20 فبراير )) السلام عليكم مرحبا بيكم كاملين اول شي حبيت انوه لجميع