مزاعيط المغرب - السفر الى المغرب - يوم جات الخيل تصهل في وعدها

يوم جات الخيل تصهل في وعدهـا
فوقها من كـل جسّـار(ن) فـداوي
والحشود اللي ولد زايـد حشدهـا
كل جمع(ن) له بفرسانـه هقـاوي
قلت حيّ هالنجـوم ومـن شهدهـا
ليلة(ن) فيها الفلاحي بدر ضـاوي
واعتليت اللي تخطف الريـح يدهـا
شوق من راسه على الناموس ناوي
مهرة(ن) للبيرق مروض جسدهـا
ماتـروغ مـن الملـز ولا تـلاوي
شامخه بين الرمك كنهـا وحدهـا
راسها قبل المـدى للفـوز طـاوي
فان عطت قب المهار أقصى جهدها
واعتلى من فوقها صوت العـزاوي
وان نخن للقوم من ماقـف ولدهـا
تحذف الغتره مع البشت الحسـاوي
باخس الدنيا سعدهـا مـع نكدهـا
شاعر(ن) لكـن ماراسـي بغـاوي
والله اني لا بغـت ربعـي سعدهـا
خير من تتبع خطاويـه الخطـاوي
وقفتي لا غبـت كـل(ن) يفتقدهـا
مثل فقد العفـو حـزات الرجـاوي
والموارد لو تشـح لمـن وردهـا
والضما يجعل نبـات المـرخ ذاوي
مـا تمنيـت البـروق ولا رعدهـا
مرتعي من سيل وادي العرض راوي
فان صلحت فعز الاشراف وسندهـا
وان حربت فميسم(ن) للكبد كـاوي
للعلوم جبال مـا كـل(ن) صعدهـا
يوم عاد الذيب فوق الرجم عـاوي
ما اقتنى لكنوزها الا مـن بجدهـا
من زمن قـس الايـادي للخـلاوي
شارب(ن) ماها وراعي في بلدهـا
ما لفا به مـوج ساحلهـا جـلاوي
والقصايد ما تغنّـم مـن قصدهـا
لا تبين فـي محاسنهـا مسـاوي
واجـب الرجـال لامنـه نشـدهـا
مـا يعلقهـا بهـزلات الـعـراوي
قالها اللي من رغدها لـي رغدهـا
تـرزم رعـوده وبراقـه سنـاوي
لازم العذرى وطايـب لـه شهدهـا
ناظره يشبـح وناظرهـا سحـاوي
ليتهـا دام ان تبسـم لـي بردهـا
ماترد الصب عن حظن المداوي
الشاعر /مهدي ال حيدر