الجمس

وهذه القصيده لشاعرالكبير .. (( سعد بن سلطان الرخيمي ))



ياراكب من عندنا جمـس(ن) اسـرد=
جمس(ن) جديـد ولاوطتـه المكـده
اليا دعسـت اسليتـره تقـل يطـرد=
اقفى تقـل خفـر السواحـل تحـده
كنـه مهـرب والمهـرب مـهـدد=
بالقتـل تابيـد السـجـن مايـسـده
حمل على الماخوذ حشيش(ن) اسود=
فعله قبيـح ولابـه احـد(ن) يـوده
و عليـه قـوات السواحـل تشـدد=
وتنطحـوه بسهلـة(ن) مجـرهـده
عطوه فيها حول خمسـة عشـر رد=
وتله يبي من حيث مـا جـاء يـرده
كبس لبنصه واحتمى العلـم واشتـد=
واللـي بطبلونـه نبـيـره يـعـده
و يوم استواله نابي الحزم الاجـرد=
روح حلال القـوم محـد(ن) يـرده
ويوم ارهوا انه راح ماعـاد ينـرد
جات الاوامـر بـا حرقانـه بشـده
وعطوا خبر لمسـدد الرمـي سـدد=
وخبط على الأخمس وهـزه ومـده
وقام أيتصرم .. ماصه الموت الاجلد=
شعال ويشوفـه و مـن عنـد خـده
يصلاه بالرشـاش قـرم(ن) مسـدد=
هـذي هفـت دونـه وهذيـك قـده
وقام يتعزوى يـوم صـارت معانـد=
وتـسـاون الثنتـيـن مـاعـاد وده
و صكه بثالث وانتهض فوق وإرتـد=
والويل كـز و فـز و الحـزم قـده
ولا لحم البنزينـه بثالـث وصـرد=
و عده يطير من الحزم فـوق عـده
و رقوه إلى تسعين كيلو ورا الحـد=
مع سهلة(ن) حذف المرو فوق شـده
فوقه شجاع امورد الخـال والجـد=
وعليه مـن وقتـه محفـه وضـده
ماهو براعي شين .. لاشـك محتـد=
والوقت .. له على المناعيـر صـده
قليل مال ويطلبـه هيـس(ن) اربـد=
قبيح وجـه مـن الوجيـه المصـده
افقم فم(ن) ناشف طويل(ن) مجرعـد=
قابة فمه(ن) قرو(ن)ٍ قبيح(ن) مـرده
انخش عور .. وجهه من اللحيه اجلد=
هيس(ن) ليـا أبنـد عمـى ماتـرده
والمال ضربـة مـال مـا ينتقاصـد=
والـلاش عـذره بالوفـا مايـسـده
مهمـا تعـذر مايفـيـد امتـمـرد=
و الاجـودي .. عليـه مالله يحـده
و حده حداه الله علـى غيـر مـاود=
والا علـى ماصـار ماهـو بـوده

صح لسانك ولسان ابو مسير

ومسندها على هزاع الدويش

وتكملة قصيدته

وانا ونيتي يم هزاع يسند

طير يدسم شارب اللي هده

وتحياتي لك واهنئك على هذا الاختيار

__________________
اااه من قلبن جزوع نهيته ولا طاع ** يجوز لاجازت الشمس عن مطلعها

مراكش القلب يمك وفيك مطواع ** تزين فيك أحلام حياتي مع تطلعها

[QUOTE=أهنجار خليجي;60393]

صح لسانك ولسان ابو مسير

ومسندها على هزاع الدويش

وتكملة قصيدته

وانا ونيتي يم هزاع يسند

طير يدسم شارب اللي هده

وتحياتي لك واهنئك على هذا الاختيار

[/QUOTE

اشكر مرورك والشاعر ماشالله غني عن التعريف