عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

اعلان وردي كار
اعلان نجمة مراكش

موضوع مغلق
موقوف
المشاركات: 9,326
تاريخ التسجيل: Mar 2011
الدولة: بلاد الكفار
Nadosh غير متواجد حالياً  
قديم 2011-07-16, 05:03 PM
  المشاركه #1
Arrow جاوبوني يا اصحاب الحرف.. بخُو كلامي




جاوبوني يااصحاب الحرف بخُو كلامي


إلى الليل بسوالفو وقّف خيامو

رارا أو نعّس الشمس فوق ظلامو

واش تبقى شاعلة ..واللاّ تطفى وترتاح ؟

باش مللي تنوض..تشرق لالاّ من الصباح

واش كلامي معقول ..واللاّ ما فيه ارباح ؟



جاوبوني يااصحاب الحرف

إلى سيدهم الليف امرض.. وطاح على عين اقفاتو

واش يتّكّى على اللاّمْ... واللاّ نعزِّيوْه ف احياتو ؟






لالاّ الشمس الصفرة مولات السوالف الذهبية

إلى هدات لونها لْضحكي ..واش تقبلوا عليَ ؟

ما تنافقوني ..ما تصبغوني.. أو ما تكذبُوا عليّ

بغيت نعرف..نفهم..مانبقاش غافلة ولاّ حشوميّة




جاوبوني يا اصحاب الحرف المعسل.. اللي كلو حرير
واش بصّحْ اللي داخ... إيشد الأرض واللاّ يطير ؟
ولى بق دايْخ..مغلوب لاصق ف الأرض ..آش يديرْ؟

إيعيش دايخ..تالفْ.. يجري ..واللاّ يرمي راسو ف بير ؟


جاوبوني يا اصحاب الحرف..ما تخلِّيوْني حايرة.. يمكن نبرد أو نبْرا
واش تبعّد على حبيبك ..باش إيبان لك من البعيد زوين بحال الكمرة ؟
واللاّ تقرب وتحقق ف عيوبو..إلى كان راجل إيولِّي ازمر.. ولى مرا زمرة ؟

حيت الكمرة قريبة ..خايبة.. أو من بعيد بجمالها تتعاند مع الشمس الحمرة



ياك مللي كانت لالاّ بنت الناس.. كنتِ ديما حدا الدّار
غير واللاّت مراتك..صبحوا عينيك على امرأة الجار ؟

شحال سهرتي تحلم بيها ..كانت زينة أو من أخير الناس

دابا صاحبتها نقرة صافية..أو هي من راسها لرجليها نحاس

جاوبوني على العشّاقة.. الملاّلة اللي يبدلُوا الأسنان بالضراس ؟



جاوبوني يا اصحاب الحرف واش كاتفهموا ف الغرام ؟
إلى الهمزة هجرتْ الليف..و تبعتْ حرف اليَا... واش تتلامْ ؟
واش الليف يبقى يسايْنها واللا يسكن ف قلب حرف اللام ؟
يمكن خايف عليها.. تطيح ف حفرة حرف اليَا وتعيش ف الظلام ؟"يء"

واللاّ بحبُّو ليها ...بغاها تكون جنبُو وِحقق معاها الأحلام ؟


السلامة..السلامة يا اصحاب الحرف و نزيد التسليم

راني يا ناس نذوب أو هايمة ف غرام لالاّ و مولاتي الميم


فيها امّي..الما..مكناس و ممممْ ... روحي بيها تتغدّى
علاش مرة معانقة الليف.. مرة اليا... واللاّ محملة الشدّة ؟
واش عندها عشرة وجوه واللاّ على الخوت تتعدّى ؟
يمكن قلبها كبير..تحيي صلة الرحم..والظلم والنفاق تتحدّى ؟




الحَ.. آآآآحياني.. عامرة حسرة أو ديما معمرة جوفي

ما تخطاني...ما تهجرني.. مبردة نار عقلي و ظروفي

إلى قنطت من صداعي و طلعت لها ف الراس
واش نبدّلها أو انساها.. ياك الحروف كثيرة بلا قياس ؟



ياك الليل ...واخّا مكحّلها هو اللِّي نعشقوا و نحبُّوا؟

والنهار بشمسو الجميلة.. منو نهربو و انسبُّوا

نخلِّيوْا النّور وانقلبُو على الظلام

ولى ج الصيف الحار..نتخبّاوْا و نتمناوْا الغيام

وحتى الطلق المرا عاد تذوب ف الغرام

مللي كانت حداك ..كنتِ محرر عليها الطعام

تشبعها معيور.. أو ما تسلم عليها حتى السلام

جاوبوني يا اصحاب الحرف.. واعطيوْني خو الكلام





الوحدة.. يا اصحاب الحرف واعرة و صعيبة

والحرف شاد ف عشيرو.. واخّا يكره النسيبة

ولى خطاتو يمرض.. أو ما ينفعو طبيب ولا طبيبة
ونهار ترجع... علاش إولِّي سبع أو هي تولِّي ديبة ؟




جاوبوني ..على حرف النون

مولات الخال..كحلة العيون

سر جمال هذ الكون

إلى طاحت لها النقطة

تولي بير بلا دلو
واش دايزة الغلطة ؟
واش يبقى ماها حلو ؟


جاوبوني يا اصحاب الحرف على اللي صام عام ..و فطر على جرادة


إلى كانت الجرادة معمرة ليه عينو
يا كما غرتو منو.. واللاّ حاسدينو ؟

واش خصو يشوف بعيونكم ؟
و سوّل و يتشاور مع قلوبكم ؟


جاوبوني يا اصحاب الحرف..علاش احنا عايشين بالمقلوب ؟

علاش المسكين ضاحك.. و الشبعان فلوس ..غضبان و مكبوب ؟

بين ما جاوبتوني...نمشي نغسل عظامي ف مولاي يعقوب
:eyee2::eyee2:
مزعوط خبير
المشاركات: 6,300
تاريخ التسجيل: Dec 2010
الدولة: الجبيل
saadora غير متواجد حالياً  
قديم 2011-07-16, 07:01 PM
  المشاركه #2
رد: جاوبوني يا اصحاب الحرف.. بخُو كلامي

اللي داخ يطير
اللي داخ فهاد الزمان يطير
لاأرض تهزو .ولا حد فيه ايحير
يترنح على الشوك يسير
الراجل يشوف اهنا ولهيه
لما لمرا فيه ما تحير
مايهمها حضورو ولا غيابو
عليه ما تغير
لاحد يهرب من دار العرس
ولا يبدل الذهب بلقصدير
لاتلومو الرااجل راه لمرا مفتاحو
ياك قالو الراجل طفل اصغير
هي قنديل مساه وشمس صباحو
هي اقدم الربح عليه هي بكاه ونواحو
هي ملح طعامو هي جنونو ورياحو
هي ورد احلامو وازهر دواحو
إيه بشحال من رجال بفعل لمرا
فجحيم لحماق ساحو
موقوف
المشاركات: 9,326
تاريخ التسجيل: Mar 2011
الدولة: بلاد الكفار
Nadosh غير متواجد حالياً  
قديم 2011-07-16, 09:57 PM
  المشاركه #3
رد: جاوبوني يا اصحاب الحرف.. بخُو كلامي

علاش يشوف هنا ولهيه
وهي من همه تواليه
مني تقلب وتهم بيه
يقول هدي مشكاكة وموهمة بالنقير
حتى حد مايهرب من دار العرس
وتاحد مايدخل بلا عراضة
مني هي تلالي بيه
تهزو فوق الراس وتغليه
يقول هدي ماعندها ماتدير
ويرجع كلامها قلة عقل وتعبير
والى ماعجابتو المرا يخرج فيها مليون عيب
ويقول النسى ضلعة عوجة
وهو العوجية منه وفيه
ههههههههههههههههههههه
تقبل مني شيخي هالمحاورة على كلامك واتمنى تكون
موزونة راه الميزان عندي مره مره تيخسر ممقادش
: (780):: (780):
موضوع مغلق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
جاوبوني بسرعه مزاجية السفر و السياحة في باقي دول العالم 47 2014-05-05 10:43 PM
اول مشاركه ... تكفون جاوبوني ما كاين واااالو قسم السفر والسياحه في اغادير 28 2012-06-30 01:57 AM
إن لم تفهم سكوتي فمن المستحيل أن تفهم كلامي؟ مرهفة الاحساس الاستراحه 8 2011-05-11 01:49 PM


الساعة الآن 03:05 PM



1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59