رد: امراة............ثلاثة شيوخ
اقتباس:
المشاركة الأصلية كتبت بواسطة مرسي الزناتي
بلا محبهـ بلا خرابيط
بالفلوس تشتري سعادتكـ بالفلوس تشري نجاحكـ بالفلوس تشتري اصدقائكـ
اذا ماعندكـ ريال ماتسوى ريال
واذا مامعكـ ريال لا تفكر لا بالنجاح ولا بالمحبهـ
اخي مرسي الزناتي ادا كان هدا رايك فانها محترماه
لكن انا كنشوف بلي لفلوس تقدر تشري ترفيه لكن سعادة كاملة لا ودليل دلك شحال د ناس عندهم قصور وشركات وكل ما تهوا نفسهم كيف ما نقولو بالدارجة عندهم لي يتحرق ما يتم ولكن نقصاهم السعادة لمخير فيهم متبع مع طبيب نفساني هدا من غير لي لي وضعو حد لحياتهم وانتحرو علاش ياك عندهم فلوس ويقدرو يشريو بها سعادتهم لكن السعادة كتجي بمحبة الله ومحبة الوالدين ورضاهم ومحبة الناس لي امحيطين بينا
اما بالنسبة للنجاح ياما ناس نجحو في حياتهم وكانو من اشد الفقراء لكن حاجة لي نجحتهم عرفتي شنو هي المحبةالناس لي دايرين بهم هي لي خلاتهم يشعرو بالاستقرار وهاد الاستقرار النفسي هو لي خلاهم يجتهدو حتى وصلو
اما قضية الاصدقاء لي يتشراو بالفلوس اشمن اصدقاء اخويا كتهضر عليهم
قول شردمة د ناس غيلتفو بيك من اجل مصالحهم كلنا كنعرفو بان ربي يعطي وياخد يعني نقدرو ليوم عندنا فلوس غدا لا فديك الساعة شوف واش غتلقى شي واحد من اصحابك لي شريتي بفلوسك بجنبك
انا نفضل تكون عندي صديقة وحدا تحبني وانا على قد حالي خير ليا من 20 وحدة لاصقة فيا على قبل مصالحها
وفي الاخير نقول لهداك لي ما عندو ريال هدا نصيب مقسمو عليك ربي ولازم ترضا بيه واسعد في حياتك بمحبة الناس لي جنبك الناس لي يبغيوك ويخافو عليك الناس لي يحبوك بصدق وانت معاهم ويدكروك بخير وانت غايب عليهم
نتمنى حتى انت تحترم وجهة نظري