يا مرحبا بمجنون ( سلمي ) الله يحييك صح لسانك علي ها القصيد
وحبيت ازبط و انسق النص لك القصيد ع شان يستمتع القارى فيها بعد اذنك
القصيدة (1)
سـلـمـى تـقــول اثـــر الـمــوده غـرابـيـل=وانـــا عـلــى سـلـمـى عـلـيـل الضـامـيـر
وسلمى تقول الحب ويل ٍ بثر ويـل=وانــــا حــشــاي بـجـايــر الــحــب فــايــر
وسلمى لها باقصى الضماير مداهيل=وعــنــدي لـسـلـمــى بـالــمــوده ســرايـــر
أشـفـق علـيـهـا كـــلَ مـــا يـقـبـل الـلـيـل=والـصـبـح اوصَـــي يـمـهــا كــــل طــايــر
طفل ٍ سلب عقلي بنجل ٍ مظاليـل=مـنـهـا قــلــوب اهــــل الــمــوده عـثـايــر
ورموش سود ٍ ما تكَمـل مـن الميـل=ســــــوَاة خــــــلاق الــبــحـــر والــجــزايـــر
دار ٍ لسلـمـى مــا يجيـهـا المـراسـيـل=دار ٍ لـقـلـبـي فــــي حـمــاهــا ذخــايـــر
أطـلـب لـهـا مــن رايــح الـنــوَ بالـسـيـل=مــنــه الـزبـيــدي نــابــت ٍ بـالـمـحـايـر
القصيدة (2)
سلمى بكاني فراقك وهد لي حيلي=أخاف الدمع من عيني, يجفف صورتي فـ بالك
تعالي أحتاج اسولف لك عن الأيام واشكي لك =تجيني طيف ياعمري على جنحان شوقي لك
أخاف أرمش من عيوني و بعثر صورة وصالك =سلمى لا تجيني قولي يالكبيدا وين أنتي و أنا أجيلك
أبيك تقولي وين أنت و على عيوني أنا أسعى لك =وربي فوق روس الشوك لخلي القلب يمشي لك
و أخلي ظلالي يسبقني قبل يحضني منزالك =ثواني بس أبتهندم من عيونك وبهدي لك
في عينك ضحكةٍ حتى تكحل عين عذالك =يقول الناس بغيابي يشب القلب و يضوي لك
حنيني و من شوقه يميل القلب لا مالك =قضى دمعي من عيوني أبي من عينك أبكي لك
أبنثر من ورى عيوني دموع عيون ترحالك =وحتى الشوق من صبح الدرايش قام يهديلك
عصافير الرضى ترفرف على بيبان مدخالك =هنا ترمي صباح الخير قبل لا تروح و ادعيلك
و هنا تضوي مساء الخير في عيني من هلالك =أنا من الليل يقطفني شعوري لك و غني لك
سلمى أنا من الصبح يليلني الحزن من لون موالك =حرام الليل ماهو ليل أذا ماكنت في ليلك
و حرام الصبح ماهو صبح أذا ماكنت بـ ظلالك =تروحين وقلت أحط روحي على كفي و أنادي لك
نزعت العمر من شفت الغلا بالروح نادى لك =بربك قولي وش سوى الفراق بوجه منديلك ؟
تسيل ألوان طيفي فيه إلى من البكى سالك =سلمى لا يبكييني الفراق و لا يهد حيلي
أخاف الدمع من عينك يجفف صورتي ببالك =تعالي .. تعااالي يالشحيما أحتاج أسولف لك عن الأيام و أشكي لك
و فض غيم الحزن و أنثر حنين الشوق بقبالك =تعالي وحط في قلبي هموم الفرقى و أشيلك
لان القلب ماهو قلب أذا في نبضه ما شالك =قضى دمعي من عيوني أبي من عينك أبكي لك