فضيلة الشيخ مصطلح مطاط يحتمل فئات كثيره في مجتمعنا ومنهم فئه قد نطلق عليهم شعب الله المختار لما لهم من كارزما خاصه اصلتها ثقافة يافضيلة الشيخ القضاة لدينا يحملون هذه الصفه وهم سفراء فوق العاده لمصطلح فضيلة الشيخ وكل ما أمعن في ممارسة الفضائل الدينيه اصبح قاضي من الدرجة الممتازه بغض النظر هل يؤدي عمله بما يرضي الله ويقوم بكامل واجباته مقابل الحقوق والمميزات الكبيره ومنها حقوق ومميزات ماانزل الله بها من سلطان أتساءل هل القاضي عبد من عباد الله ام سلاله نادره تأكل غير اكلنا... وتشرب غير مانشرب... ويتسوق مثلنا... وهل يسافر وينزعط مثلا!!! انا لي موقف مع شخص يعرف سفير فوق العادة ومتمسك بالمظهر الخارجي للفضيله وله صولات وجولات تصب في خانة المحظور
ثقافة المجتمع تقول ان القاضي دائما ملبى الطلبات من قبل من حوله أسر الى صاحبه بأن الجو ممل في العمل الطويل والقضايا الكثيره التي تمر به كل يوم شف لي ياسواق الشيوخ ديره ابي اغير الجو ولأن سواق الشيوخ له تاريخ مع السفر وناوي يوسع صدر الشيخ قاله وش رايك ننزعط هل المره ؟ مافهم فضيلة الشيخ لان ثقافته تختلف و جاي من كوكب اخر ومايدري وش وضعنا في السفر وخلافه ولانه يشوف انه شخص مشغول جدا ولا هو فاضي يحك رآسه أمر سواق الشيوخ يقوم بكل شي من و الى فسافر الشيخ يبي ينزعط قويه يالشيخ.
سواق الشيوخ طلع ماهو بسهل جمع له قروب مزاعيط على الطاير لزوم يعيش الشيخ اجواءه الفنتازيه ويمارسها على من حوله .
راح الشيخ والحاشيه الي معه وتعلق قلبه بواحد من المرافقين بالرحله لأنه ببساطه على الفطره ورجع الشيخ لطبيعته الانسانيه وابعده عن اجواء التكلف والبرج العاجي الي كان عايش فيه لانه مل وطفش من كلمة يافضيلة الشيخ
رجع الشيخ ومن معه من الجوله المزعوطيه ورجع للمكتب ودوام الساعتين وثلاث ايام في الاسبوع مرت الايام والشيخ مازال يعيش الاثار الانسحابيه ، اجل الشيخ طلع مثلنا ولا هو من كوكب اخر ؟!!!!
جاه رفيق الزعطه يبي يدردش معه بالمكتب وصل إلى حاجب القاضي ماهو مستوعب ان هالنوع يرافق فضيلة الشيخ قاضي القضاة المبجل
بعد الاحاح طويل من صاحب السفر على الحاجب للوصول الى فضيلة المنزعط قبل هروبه من الابواب الخلفيه كعادتهم.
رضخ له الحاجب وغامر بعلاقته ومستقبله لمقابلة فضيلته ظفر الصاحب ودخل على صاحب المغامرات ومعزب السفره حالت سكون غريبه ونظرات فيها من الاستغراب والدهشه تعلو فضيلته ارسل رساله لحاجبه يصرف كل المراجعين ويلغي جميع المراجعات طوال الاسبوع
هلا : (13): هلا : (13):هلا : (13):بصاحبنا ،يشطح الشيخ شطحات ترحيبيه بصاحبه متى راح نرجع ابي انزعط مره ثانيه وثالثه الى مالا نهايه
وش يحسون فيه القضاة من هذا النوع ؟؟؟ يوم ان الي داخلهم غير المظاهر الخارجيه بعد هالموقف الواقعي توقعوا تشوفون قاضي المزاعيط يقلط عندنا في المنتدى ومعرفه اقترح يكون قاضي قضاة المزاعيط وعلى فكره ماتنطبق عليه لا قوانين ولاقواعد لا في المنتدى ولا في غيره فخلوه يعيش الجو لانه ببساطه من شعب الله المختار.

مرحبا بنبض المزاعيط

انا ذكرت قصه واقعيه حدثت ومايحيط القضاة في محاكمنا لا يمت بصله لدين

انا اقدر لكم غيرتكم على الدين لكن انا لا اتحدث عن الدين الاسلامي

انا اتحدث عن بشر يخطؤون ويصيبون

اخوي نبض القلوب ماهو الشي الذي ذكرته يمس الدين الاسلامي بسوء وانا على استعداد لمخاطبة الادارة لأغلاق الموضوع في حال وجود مثل هذا الخطأ لاقدر الله

وجهات نظر احترمها واعتز بها منك اخوي نبض القلوب

الموضوع لايحتمل كل هذا النقد

واكذب عليك اذا قلت لك ان الزعطه ماهي مأثره علي: (92):

وشكور على مرورك اخوي نبض القلوب ومشاركتك الجميله : (456):