البدايه

في سنة 96 كنت احضر لسفرتي لتايلند وللامانه كنت من روادها وكان اللي يقول تايلند مو حلوه اكره القعده معاه .

سفرتي كانت بعد اسبوع وكنت بالسوق اشتري لوازم ناقصتني للسفره .

شوي والا داق تلفوني ...

الا صاحبي يسألني وينك

قلت بالسوق قالي متي تخلص قلت يبيلي ساعه

قالي اوكي تعال عندنا اذا خلصت ..... قلت اوكى

خلصت شغلي ورحت عندهم الا قاعدين ربعي اثنين

قعدنا نسولف شوي ونظراتهم حسيت انهم غريبه

قلت شفيكم عسى ماشر

قالو ابد سلامتك ماكو شي بس شرايك نروح لندن

قلت ما تشوفون شر قالو يا ولد لازم نغير شوي

قلت غيرو علي كيفكم . المهم طلعت منهم رحت اشيش لقيت صديق عزيز علي حيل من زمان ما شفته

سلمت عليه ويا هلا ويا مرحيا قعدنا نسولف وشخبارك ووين رحت وين جيت

قالي انت ليلحين تروح تايلند قلت اي يا حلوها مالي غيرها

قال اسمع يا صديقي العزيز اترك عنك تايلند وخرابيطها

انت تصلحلك المغرب

قلت شنوووووو

قال يا ولد اسمعني بس ... قلت مالك امل ياعمي شوديني المغرب

قال خلاص اسمع انا عندي تصوير انا والربع السفره اللي فاتت ابيك تشوفه

وعقبه عطني رايك .. قلت تصوير شنو ؟؟ قال مصورين فيديو بالمغرب ابيك تشوفه وعقبه عطني رايك

قلت اوكي نشوووف.

رحت عنده وانا قلبي يرقع ياربي هذا شراح يوريني يعني لايكون عباله اني مو شايف خير

شغل التصوير وقعدت اطااالع

يخرب بيتك شنو هذا اقوله ؟؟ قاعد يطالع فيني وهو ميت من الضحححححك

قال هذا اللي ما قدرت اوصله لك بالكلام وأنا اعرف جوك عدل . قلت ما ينفع معاك الا التصوير

يالربع صرت خبل وكأني مو شايف خير وسألته ميه مليون سؤال مره وحده قام يضحك

قال اركر اركد شبلاك قلت اقووووول جاوبني اخلص قال بجاوبك علي كل اللي تبيه

بس اشرب ماي وهدي وراح اعلمك بعلوم طيبه

طلعت منه يالربع وانا مو انا تااااااايه وجاني صداع ومالي خلق اكلم احد قمت اسرح واتخيل دشيت جو

مو طبيعي .. واقول بيني وبين نفسي اشوه اني ما شريت تذكره تايلند ليلحين.

وادق علي ربعي اللياول شي يبون يروحون لندن ههههههه قال لندن قال اقول استريح بس

الوووو وينكم قال موجودين قلت جااااااايكم لا تروحون . وصلت واطالع فيهم وانا اضححححك

قلت فيكم تغيير ها ؟؟ اممممم ... قالو اي والله الجو الحلو واوروبا بعد ماعليها كلام

ملينا من تايلند اسمع شورنا وخلنا نروح لند.......ن ... قاطعته بالكلام قلت اقوووووول اسمع الكلام اللي

ماهو كلامك تبون تغيرون انا معاكم بس بشرط نروووح المغرب

واحد منهم طار من الفرحه والثاني انصدم وتبلعم

قالي شفيك انهبلت انت ؟؟

قلت المغرب والا فلااا ورفيقي الثاني يقول ونعم الراي

قلت يالله مو تبي تغيير يالله هذا التغيير . قعد يقولبها براسه شوي ووافق

طبعا ربعي ما قلتلهم عن التصوير قلت بخليها مفاجأه

دقيت علي صديقي راعي التصوير قلتله شكلي بروح المغرب الله يسامحك شغلتها فيني

قال حلو حنا رايحين بعد الاسبوع الجاي قلت خلاص وياكم قال اوكي هذي الساعه المباركه

شرينا التذاكر وضبطنا الشغل ورحنا المطار واشكال ربعي كأنهم اول مره يسافرون

فطسوني من الضحك بصراحه...
-- يتبع الوصول الي كازا---

صراحه بداية تقرير مشوق سجلني عندك متابع بس لاتطول

بدايه قويه ماشاء الله عليك ياالبوقووس

ونتمنى انك تواصل وتورينا ابداعاتك

تقبل مروري

تقرير مره روعه
وبداية موفقه
شوقتنا نعرف المزيد
وان شاء الله بالتوفيق

--- نتابع ---


الحين ركبنا الطياره وكانت دايركت كنا حول 8 اشخاص صديقي القديم معاه ربعه وحنا ثلاثه طبعا تعرفنا

علي بعض بالكوفي بالمطار وكانوا بصراحه شله فله

نرجع للطياره .. طبعا حالنا بالنسبه لهم كان غير حنا كنا ساكتين ومغير امبحلقين عيونا ونسمع سوالفهم

يااخواني جاني احساس اني طفل صغير اول مره اسافر واركب طياره واقول بيني وبين نفسي شفيك

ياولد اضبط حالك لا تصير مشفوح .

لين قال الكابتن اربطو الحزام سوف نهبط بعد قليل .. الا الشباب طايرين من الفرح وقعدنا نطالع من

الدرايش ونشوف كازا من فوق الله ياهي خضراء ( تصدقون عورني قلبي وانا اكتب الحين ) :Abu
Ahmed (147):

عموما وصلنا وجينا عند الجوازات ويجيني صديقي ويقولي لاتتكلم ومالك شغل بشي بس اضحك واي

شي يقولك مال الجوازات قوله ما فهمت . قلتله اوكى

بصراحه للامانه جاني شعور مو زين بالبدايه من المطار والمعامله وصديقي كان يشوف هالشي بوجهي

جاني وقالي ماعليك بس بالمطار اهم كذا استحمل . قلت اوكي

المهم كان عندنا رحله ثاني يوم الصبح اقادير لان احنا واصلين بالليل المهم طلعنا في باص ودخلنا كازا

بالليل كانت الساعه حوالي 12 بالليل وخونا فندق والله حلو كان اسمه السفير

يالربع اول ما دخلنا شلون اقدر اوصف اللي قدامي طارت عيووووونا تخيلو نسينا الرسبشن والدنيا مغير

نبحلق ونطاااالع حتي جنطتي بالباص نسيتها مادري منو نزلها . انصدمت قلت في قلبي يا ونااااااااسه

اشهد اني بعمرها . يا جماعه هذا واحنا ليلحين بالرسبشن .. و ينادوني الربع تعال تعال اخذ غرفتك لاحق

لاحق علي كل شي .. ( ادري حسيتو اني مطفوق بس عادي ) المهم سالت ربعي الاثنين اللي معاي

شرايكم يالربع قالي واحد فيهم ههههههههههههههههه والله اني ما انساها ..أول مره ادري ان مبنى

ال ام بي سي بالمغرب ( mbc ) ههههههههه من الدوخه

المهم دشينا غرفنا جانا الدليله قال ها تعبانين والا فيكم سهره ؟؟

بصراحه كان مهدود حيلنا قلنا وين قال في ديسكو اسمه البلاك هاوس نروحله مشي

قلنا مافي شي بفنقنا هذا قال فيه بس شي عادي مو ذاك الزود ..

قلنا يا ولد بنقزرها بالفندق شوي وبنام لان ان رحنا معاك راحت علينا طياره بكرا

قال براحتكم .. الفندق كانت فيه سهره عربيه عاديه جدا اول ما دشيت الكل يناظر بابتسامه

ماقعدنا بس مرور الكرام كان فضول لا غير ورجعنا غرفنا ونمنا وقعدونا الصبح وشك اوت ورحنا المطار

شيكنا واخذنا البوردنق واحنا رايحين للطياره كان في سوق حره وكانت امام البوابه حقت الطياره

شرينا اغراضنا وقهوتنا وعند الباب حق التفتيش وقفنا الشرطي يقول ممنوع

انا هني حدي فصلت ومونايم عدل بعد .. قلت شفيه هذا ينكت علي مخي انت من اليوم تشوفنا نشتري

ولما خلصنا تقول ممنوع قال صديقي ماعليك ويصكه بميه درهم جان يضحك الشرطي

يا سبحان مغير الاحوال هههه قالي صاحبي كل شي بميه درهم وتمشي ,, المهم ركبنا الطياره كانت

صغيره يالربع اشهد انها تروع كل شوي اقول كم باقي نوصل وكلها 45 دقيقه الوكاد طبت الطياره وصلنا

وصلنا بالسلامه وجينا الجمارك ..كنا متفقين بالطياره ميه درهم بالجواز وعلي طول حرك مالي خلق شي

لاني بديت اتعكر من هالسالفه لاني مو متعود بصراحه اني اتاخر من غير سبب

خلصنا من الجمارك وطلعنا برا عند التكاسي الا صافين بالدور ويتخاطفونا بس انا بصراحه ما كنت يمهم

انا اول ما طلعت برا جاني شعور مو طبيعي يا جماعه احساس غريب جدا كاني جاي هالمكان قبل

هالمره .... اي والله

وقاعد استنشق الهوا المنعش وفعلا حسيت براحه عموما اخذنا تكسيين قلت حق اللي معانا الحق ربعنا

لا تضيعهم لا اذبحك ترى ما ندل ولا نعرف شي ... قعد يضحك قال صافي صافي وراهم

طبعا يا اخواني المزاعيط قبل مالك امل احد يسكن صحارى كان العموم فلل في اقادير بس السهره

كانت بصحارى.

جينا منطقه اسمها ( الداخله ) آآآآآه يالداخله الله من علوم صارت فيها ... عموما من فيلا لي فيلا الربع

حصلو فيلا قبلنا وحطو اغراضهم وصعد صاحبي معاي عشان ندور فيلا ثلاث غرف لنا ..

لقينا خووووش فيلا واااعره بالزاف كانت لووووقطه ثلاث غرف فوق وتحت كلها صالات وشغاله يحليلها

وعساس ... المهم اتفقنا علي السعر كانت علي ايامها 1500 الليله عطيناه حساب 3 ليالي وقلنا الباقي

بعدين ... كلن راح غرفته وضبط اغراضه وقالي صاحبي بمركم الساعه 6 المغرب قلت اوكي كانت الساعه

تقريبا11 الظهر قلت يمدينا نريح شوي ونقوم عشان نطلع ونتعشي

------ يتبع-----

هاااااااااااااااااثم